Deuteronomy

1. Pa-khek-lé Siu-tèng-pán Sèng-keng巴克禮修訂版聖經 舊約 《申命記》 第二十六章 Kū-iok Sin-bēng͘-kì Tē jī-cha̍p-la̍k chiuⁿ Deuteronomy

2. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 1 chat 第一節 Lí í-keng kàu Iâ-hô-hoa lí ê Siōng-tè só͘ siúⁿ-sù lí chòe-gia̍p ê tōe, sêng-chiap lâi khiā-khí i,你已經到耶和華你ê上帝 所賞賜你做業ê地， 承接來khiā起伊，

3. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 2 chat 第二節 chiū tio̍h tùi Iâ-hô-hoa lí ê Siōng-tè siúⁿ-sù lí ê tōe, chiong só͘ siu ta̍k-hāng khí-thâu-se̍k ê thó͘-sán, the̍h tām-po̍h, hē tī kheng-ni̍h, khì Iâ-hô-hoa lí Siōng-tè só͘ beh kéng an-tì I ê miâ ê só͘-chāi;就tio̍h tùi耶和華你ê上帝賞賜你ê地， 將所收ta̍k項起頭熟ê土產， the̍h淡薄，hē tī筐裡，去耶和華你 上帝所beh揀安置祂ê名ê所在；

4. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 3 chat 第三節 tio̍h khì kìⁿ tng-sî chòe chè-si-ê, kā i kóng, Góa kin-á-ji̍t tùi Iâ-hô-hoa lí ê Siōng-tè kóng-bêng góa í-keng kàu Iâ-hô-hoa tùi lán ê lia̍t-chó͘ chiù-chōa siúⁿ-sù lán ê tōe.tio̍h去見當時做祭司ê，kā伊講， 我今á日對耶和華你ê上帝 講明，我已經到耶和華 對咱ê列祖chiù-chōa賞賜咱ê地。

5. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 4 chat 第四節 Chè-si chiū tùi lí ê chhiú chih hit-kheng, lâi hē tī Iâ-hô-hoa lí Siōng-tè ê tôaⁿ-chêng.祭司就tùi你ê手接hit筐， 來hē tī耶和華你 上帝ê壇前。

6. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 5 chat 第五節 Lí tio̍h tī Iâ-hô-hoa lí Siōng-tè ê bīn-chêng kóng, góa ê chó͘ sī chi̍t-ê teh-beh sí ê A-lân lâng, lo̍h-khì Ai-ki̍p kià-kha tī-hia, lâng-gia̍h chió-chió; tī-hia chiâⁿ-chòe chi̍t-kok tōa koh kiông, lâng-gia̍h koh chōe.你tio̍h tī耶和華你上帝ê面前講： 我ê祖是一個teh-beh死ê A-lân人，落去 埃及寄腳tī-hia，人額少少；tī-hia 成做一國大koh強，人額koh chōe。

7. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 6 chat 第六節 Ai-ki̍p lâng pháiⁿ khoán-thāi goán, khó͘-chhó͘ goán, ēng khó͘-kang kah goán chòe;埃及人pháiⁿ款待阮， 苦楚阮， 用苦工kah阮做；

8. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 7 chat 第七節 tùi hit-tia̍p goán ai-kiû Iâ-hô-hoa goán lia̍t-chó͘ ê Siōng-tè, Iâ-hô-hoa thiaⁿ goán ê siaⁿ, khòaⁿ-kìⁿ goán ê khó͘-chhó͘, goán ê tio̍h-bôa, goán ê ap-pek;Tùi hit-tia̍p，阮哀求耶和華阮列祖ê 上帝，耶和華聽阮ê聲，看見 阮ê苦楚，阮ê tio̍h磨，阮ê壓迫；

9. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 8 chat 第八節 Iâ-hô-hoa chiū ēng tōa koân-lêng ê chhiú, kap chhun-chhut ê chhiú-kut, kap tōa thang kiaⁿ ê sū, kap sîn-jiah, kî-sū, chhōa goán chhut Ai-ki̍p,耶和華就用大權能ê手， kap伸出ê手骨， kap大thang驚ê事，kap神蹟、奇事， chhōa阮出埃及，

10. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 9 chat 第九節 koh chhōa goán kàu chit só͘-chāi, ēng chit ê tōe siúⁿ-sù goán, chiū-sī lâu lin kap bi̍t ê tōe.koh chhōa阮到chit所在， 用chit-ê地賞賜阮， 就是流奶kap蜜ê地。

11. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 10 chat 第十節 Khòaⁿ ah, chit ê tōe khí-thâu-se̍k ê, Iâ-hô-hoa ah, Lí só͘ siúⁿ-sù góa ê, góa taⁿ í-keng tòa-lâi. Āu-lâi lí tio̍h chiong i hē tī Iâ-hô-hoa lí Siōng-tè ê bīn-chêng, tī Iâ-hô-hoa lí Siōng-tè ê bīn-chêng kèng-pài I.看ah，chit-ê地起頭熟ê，耶和華ah， 你所賞賜我ê，我taⁿ已經帶來。後來你 tio̍h將伊hē tī耶和華你上帝ê面前， tī耶和華你上帝ê面前敬拜伊。

12. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 11 chat 第十一節 Lí kap Lī-bī lâng, í-ki̍p lín tiong-kan ê chhut-gōa lâng, tio̍h in-ūi Iâ-hô-hoa lí Siōng-tè só͘ siúⁿ-sù lí kap lí ê ke-koàn it-chhè ê hok-hūn lâi hoaⁿ-hí.你kap利未人， 以及lín中間ê出外人， tio̍h因為耶和華你上帝所賞賜你kap 你ê家眷一切ê福份來歡喜。

13. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 12 chat 第十二節 Ta̍k-pái kàu tē-saⁿ nî, chiū-sī cha̍p-hūn thiu chi̍t-hūn ê nî, lí thiu it-chhè ê thó͘-sán cha̍p-hūn ê chi̍t-hūn, pun hō͘ Lī-bī lâng, kap chhut-gōa lâng, kap ko͘-jî kóaⁿ-hū, hō͘ in tī lí ê siâⁿ-mn̂g, thang tit-tio̍h chia̍h-pá.Ta̍k-pái到第三年，就是十份抽一份 ê年，你抽一切ê土產十份ê一份， 分hō͘利未人，kap出外人，kap孤兒、 寡婦，hō͘ in tī你ê城門，thang得tio̍h食飽。

14. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 13 chat 第十三節 Lí koh tio̍h tùi Iâ-hô-hoa lí Siōng-tè ê bīn-chêng kóng, Góa í-keng tùi góa ê ke the̍h-chhut sèng-mi̍h, sòa hō͘ Lī-bī lâng kap chhut-gōa lâng, kap ko͘-jî kóaⁿ-hū, sī chiàu lí só͘ bēng-lēng góa it-chhè ê kài-bēng; Lí ê kài-bēng góa lóng bô hoān-tio̍h, iā bô bōe-kì-tit;你koh tio̍h對耶和華你上帝ê面前講： 我已經tùi我ê家the̍h出聖物，續hō͘ 利未人kap出外人，kap孤兒、寡婦， 是照你所命令我一切ê誡命； 你 ê誡命我lóng無犯tio̍h，也無bōe記得；

15. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 14 chat 第十四節 ku-song ê sî, góa bē-bat chia̍h i, bô chheng-khì ê sî, góa bē-bat the̍h-khí-lâi, iā bô ēng i chòe sí-lâng ê lō͘-ēng; góa thiaⁿ-thàn Iâ-hô-hoa góa Siōng-tè ê ōe, lóng chiàu Lí it-chhè só͘ bēng-lēng góa ê lâi kiâⁿ.居喪ê時，我bē-bat食伊，無清氣ê時， 我bē-bat the̍h起來，也無用伊做死人ê路用； 我聽thàn耶和華我上帝ê話， lóng照你一切所命令我ê來行。

16. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 15 chat 第十五節 Kiû Lí tùi thiⁿ-ni̍h, tùi Lí khiā-khí ê sèng-só͘, àⁿ-lo̍h khòaⁿ, sù-hok Lí ê peh-sìⁿ Í-sek-lia̍t, kap Lí só͘ siúⁿ-sù goán ê tōe, chiàu Lí só͘ tùi goán ê lia̍t-chó͘ chiù-chōa ê, chiū-sī lâu lin kap bi̍t ê tōe.求你tùi天裡，tùi你khiā起ê聖所， àⁿ落看，賜福你ê百姓以色列， kap你所賞賜阮ê地，照你所對阮ê 列祖chiù-chōa ê，就是流奶kap蜜ê地。

17. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 16 chat 第十六節 Kin-á-ji̍t Iâ-hô-hoa lí ê Siōng-tè bēng-lēng lí kiâⁿ chiah ê lu̍t-lē hoat-tō͘; só͘-í lí tio̍h chīn-sim chīn-sèng chip-siú lâi kiâⁿ i;今á日耶和華你ê上帝命令 你行chiah-ê律例法度；所以你tio̍h 盡心盡性執守來行伊；

18. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 17 chat 第十七節 kin-á-ji̍t lí sêng-jīn Iâ-hô-hoa chòe lí ê Siōng-tè, ún beh kiâⁿ I ê tō-lō͘, siú I ê lu̍t-lē, kài-bēng, hoat-tō͘, thiaⁿ-thàn I ê ōe.今á日你承認耶和華做你ê上帝， 穩beh行祂ê道路，守祂ê律例、 誡命，法度，聽thàn祂ê話。

19. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 18 chat 第十八節 Iâ-hô-hoa kin-á-ji̍t iā sêng-jīn lí chòe I ka-kī te̍k-pia̍t ê peh-sìⁿ, chiàu I só͘ èng-ún lí ê, hō͘ lí siú I it-chhè ê kài-bēng;耶和華今á日也承認你做祂家己 特別ê百姓，照祂所應允 你ê，hō͘你守祂一切ê誡命；

20. Sin-bēng-kì《申命記》Deuteronomy Tē jī-cha̍p-la̍k chiuⁿ 第二十六章Tē 19 chat 第十九節 koh hō͘ lí tùi tī êng-kng, miâ-siaⁿ, chun-kùi, pôaⁿ-kè I só͘ chhòng-chō bān-kok ê peh-sìⁿ; hō͘ lí kui tī Iâ-hô-hoa lí ê Siōng-tè, chòe sèng-kiat ê peh-sìⁿ, chiàu I só͘ kóng ê.koh hō͘你對tī榮光、名聲、尊貴， pôaⁿ過祂所創造萬國ê百姓； hō͘你歸tī耶和華你ê上帝， 做聖潔ê百姓，照祂所講ê。