Kū-iok Sat-bó-jíⁿ K ì (I ) Tē sì chiuⁿ

1. Pa-khek-lé Siu-tèng-pán Sèng-keng巴克禮修訂版聖經 Kū-iokSat-bó-jíⁿ Kì (I)Tē sì chiuⁿ 舊約 《撒母耳記上》 第四章 I Samuel

2. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 1 chat 第一節 Í-sek-lia̍t lâng chhut-khì beh kap Hui-lī-sū lâng kau-chiàn, chat-iâⁿ kūn tī Í-piān-í-siā; Hui-lī-sū lâng chat-iâⁿ tī A-hut.以色列人出去beh kap 腓利士人交戰， 紮營近tī Í-piān-í-siā； 腓利士人紮營tī A-hut。

3. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 2 chat 第二節 Hui-lī-sū lâng pâi-tīn kong-kek Í-sek-lia̍t lâng; kau-chiàn ê sî, Í-sek-lia̍t lâng thâi-su tī Hui-lī-sū lâng ê bīn-chêng. Hui-lī-sū lâng tī pîⁿ-iûⁿ thâi-sí in ê kun-peng, iok-lio̍k sì-chheng lâng.腓利士人排陣攻擊 以色列人；交戰ê時， 以色列人thâi輸tī腓利士人 ê面前。腓利士人tī平洋thâi死in ê 軍兵，約略四千人。

4. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 3 chat 第三節 Peh-sìⁿ tò-lâi kàu iâⁿ-lāi, Í-sek-lia̍t ê tióng-ló kóng, Iâ-hô-hoa kin-á-ji̍t siáⁿ-sū hō͘ lán thâi-su tī Hui-lī-sū lâng ê bīn-chêng ah? lán m̄-ta̍t-tio̍h kng Iâ-hô-hoa ê iok-kūi tùi Sī-lô lâi lán chia, hō͘ i tī lán tiong-kan thang kiù lán thoat-lī lán ê tùi-te̍k ê chhiú.百姓tò來到營內，以色列ê長老講， 耶和華今á日啥事hō͘咱thâi輸 tī腓利士人ê面前ah？咱m̄值tio̍h 扛耶和華ê約櫃tùi Sī-lô來咱chia，hō͘伊tī 咱中間thang救咱脫離咱ê對敵ê手

5. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 4 chat 第四節 Peh-sìⁿ chiū chhe lâng kàu Sī-lô, tùi-hia kng chē tī ki-lō͘-peng ê tiong-kan bān-kun ê Iâ-hô-hoa ê iok-kūi lâi. Í-lī nn̄g ê kiáⁿ Hô-hut-nî Hui-nî-hap kap Siōng-tè ê iok-kūi tī-hia.百姓就差人到Sī-lô，tùi-hia 扛坐tī ki-lō͘兵 ê中間萬軍ê 耶和華ê約櫃來。Í-lī兩個kiáⁿ Hô-hut-nî、 Hui-nî-hap kap上帝ê約櫃tī-hia。

6. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 5 chat 第五節 Iâ-hô-hoa ê iok-kūi kàu iâⁿ-tiong, Í-sek-lia̍t chèng-lâng chiū toā-siaⁿ hoah, toē soà oē ìn-siaⁿ.耶和華ê約櫃到營中， 以色列眾人就大聲hoah， 地續會應聲。

7. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 6 chat 第六節 Hui-lī-sū lâng thiaⁿ-kìⁿ toā-siaⁿ teh hoah ê siaⁿ-im, chiū kóng, Tī Hi-pek-lâi ê iâⁿ án-ni toā-siaⁿ hoah, sī sím-mi̍h iân-kò͘? āu-lâi chiū chai Iâ-hô-hoa ê iok-kūi kàu iâⁿ-tiong.腓利士人聽見大聲teh hoah ê聲音， 就講，Tī希伯來ê營án-ni大聲hoah， 是甚麼緣故？ 後來就知耶和華ê約櫃到營中。

8. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 7 chat 第七節 Hui-lī-sū lâng chiū kiaⁿ-hiâⁿ, kóng, Ū Siōng-tè kàu in ê iâⁿ-tiong; koh kóng, Lán ū chai-ē lah, pêng-sò͘ m̄-bat ū chit ê sū.腓利士人就驚惶，講， 有上帝到in ê營中；koh講， 咱有災厄lah，平素m̄-bat有chit-ê事。

9. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 8 chat 第八節 Lán ū chai-ē lah, chī-chūi oē kiù lán thoat-lī chiah ê toā koân-lêng ê siōng-tè ê chhiú ah? chêng tī khòng-iá ēng ta̍k-iūⁿ ê chai-ē phah Ai-ki̍p lâng ê, chiū-sī chiah ê siōng-tè.咱有災厄lah，chī-chūi能救咱 脫離chiah-ê大權能ê上帝ê手ah？ 前tī曠野用ta̍k樣ê災厄 phah埃及人ê，就是chiah-ê上 帝。

10. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 9 chat 第九節 Hui-lī-sū lâng ah, lín tio̍h ióng-kám, tio̍h choè tāi-tiōng-hu, bián-tit lín ho̍k-sāi Hi-pek-lâi lâng, chhin-chhiūⁿ in ho̍k-sāi lín chi̍t-iūⁿ; lín tio̍h choè tāi-tiōng-hu kap in kau-chiàn.腓利士人ah， lín tio̍h勇敢，tio̍h做大丈夫， 免得lín服事希伯來人， 親像in服事lín一樣； lín tio̍h做大丈夫kap in交戰。

11. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 10 chat 第十節 Hui-lī-sū lâng chiū kau-chiàn, Í-sek-lia̍t lâng thâi-su; ta̍k-ê cháu tò-khì in ê pò͘-pîⁿ; thâi-sí chin-choē. Í-sek-lia̍t ê pō͘-peng sí saⁿ-bān lâng.腓利士人就交戰， 以色列人thâi輸； ta̍k-ê走tò去in ê布棚；thâi死真choē。 以色列ê步兵死三萬人。

12. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 11 chat 第十一節 Siōng-tè ê iok-kūi hō͘ in chhiúⁿ-khì; Í-lī nn̄g ê kiáⁿ Hô-hut-nî Hui-nî-hap iā sí.上帝ê約櫃hō͘ in搶去； Í-lī兩個kiáⁿ Hô-hut-nî、 Hui-nî-hap也死。

13. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 12 chat 第十二節 Ū chi̍t ê Piān-ngá-bín lâng tùi chiàn-tīn cháu-lâi, saⁿ thiah-li̍h, thâu-khak sám thô͘-hún, siâng hit-ji̍t kàu Sī-lô.有一個便雅憫人 tùi戰陣走來， 衫拆裂，頭殼sám土粉， siâng hit日到Sī-lô。

14. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 13 chat 第十三節 I kàu ê sî, tú-tn̄g Í-lī tī lō͘-piⁿ chē tī i ê ūi teh liâu-bāng, in-ūi i ê sim ūi-tio̍h Siōng-tè ê iok-kūi lâi khoà-lū. Hit-lâng ji̍p-siâⁿ pò siau-sit, thong-siâⁿ ê lâng chiū lóng âu-kiò.伊到ê時，tú-tn̄g Í-lī tī路邊坐tī伊ê位teh 瞭望，因為伊ê心為tio̍h上帝ê約櫃 來掛慮。Hit人入城報消息， thong城ê人就lóng喉叫。

15. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 14 chat 第十四節 Í-lī thiaⁿ-kìⁿ âu-kiò ê siaⁿ, chiū mn̄g kóng, Chit ê hoā-hoā-háu ê siaⁿ sī sím-mi̍h iân-kò͘ ah? Hit-lâng koáⁿ-kín lâi pò Í-lī.Í-lī聽見喉叫ê聲，就問講， chit-ê hoā-hoā哮ê聲 是甚麼緣故ah？ Hit人趕緊來報Í-lī。

16. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 15 chat 第十五節 Hit-sî Í-lī káu-cha̍p-poeh hè, ba̍k-chiu chhâ-chhâ, boē-oē khoàⁿ-kìⁿ.Hit時Í-lī九十八歲， 目睭柴柴， Boē能看見。

17. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 16 chat 第十六節 Hit-lâng kā Í-lī kóng, Goá sī tùi chiàn-tīn lâi ê, kin-á-ji̍t goá tùi chiàn-tīn cháu-lâi. Í-lī kóng, Goá ê kiáⁿ ah, tāi-chì cháiⁿ-iūⁿ?Hit人kā Í-lī講， 我是tùi戰陣來ê， 今á日我tùi戰陣走來。 Í-lī講，我ê kiáⁿ ah，tāi-chì怎樣？

18. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 17 chat 第十七節 Pò siau-sit-ê ìn kóng, Í-sek-lia̍t lâng tī Hui-lī-sū lâng ê bīn-chêng tô-cháu, peh-sìⁿ-tiong siū-thâi-ê put-chí choē, lí nn̄g ê kiáⁿ, Hô-hut-nî Hui-nî-hap, iā sí, Siōng-tè ê iok-kūi soà hō͘ in chhiúⁿ-khì.報消息ê應講，以色列人tī 腓利士人ê面前逃走，百姓中 受thâi-ê不止choē，你兩個kiáⁿ， Hô-hut-nî Hui-nî-hap，也死， 上帝ê約櫃續hō͘ in搶去。

19. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 18 chat 第十八節 I chi̍t-ē kóng-khí Siōng-tè ê kūi, Í-lī chiū tùi i ê chō-ūi hiàⁿ tùi āu-bīn, poa̍h-tó tī mn̂g-piⁿ, ām-kún chi̍h, chiū sí; in-ūi i nî lāu, sin-thé tāng. Í-lī choè Í-sek-lia̍t ê sū-su sì-cha̍p nî.伊一下講起上帝ê櫃，Í-lī就對 伊ê座位hiàⁿ tùi後面，跋倒tī門邊， 頷頸折，就死；因為伊年老，身體重。 Í-lī做以色列ê士師四十年。

20. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 19 chat 第十九節 Í-lī ê sim-pū, Hui-nî-hap ê bó͘, hoâi-īn beh kàu-kî; i thiaⁿ-kìⁿ Siōng-tè ê kūi hō͘ lâng chhiúⁿ-khì, ta-koaⁿ kap tiōng-hu lóng sí ê siau-sit, chiū khiau-ku lâi siⁿ-kiáⁿ, in-ūi toā thàng-thiàⁿ hut-jiân kàu.Í-lī ê新婦，Hui-nî-hap ê bó͘，懷孕beh到期； 伊聽見上帝ê櫃hō͘人搶去， ta-koaⁿ kap丈夫lóng死ê消息，就khiau-ku 來生kiáⁿ，因為大痛疼忽然到。

21. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 20 chat 第二十節 Teh-beh siⁿ ê sî, piⁿ-thâu teh khiā hiah ê hū-jîn-lâng kā i kóng, M̄-bián kiaⁿ, lí sí ta-po͘-gín-ná lah; chóng-sī i bô ìn, iā bô koan-sim.Teh-beh死ê時，邊頭 teh khiā hiah-ê婦人人kā伊講， m̄免驚，你生 ta-po͘-gín-ná lah； 總是伊無應，也無關心。

22. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 21 chat 第二十一節 I kā gín-ná hō-miâ Í-ka-phok, kóng, Êng-kng lī-khui Í-sek-lia̍t. Che sī in-ūi Siōng-tè ê kūi hō͘ lâng chhiúⁿ, koh in-ūi ta-koaⁿ kap tiōng-hu iā sí.伊kā gín-ná號名Í-ka-phok，講， 榮光離開以色列。 這是因為上帝ê櫃hō͘人搶， koh因為ta-koaⁿ kap丈夫也死。

23. Sat-bó-jíⁿKì (I)《撒母耳記上》I SamuelTē sì chiuⁿ第四章Tē 22 chat 第二十二節 I koh kóng, Êng-kng lī-khui Í-sek-lia̍t, in-ūi Siōng-tè ê kūi siū-chhiúⁿ.伊koh講， 榮光離開以色列， 因為上帝ê櫃受搶。