1 / 133

Njoen Testamenti I – Les 3 Da Libi foe Jezus Kristus

Bijbel Baptist Kerk Les. Njoen Testamenti I – Les 3 Da Libi foe Jezus Kristus. Robert D. Patton. Da srepi neti.

dalila
Download Presentation

Njoen Testamenti I – Les 3 Da Libi foe Jezus Kristus

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Bijbel Baptist Kerk Les Njoen Testamenti I – Les 3Da Libi foe Jezus Kristus Robert D. Patton Da Froktoe foe da Jeje: Lobi

  2. Da srepi neti • Mt. 13:47. Dan, da kownoekondre foe hemel de leki wan srepi-neti, disi dem ben trowe na ini da zee, en a kisi ala sortoe fisi; 48. En di a ben foeroe, dem ben srepi hem kom na sjoro en dem ben sidon, en dem ben prati dem boen fisi kibri na ini dem bari, ma dem takroe wan dem ben fringi trowe. 49. Na so a sa de na da kaba foe grontapoe; dem engel sa kom, en dem sa prati dem ogri soema foe dem regtvaardiki wan, 50. En dem sa trowe dem na ini da faja onfoe; drape dem sa bari krei en kaw tifi. • Dem engel sa prati dem boen wan foe dem ogriwan Les 1 Santa Jejej

  3. Da mosterd siri • Mk. 4:30. En A ben taki: Sortoe fasi de gersi da kownoekondre? Nanga sortoe gersi-tori wi sa poeroe hem kom na krin? 31. A de leki wan mosterd siri, disi, te joe prani hem na ini da gron, a de moro pikin leki ala dem siri disi de na grontapoe; 32. Ma te a gro, a kom bigi, moro bigi leki ala dem groentoe, en a meki bigi taki so dati dem fowroe foe loktoe kan kibri na da kowroepresi foe hem. • Fowroe = ogri normaal leki symbool • Dja ete wan leisi wi si da kownoekondre foe hemel abi boen nanga ogri moksi na wan Les 1 Santa Jejej

  4. Jezus mama & brada • Mk. 3:31. Hem brada nanga Hem mama ben kom drape, en dem ben tan na dorosei, seni kari Hem kom. 32. En dem hipi soema ben sidon lontoe Hem, en dem ben taki gi Hem taki: Loekoe, Joe mama nanga Joe brada na dorosei de soekoe Joe. 33. En A ben piki dem taki: Soema na Mi mama efoe Mi brada? 34. En A ben loekoe lontoe na dem disi ben sidon lontoe Hem en A ben taki: Loekoe, Mi mama nanga Mi brada! 35. Bikasi da soema disi sa doe da wani foe Gado, da srefi soema de Mi brada, nanga Mi sisa, nanga Mi mama. • Wi kan tron famiri foe Jezus! Les 1 Santa Jejej

  5. Jezus bedari wan storm • Mk. 4:37. En wan bigi winti ben opo, en dem skwala ben naki da sipi kom na ini so dati watra ben foeroe da sipi. 38. En A ben de na bakasei foe da sipi; A ben sribi na tapoe wan koensoe; en dem ben wiki Hem, en dem ben taki gi Hem taki: Masra, Joe no ke dati wi de soengoe? 39. En A ben opo, en A ben krasi da winti, en A ben taki gi da zee taki: Vrede, tan tiri. En da winti ben tapoe, en da zee ben bedari. 40. En A ben taki gi dem taki: Foe san'ede oen ben frede so? Fa a kan de dati oen no abi bribi? 41. En dem ben frede toemoesi, en dem ben taki nanga makandra taki: Sortoe soema na disi, dati da winti nanga da zee srefi gi Hem jesi? • Jezus abi makti tapoe ala sani! Les 1 Santa Jejej

  6. Jezus nanga da man foe Gadara • Mk. 5:2. En di A ben komopo foe da sipi, wantem wan man nanga wan takroe jeje ben komopo na mindri foe dem grebi, kom miti Hem. 3. A ben libi na mindri foe dem grebi, en no wan soema ben man tai hem, no nanga keti srefi; 4. Bikasi a ben tai omeni leisi kaba nanga dem foetoe-boeje nanga keti, ma a ben broko dem keti pis'pisi, en a ben broko dem foetoe-boeje poeroe; no wan soema ben man bedari hem. • Da man ben abi foeroe takroe jeje! Les 1 Santa Jejej

