Integrimi gjinor në arsim

1. Integrimi gjinor në arsim

2. Pabarazitë gjinore në arsim ndikojnë në: i punësim, ndarjen gjinore në punë e profesione, hendekun gjinor në paga, qëndrimet dhe sjelljet gjinore, pjesëmarrjennë politikë dhe mënyrat e jetesës si të burrave ashtu edhe grave. • Arsimi është element themelor në zemër të fuqizimit të autoritetit të grave dhe të ndryshimit të stereotipeve tradicionale gjinore. • Arsimi është pika më e rëndësishme hyrëse për arritjen e barazisë gjinore.

3. Çështjet dhe sfidat kryesore në integrimin gjinor në sektorin e arsimit përfshijnë përfshijnë: • krijimin e një panorame të qartë të roleve dhe shkallëve të përfshirjes gjinore në nivele të ndryshme, duke përdorur të dhëna të veçanta për të dy sekset. • identifikimin e faktorëve të mundshëm që lidhen me ndonjë hapësirë ose pabarazi gjinore të identifikuar dhe planifikimin për eleminimin e këtyre faktorëve; • vlerësimin e nevojave specifike arsimore për djemtë dhe vajzat, gratë dhe burrat dhe planifikimin në mënyrë specifike për t’i trajtuar këto nevoja; dhe • sigurimin e një ndarje të barabartë të përgjegjësive të grave dhe burrave në hartimin, planifikimin, vendimarrjen, menaxhimin, administrimin dhe shpërndarjen e burimeve në fushën e arsimit dhe sigurimin e përfitimeve të njëjta për ta.

4. Rolet dhe stereotipet gjinore:Programet shkollore dhe trajnimi i mësuesve Synimete integrimit gjinor janë: • të eliminohen stereotipet gjinore nga materialet mësimdhënëse dhe përmbajtja e programeve shkollore. • Të promovohet këndvështrimi gjinor në sistemin arsimor. • Të identifikohen dhe eliminohen tendenciozitetet brenda klasës që favorizojnë ose djemtë ose vajzat, ose që shpërblejnë apo ndëshkojnë sjelljet e një gjinie. • Të identifikohet dhe eliminohet diskriminimi i tërthortë.

5. Pse ka rëndësi? • Drejtësia: Trajtimi i drejtë dhe i barabartën në klasë u mëson fëmijëve parimet e barazisë përmes modelit. E kundërta, mungesa e trajtimit të drejtë krijon idenë se barazia mund të jetë një parim teorik, por jo i zbatueshëm në jetën e përditshme. • Llogaridhënia: Meqë arsimi në pjesën më të madhe financohet nga burime publike, mësuesit, administratorët dhe hartuesit e politikave arsimore janë përgjegjës, si para prindërve, ashtu edhe para shoqërisë, për tu dhënë të rinjve cilësinë më të lartë të mundshme të arsimimit.

6. Pse ka rëndësi? • Reaksion zinxhir: Sterotipet dhe rolet tradicionale gjinore trashëgohen brez pas brezi, por rrallë vihen në pikëpyetje për sa i përket përfitimeve apo pengesave që përbëjnë për zhvillimin e një shoqërie të drejtë dhe të begatë. Stereotipe të tilla mund të kufizojnë në masë të madhe potencialin njerëzor. • Efektiviteti dhe efikasiteti: Eliminimi i pengesave të dukshme dhe të padukshme ndaj pjesëmarrjes të vajzave dhe djemve në çdo degë arsimi që preferojnë, rrit, në fakt efikasitetin e përdorimit të burimeve njerëzore. Njerëzit bëhen më prodhues nëse bëjnë diçka për të cilën kanë interes personal.

7. Ndërhyrje dhe pika hyrëse të mundshme • Udhëzues dhe materiale metodologjike: Hartuesit e politikave dhe/ose mekanizmat gjinore duhet të garantojnë ekzistencën e detyrimit për përfshirjen e këndvështrimit gjinor në programet shkollore në nivelin fillor, të mesëm dhe të lartë. Për më tepër, duhen hartuar udhëzime dhe materiale metodologjike për ndjeshmërinë gjinore, për t'u përfshirë në programin e shkollave pedagogjike. • Ndryshime në kurikulum dhe tekste: Së pari, duhen marrë masa për të eliminuar ndarjen gjinore në lëndët e përgjithshme si gjuha dhe letërsia, historia, shkenca, biologjia, etj. Së dyti, duhet të nxitet bërja e ndryshimeve që nga çerdhja, deri në nivelin universitar. Pikat hyrëse për këto ndryshime janë: studime të teksteve dhe kurikulumit për të zbuluar tendenciozitetin gjinor; fushata avokacie drejtuar ministrive të arsimit; fushatat në media për të rritur ndjeshmërinë e publikut; fushata publike për prindërit; krijimi i teksteve alternative; etj.

8. Ndërhyrje dhe pika hyrëse të mundshme • Bashkëpunimi me qeveritë vendore dhe bordet e shkollave: Ndërsa politikëbërësit në nivel kombëtar kanë shpesh përgjegjësinë e hartimit të politikave dhe udhëzuesve për kurikulumet kombëtare, zbatimi konkret ka shumë mundësi të jetë detyrë e nivelit lokal dhe institucioneve shkollore. Prandaj, është e rëndësishme që punonjësit e bordeve të shkollave dhe qeverive vendore të trajnohen dhe t'u ofrohet mbështetje në nismat për integrimin gjinor. • Seminare trajnimi për mësuesit: Megjithëse më e mira do të ishte që mësuesit të trajnohen për ndjeshmërinë gjinore që në shkollë, trajnimi i mësuesve, mund të jetë një masë më pak e kushtueshme për mbushjen e boshllëqeve. • Studime për praktikat e mësimdhënies: Duhet të merren në shqyrtim qëndrimet e mësuesve dhe nxënësve, për të pasur një tablo të qartë të problemit në kontekste të ndryshme.