  7. Jezus nanga da man foe Gadara • 6. Ma di a ben si Jezus farawe, a ben lon kom aanbegi Hem, 7. En a ben bari nanga wan tranga stem taki: San mi abi foe doe nanga Joe, Jezus, Joe Pikin foe da Moro Hei Gado? Mi begi Joe na nem foe Gado dati Joe no moesoe pina mi. 8. Bikasi A ben taki gi hem taki: Komopo foe da man, joe takroe jeje! 9. En A ben aksi hem taki: San na joe nem? En a ben piki baka taki: Mi nem na Legioen, bikasi wi de foeroe. • Disi na da wan presi Jezus ben taki nanga takroe jeje – en A ben poeroe hem Les 1 Santa Jejej

  8. Jezus nanga da man foe Gadara • Dem takroe jeje ben begi foe go na ini 2000 agoe, en Jezus ben gi dem pasi • Dem ben kiri ala dem agoe • Da man kisi hemsrefi, en Jezus ben taigi hem foe taigi trawan san Gado ben doe gi hem • Dem soema foe da birti, na presi foe aksi Jezus foe jepi, ben aksi Hem foe gowe… Les 1 Santa Jejej

  9. Jezus njan nanga sondari • Mt. 9:9. En di Jezus ben waka go moro fara, A ben si wan man disi dem kari Matteüs, disi ben sidon foe teki tol; en A ben taki gi hem taki: Waka na Mi baka. En a ben opo, en a ben waka na Hem baka. 10. En a ben pasa so dati di Jezus ben sidon njan na da oso, loekoe, foeroe tolnaar nanga sondari ben kom foe sidon na tafra nanga Hem nanga dem discipel foe Hem. 11. En di dem Fariseeman ben si dati, dem ben aksi Hem discipel taki: Foe san'ede oen Masra de njan nanga dem tolnaar nanga dem sondari? Les 1 Santa Jejej

  10. Jezus njan nanga sondari • Mt. 9:12. Ma di Jezus ben jere dati, A ben taki gi dem taki: Dem gesontoe soema no abi wan datra fanowdoe, ma dem siki soema. 13. Ma oen go leri san disi wani taki: Mi wani foe soema sori sari-hati moro leki foe gi ofrandi; bikasi Mi no ben kom foe kari dem regtvaar -diki soema ma dem sondari foe drai dem libi. • Jezus de leki wan datra disi genees wan siki- da siki foe sondoe. • Ma efoe joe no denki joe de siki, joe no sa kom na da datra! Les 1 Santa Jejej

  11. Jezus opo wan dede meisje • Wan man na nem Jairus aksi hem foe meki hem wan enkri oemapikin kom boen baka • Dem taigi Jezus dati da meisje dede kaba • Jezus ben taki dati a no dede, ma a sribi • Dem soema lafoe hem • A jagi ala soema komopo, en a teki 3 discipel nanga hem nanga da mama & tata Les 1 Santa Jejej

  12. Jezus opo wan meisje foe dede • A taigi da meisje foe opo, en a wiki baka • Ala soema verwondroe • Wi noiti feni wan soema disi ben tan dede na ini da aanwezigheid foe Jezus Kristus • A de da libi foe troe… Les 1 Santa Jejej

  13. Jezus nanga Johannes da dopoeman • Mt. 11:2. Now di Johannes ben de na ini doengroe-oso, en a ben jere foe dem wroko foe Kristus, a ben seni toe foe hem discipel go aksi taki: 3. Joe de da soema disi sa kom, efoe wi moesoe verwakti wan trawan? 4. Jezus ben taki gi dem taki: Go verteri Johannes agen dem sani disi oen jere en si: 5. Dem breni wan kan si baka; dem verlam wan kan waka, dem gwasiman kom krin baka, en dem dofoe soema jere, dem dedewan de opo baka, en dem poti soema jere da boen njoensoe. 6. Blesi foe da soema disi no mandi nanga Mi. Les 1 Santa Jejej

  14. Johannes… • Johannes ben twijfel efoe Jezus de da messias • Jezus ben sori omeni wondroewroko na fesi foe dem discipel foe hem en A ben taigi dem foe sori Johannes san dem ben si Les 1 Santa Jejej

  15. Johannes • Mt. 11:7. En di dem ben gowe, Jezus ben bigin foe taki gi dem hipi soema abra Johannes taki: San oen ben go si na ini da woestijn? Wan warimbo disi da winti de seki? 8. Ma san oenoe ben go drape foe si? Wan man disi weri safoe krosi? Loekoe, dem soema disi weri safoe krosi libi na ini dem kownoe oso. 9. Ma san oenoe ben go drape foe si? Wan profeti? Ja, Mi taigi oenoe taki: A de moro leki wan profeti srefi. Les 1 Santa Jejej

  16. Johannes • Mt. 11:10. Bikasi disi de da soema foe di dem ben skrifi taki: Loekoe, Mi seni Mi boskopoeman go na joe fesi, disi sa meki da pasi klari gi joe. • Disi tai Johannes nanga Maleachi 3:1 • 11. Troe troe Mi taki gi oenoe taki: No wan oema ben meki wan pikin disi de bigi moro leki Johannes da dopoeman; tokoe da soema disi de da moro lagi wan na ini hemelkondre de moro bigi leki hem. Les 1 Santa Jejej

  17. Johannes • Da grani foe Johannes ben de dati a no ben opo hemsrefi, en a no prei leki a de da messias, ma dati a ben gi hemsrefi totaal abra na da wroko foe Gado • A moesoe kom moro bigi, ma mi moesoe saka – da woortoe foe hem • Ma libisoema soekoe punt alatem • Johannes ben de toemoesi streng • Jezus no ben de streng nofo… Les 1 Santa Jejej

  18. Jezus genees wan verlam man • Jn. 5 sori wi wan man verlam 38 jari langa • A ben de na sei wan watra foe seki, ma noiti a doro foe kom boen baka • Jezus ben genees hem en taigi hem foe tjari hem bedi – tapoe da sabbat • Dem Djoe kom mandi Les 1 Santa Jejej

  19. Jezus Preek – Jn. 5 • Jn. 5:17. Ma Jezus ben piki dem taki: Mi Tata de wroko te leki now, en Mi de wroko toe. 18. Foe dat'ede dem Djoe ben kom moro krasi foe kiri Hem, bikasi A no ben broko da sabbat nomo, ma A ben taki toe dati Gado ben de Hem Tata, en A ben meki Hemsrefi leki Gado. 19. Dan Jezus ben piki dem taki: Troe, troe, Mi taki gi oen taki: Da Pikin no kan doe noti foe Hemsrefi, boiti san A si da Tata doe; bikasi alasani disi A de doe, dem srefi sani da Pikin de doe toe. • Jezus sori dati A de Gado • Ma A de totaal afhangelijk foe da Tata • Ma tokoe ibri sani disi Gado doe, A doe toe Les 1 Santa Jejej

  20. Jezus Preek – Jn. 5 • Jn. 5:21. Bikasi so leki da Tata de opo dem dede soema, en A gi dem libi, so srefi da Pikin de gi libi na soema A wani. 22. Bikasi da Tata no kroetoe no wan libisoema, ma A ben gi ala kroetoe abra na da Pikin; 23. Foe ala soema sa gi da Pikin bigi nem so leki dem gi da Tata bigi nem. Da soema disi no gi bigi nem na da Pikin no gi bigi nem toe na da Tata disi ben seni Hem kom. • Jezus Kristus sa kroetoe wi alamala • Wi moesoe gi Hem da srefi nem leki Gado da Tata – wan probleem gi dem J.G. Les 1 Santa Jejej

  21. Jezus Preek – Jn. 5 • Jn. 5:24. Troe, troe, Mi taki gi oen taki: Da soema disi jere Mi woortoe, en a bribi na tapoe Hem disi ben seni Mi kom, hem abi libi foe teego, en a no sa kom na kroetoe; ma a ben abra komopo foe dede kaba go na libi. • Wi kisi libi foe teego da momenti di wi drai libi. A no de wan sani foe da toekomst Les 1 Santa Jejej

  22. Jn. 5… • Jn. 5:25. Troe, troe, Mi taki gi oen taki: Da joeroe sa kom, en a de dja kaba, te dem dede soema sa jere da stem foe da Pikin foe Gado, en dem soema disi jere sa libi. 26. Bikasi so leki da Tata abi libi na ini Hemsrefi, so srefi A ben gi da Pikin makti foe abi libi na Hemsrefi ini; 27. En A ben gi Hem makti foe koti kroetoe toe, bikasi A de Soemapikin. 28. No verwondroe foe disi; bikasi da joeroe sa kom, te ala soema disi de na ini dem grebi sa jere Hem stem, 29. En dem sa komopo: dem soema disi ben doe boen sa opo baka go na libi; en dem soema disi ben doe ogri sa opo baka go na kroetoe. Les 1 Santa Jejej

  23. Jn. 5 Preek • Jezus sa kroetoe ala soema • Som sa de na da bema stoeroe foe Kristus – dem bribiwan te dem doro na hemel • 1000 jari moro lati, dem lasiwan sa kom na fesi foe da bigi weti troon kroetoe foe go na hel Les 1 Santa Jejej

  24. Jezus Preek – Jn. 5 • Jezus taki dati 4 getuigi de gi Hem • 1. Johannes da dopoeman • 2. Hem egi wondroewroko • 3. Gado da Tata • 4. San Mozes skrifi na ini da O. T. Les 1 Santa Jejej

  25. Jezus doro baka na Nazaret • Mk. 6:1. En A ben komopo foe drape, en A ben kom na Hem egi kondre, en Hem discipel ben waka na Hem baka. 2. En di da sabbat dei ben doro, A ben bigin foe leri na ini da Djoe kerki; en foeroe foe dem soema disi ben arki Hem ben verwondroe, en dem ben taki: Pe da man disi ben kisi dem sani disi? En sortoe koni A ben kisi, foe A kan doe so bigi wroko nanga Hem anoe? 3. A no de da timreman, da manpikin foe Maria, da brada foe Jakobus, nanga Jozef nanga Judas nanga Simon? En Hem sisa no de dja na wi mindri? En dem ben mandi nanga Hem. Les 1 Santa Jejej

  26. Jezus na Nazaret • Mk. 6:4. Ma Jezus ben taki gi dem taki: Wan profeti no de sondro bigi nem boiti na ini hem egi kondre, en na mindri foe hem egi famiri, en na ini hem egi oso. 5. En A no ben kan doe no wan bigi wondroewroko drape, boiti dati A ben poti Hem anoe na tapoe wantoe siki soema foe meki dem kom boen baka. 6. En A ben verwondroe fa dem no ben bribi. En A ben go lontoe na dem dorpoe foe leri drape. • Wi kan hori baka da wroko foe Jezus te wi no bribi Les 1 Santa Jejej

  27. Jezus seni Hem discipel go • Mk. 6:7. En A ben kari dem twalfoe discipel kom na Hem, en A ben bigin foe seni dem go na doro toe nanga toe; en A ben gi dem makti na tapoe dem takroe jeje; 8. En A ben komanderi dati dem no sa teki no wan sani nanga dem boiti wan wakatiki nomo; no njanjan saka, no brede, no moni na ini dem monisaka; 9. Ma dem sa weri soesoe na dem foetoe; en dem no sa weri toe djakti. 10. En A ben taigi dem taki: Na da presi pe oen sa tan, go na ini wan oso, en tan drape te leki oen libi da presi dati. Les 1 Santa Jejej

  28. Jezus seni Hem discipel go • Mk. 6:11. En efoe dem soema no sa teki oen, efoe dem no sa jere oen te oen sa komopo foe drape, dan seki da doti disi de na ondro oen foetoe leki wan getuigi agensi dem. Troe Mi taki gi oen taki: A sa de moro boen gi Sodom nanga Gomorra na da kroetoedei leki gi da foto dati. 12. En dem ben go lontoe, en dem ben preiki dati soema moesoe drai dem libi. 13. Dem ben poeroe foeroe takroe jeje, en dem ben salfoe foeroe sikiwan nanga olie, en dem ben meki dem kom boen baka. • Joe kisi wan opdrakti foe Jezus • A gi joe san joe abi fanowdoe • Gado sa kroetoe dem soema disi no wani jere Les 1 Santa Jejej

  29. Herodes kiri Johannes • Herodes ben trow nanga da frow foe hem brada • Johannes ben taigi hem dati a ben broko da wet • Herodias, hem frow, ben wani kiri Johannes • A ben feni wan kans di Herodes ben frijari, en da meisje foe Herodias ben dansi toemoesi moi Les 1 Santa Jejej

  30. Herodes kiri Johannes • Herodes pramisi hem san a wani • Hem mama taigi hem foe aksi foe da hede foe Johannes da dopoeman tapoe wan preti • Herodes gi da opdrakti foe kiri Johannes Les 1 Santa Jejej

  31. Jezus gi 5000 man njanjan • Jezus nanga dem discipel ben gowe na wan eenzaam presi • Foeroe soema ben feni Hem drape, en A ben leri dem • A ben taigi dem discipel dati dem moesoe gi dem soema njanjan • Dem feni 5 broodje nanga 2 fisi foe wan jongoe boi Les 1 Santa Jejej

  32. Jezus gi 5000 man njanjan • Di dem man sidon, Jezus ben begi en prati da njanjan gi discipel te leki ala soema bere ben kom foeroe • Te wi poti san wi abi na ini da anoe foe Jezus, a kan kom moro bigi te a kan miti san wi abi fanowdoe • Jezus de da Schepper, en so de gemakkelijk foe meki sani kom moro hipi Les 1 Santa Jejej

  33. Jezus tapoe da watra • Jezus ben si dati dem ben wani dwingi Hem foe tron kownoe, so A seni ala soema gowe, en A ben begi • Dem discipel ben feti wan tegenwind, en Jezus ben waka tapoe da watra • Dem ben denki dati a de wan jorka, ma di dem sabi a de Jezus, Petrus ben aksi foe kom • Jezus ben kari hem kom Les 1 Santa Jejej

  34. Jezus tapoe da watra Fosi, Petrus ben waka moi, ma di a ben poeroe hem ai foe Jezus, a ben bigin foe soengoe A ben wan sjatoe begi – MASRA, verloesoe mi Jezus ben langa anoe gi hem, en A ben aksi hem foe san’ede hem bribi de swaki so Les 1 Santa Jejej

  35. Jezus preek – da brede foe libi • Jezus taigi dem soema dati dem no ben kom boiti foe foeroe dem bere • A ben gi dem wan moeilijk preek di dem ben aksi Hem abra wan marki leki Mozes ben gi dem manna • Jn. 6:35. En Jezus ben taki gi dem taki: Mi de da brede foe libi; da soema disi sa kom na Mi noiti sa abi angribere; en da soema disi de bribi na Mi noiti sa abi dreiwatra. 36. Ma Mi ben taki gi oen taki: Oen ben si Mi toe; tokoe oen no ben bribi. 37. Ala soema disi da Tata gi Mi sa kom na Mi; en da soema disi de kom na Mi, Mi noiti sa jagi hem gowe. Les 1 Santa Jejej

  36. Jezus srefi de da brede foe libi • A gi libi na ala soema disi kom na Hem • Jn. 6:38. Bikasi Mi ben saka komopo foe hemel, no foe doe Mi egi wani, ma foe doe da wani foe Hem disi ben seni Mi kom. 39. En disi de da wani foe da Tata disi ben seni Mi kom, dati Mi no sa lasi noti foe alasani disi A ben gi Mi, ma dati Mi sa opo hem baka na da laasti dei. 40. En disi de da wani foe Hem disi ben seni Mi kom, dati ibri soema disi sa si da Pikin en bribi na Hem sa abi libi foe teego; en Mi sa opo hem na da laasti dei. Les 1 Santa Jejej

  37. Da brede foe libi • Jezus sori dati A gi soema libi • Gado wani dati A sa opo baka dem soema disi A gi na Hem, en A noiti sa jagi iniwan soema disi kom na Hem • Jn. 6:47. Troe, troe, Mi taki gi oen taki: Da soema disi de bribi na Mi, hem abi libi foe teego. • Da basis foe verloesoe = bribi tapoe Jezus Kristus Les 1 Santa Jejej

  38. Jezus sori pe wi no de krin • Dem Fariseeman ben klagi Hem discipel bikasi dem ben njan sondro foe wasi dem anoe fosi • Jezus ben taigi dem dati Jesaja ben taki abra dem: Mk. 7:6 Da pipel disi de gi Mi bigi nem nanga dem mofo, ma dem hati de farawe foe Mi. 7. Dem aanbegi Mi foe soso, bikasi dem leri komanderi foe libisoema nomo. • Jezus ben sori dati dem kenki dem wet foe Gado foe poeroe dem foe da plikti foe sorgoe dem bigi soema foe dem • A taki dati a de san go na ini no meki joe onrein Les 1 Santa Jejej

  39. San meki wi so dati wi no de krin • Mk. 7:18. En A ben taki gi dem taki: Oen mankeri froestan toe? Oen no si dati iniwan sani foe dorosei disi de go na ini wan soema no kan pori hem; 19. Bikasi a no go na ini hem hati, ma na ini hem bere, en dan a komopo foe libi hem skin? (En so A ben sori dati ala njanjan de krin.) • Meki wi si dati no wan njanjan kan pori wi inisei, ondanks san bepaalde kerki taki Les 1 Santa Jejej

  40. San komopo foe wi hati… • Mk. 7:20. En A ben taki: Da sani disi de komopo foe wan soema, dati kan pori da soema. 21. Bikasi na inisei, na ini da hati foe wan soema, disi kan komopo: takroe prakseri, soetadoe, hoeroedoe, kiri, 22. Foefoeroe, bigi ai, ogridoe, kori, luste, ogri ai, foe kosi Gado, bigi membre, dom prakseri; 23. Ala dem takroe sani disi de komopo foe inisei, en dem kan pori wan soema. Les 1 Santa Jejej

  41. Saka-fasi en hori dori wini • Wan heiden oema aksi Jezus foe poeroe wan takroe jeje komopo foe hem meisje • Mk. 7:27. Ma Jezus ben taki gi hem taki: Meki dem pikin kisi njanjan fosi; bikasi a no de boen foe teki dem pikin njanjan, trowe gi dem dagoe. 28. Ma a ben piki Hem taki: Foe troe, Masra, ma tokoe dem dagoe disi de na ondro da tafra kan njan dem sakasaka foe dem pikinnengre. 29. En A ben taki gi hem taki: Bikasi foe san joe taki, joe kan teki joe pasi; da takroe jeje ben komopo foe joe oemapikin kaba. 30. En di a ben kom na hem oso, a ben feni hem didon na bedi, en da takroe jeje ben komopo kaba. • Da oema ben abi bribi, saka-fasi, en a begi dorodoro Les 1 Santa Jejej

  42. Jezus genees soema etc. • Wan dofoe stom man: Mk. 7:31-37 • Jezus gi 4000 man njanjan foe 7 broodje & wantoe fisi nomo • Jezus taki dati A sa opo baka leki Jona ben komopo foe da fisi bere • A spiti en meki doti, en poti toe leisi tapoe wan breni man. Som leisi Jezus moesoe meri wi toe leisi foe si soema leki libi-soema en no leki sani… Les 1 Santa Jejej

  43. Jezus na loofhutten fesa • Dem brada foe Hem no ben bribi na Hem • A ben taki dati A sa go na hemel: • Jn. 7:33. Dan Jezus ben taki gi dem taki: Wan pikin tem nomo Mi de nanga oen ete, en dan Mi sa go baka na Hem disi ben seni Mi kom. 34. Oen sa soekoe Mi, en oen no sa feni Mi; en pe Mi de, na drape oen no man kom. Les 1 Santa Jejej

  44. Jezus nanga libi watra • Jn. 7:37. Na da laasti dei, da bigi dei foe da fesa, Jezus ben tanapoe en A ben bari taki: Efoe iniwan soema abi dreiwatra, meki hem kom na Mi en dringi. 38. Da soema disi bribi na Mi, so leki da Boekoe de taki: Liba foe libi watra sa lon komopo foe hem bere. 39. (Ma disi A ben taki foe da Jeje, disi dem disi de bribi na Hem sa kisi; bikasi da Santa Jeje no ben kom ete, foe di Jezus no ben kisi Hem glori ete.) • Baka da opo baka foe Jezus, da Santa Jeje sa kom – wi sabi disi ben pasa na Pinkster Les 1 Santa Jejej

  45. Nikodemus taki boen foe Jezus • Dem leider ben taki ogri foe Jezus • Nikodemus ben taki dati dem moesoe arki na wan soema fosi foe teki klagi • Dem spotoe hem en taki dati no wan profeti komopo foe Galilea • Ma disi de fout • Jona ben komopo foe Galilea • Waarschijnlijk Nahum ben komopo toe… Les 1 Santa Jejej

  46. Da oema na ini soeta • Dem kisi wan oema na ini soeta, en aksi Jezus efoe dem moesoe kiri hem nanga ston leki Mozes taki • Jezus ben taki dati da soema sondro sondoe moesoe fringi da fosi ston • Dem man gowe • Jezus gi da oema pardon, en taigi hem foe a no moesoe doe sondoe moro Les 1 Santa Jejej

  47. Fri na ini Kristus • Jn. 8:12. Dan Jezus ben taki gi dem agen taki: Mi de da leti foe grontapoe; da soema disi de waka na Mi baka no sa waka na ini doengroe, ma a sa abi da leti foe libi. • Dem Fariseeman klagi dati Hem getuigi no de troe Les 1 Santa Jejej

  48. Fri na ini Kristus • Jn. 8:31. Dan Jezus ben taki gi dem Djoe disi ben bribi na Hem taki: Efoe oen go doro na ini Mi woortoe, dan oen de Mi discipel foe troe. 32. En oen sa sabi da waarheid, en da waarheid sa meki oen kom fri. 33. Dem ben piki Hem taki: Wi de pikin foe Abraham, en noiti wi ben de slafoe foe iniwan soema; fa Joe kan taki dan: Oen sa kom fri? • Dem man ben denki dati dem de fri, ma foe troe, dem ben de slafoe foe dem sondoe Les 1 Santa Jejej

  49. Fri na ini Kristus • Jn. 8:34. Jezus ben piki dem taki: Troe, troe, Mi taki gi oen taki: Da soema disi doe sondoe de wan slafoe foe sondoe. 35. En da slafoe no sa tan na ini da oso foe teego; ma da Pikin de tan foe teego. 36. Foe dat'ede, efoe da Pikin sa meki oen kom fri, oen de fri foe troe. • Wi de slafoe foe sondoe – ma Jezus kan meki wi fri • Wi kom fri doro da waarheid – Hem woortoe Les 1 Santa Jejej

  50. Pikin foe didibri • Jn. 8:44. Oen de foe oen tata, didibri, en oen de doe dem lostoe foe oen tata. A ben de wan kiriman sinsi da bigin, en a no ben tan na ini da waarheid, bikasi da waarheid no de na hem ini kwet'kweti. Te a taki leitori, a taki foe hemsrefi, bikasi a de wan leiman, nanga da tata foe lei. 45. En bikasi Mi taigi oen da waarheid, oen no bribi Mi. • Dem Fariseeman, en ala soema disi no bribi tapoe Jezus, de pikin foe didibri • Dem bribi lei tori, en kiri toe, bikasi dem tata de wan leiman nanga wan kiriman Les 1 Santa Jejej

More Related