1 / 146

Njoen Testamenti II – Les 1 Galaten – II Tessalonika

Bijbel Baptist Kerk Les. Njoen Testamenti II – Les 1 Galaten – II Tessalonika. Robert D. Patton. No gi libisoema prisiri, ma Gado.

pomona
Download Presentation

Njoen Testamenti II – Les 1 Galaten – II Tessalonika

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Bijbel Baptist Kerk Les Njoen Testamenti II – Les 1Galaten – II Tessalonika Robert D. Patton NT II Les 1 Galaten, I & II Tessalonika

  2. No gi libisoema prisiri, ma Gado • Galaten 1:10. Bikasi now mi proberi foe wini libisoema prakseri, efoe di foe Gado? Efoe mi soekoe foe gi libisoema prisiri? Bikasi efoe mi ben gi libisoema prisiri ete, mi no ben sa de da dinari foe Kristus. 11. Ma mi meki oen kom sabi, mi brada, dati da boen njoensoe disi mi ben preiki no komopo foe libisoema. 12. Bikasi mi no ben kisi hem foe libisoema, en no wan soema ben leri mi, ma Jezus Kristus ben sori hem krin gi mi. • Paulus no de gi libisoema prisiri, ma Gado • Da boen njoensoe foe hem no ben komopo foe libisoema, ma foe Jezus Kristus srefi NT II Les 1 Galaten, I & II Tessalonika

  3. Da krakti foe Gado kenki Paulus • 1:13. Bikasi oen ben jere fa mi ben libi na ini dem dei na wi baka na ini da bribi foe dem Djoe, en fa mi ben vervolgoe da kerki foe Gado pasa marki, en mi ben figi hem poeroe; 14. En fa mi ben go moro fara na ini da Djoe bribi leki foeroe foe mi speri foe mi egi kondre, en mi ben de da moro faja-hati wan foe dem owroetem gwenti foe dem tata foe mi. 15. Ma di a ben gi Gado prisiri, disi ben seti mi aparti di mi ben de na ini mi mama bere ete, en A ben kari mi kom nanga Hem gnade • Gado ben verkisi Paulus fosi a ben vervolgoe da kerki • A ben seti aparti na ini hem mama bere – abortie de helemaal fout! NT II Les 1 Galaten, I & II Tessalonika

  4. Da tori foe Paulus • 1:16. Foe sori Hem Manpikin krin na mi ini, foe mi man go preiki Hem na mindri foe dem heiden soema; wantemwantem mi no ben go taki nanga libisoema skin nanga broedoe; 17. En mi no ben go na Jerusalem, go na dem soema disi ben de apostel na mi fesi, ma mi ben go na ini Arabië, en dan mi ben go baka na Damascus. 18. Dan baka drie jari, mi ben go na Jerusalem foe loekoe Petrus, en mi ben tan nanga hem tien-na-feifi dei langa. 19. Ma mi no ben si dem tra apostel boiti foe Jakobus, da brada foe Masra. • Gado srefi ben leri Paulus na ini Arabie… NT II Les 1 Galaten, I & II Tessalonika

  5. Gado kenki Paulus • 1:22. En dem kerki foe Judea disi de na ini Kristus no ben sabi mi fesi; 23. Ma dem ben jere nomo taki: Da soema disi ben vervolgoe wi na ini dem dei na wi baka, now a preiki da bribi disi a ben figi poeroe fosi. 24. En dem ben gi Gado glori na mi ini. • Wi wani libi so wan fasi dati wi gi Gado glori… NT II Les 1 Galaten, I & II Tessalonika

  6. Paulus no besnijd Titus • Paulus ben besnijd Timoteus, disi hem mama ben de wan Djoe ma hem tata wan Grieki soema • 2:3. Ma Titus, disi ben de nanga mi, en disi de wan Grieki soema, wi no ben dwingi foe teki besnijde; 4. Bikasi falsi brada ben kroipi kibri-fasi kom na ini foe loekoe na da fri disi wi abi na ini Kristus Jezus, so dati dem ben sa tjari wi kom na ini katibo. 5. Ma wi no ben saka na dem ondro, no foe wan joeroe langa srefi; so dati da waarheid foe da boen njoensoe ben sa go dorodoro nanga oen. • Titus de wan soso Grieki soema, en so Paulus no ben besnijd hem… NT II Les 1 Galaten, I & II Tessalonika

  7. Dem gransoema ben gi toestemming • Paulus ben miti nanga Petrus, Johannes nanga Jakobus – dem apostel • Dem ben si dati Petrus ben abi frantwoortoe foe go na dem Djoe, en Gado ben kari Paulus leki apostel foe dem heiden • 2:8. (Bikasi da srefi Soema disi ben wroko da apostel-wroko na ini Petrus na wan boen fasi ben wroko na wan makti fasi na mi ini gi dem heiden soema;) NT II Les 1 Galaten, I & II Tessalonika

  8. Paulus vermane Petrus • 2:11. Ma di Petrus ben kom na Antiochië, mi ben klagi hem na hem fesi, bikasi a ben meki foutoe. 12. Bikasi bifo wantoe soema ben komopo foe Jakobus, a ben njan nanga dem heiden soema, ma di dem ben kom kaba, a ben poeroe hemsrefi komopo foe dem, foe di a ben frede dem besnijde soema. 13. En dem tra Djoe ben doe da srefi falsi fasi leki hem, so fara dati dem ben tjari Barnabas toe gowe na ini dem falsi fasi. • Petrus ben hari hemsrefi aparti foe dem heiden en njan soso nanga dem Djoe • Disi tjari trobi na ini da gemeente te doro Barnabas NT II Les 1 Galaten, I & II Tessalonika

  9. Paulus vermane Petrus • 2:14. Ma di mi ben si dati dem no ben waka na wan opregti fasi leki da waarheid foe da boen njoensoe sori, mi ben taki gi Petrus na fesi foe dem alamala taki: Efoe joe, disi de wan Djoe, libi na da fasi foe dem heiden soema, en no leki da fasi foe dem Djoe, dan foe san'ede joe dwingi dem heiden soema foe libi na da fasi foe dem Djoe? • Lobiwan, wi moesoe taki da waarheid na ini lobi • Paulus ben abi foe vermane Petrus nanga lobi NT II Les 1 Galaten, I & II Tessalonika

  10. Gerechtigheid doro bribi nomo • 2:15. Wi disi de gebore Djoe, en no de sondari foe dem heiden soema, 16. Wi sabi dati wan soema no kan kom regtvaardiki nanga dem wroko foe da wet, ma nanga da bribi foe Jezus Kristus nomo. So leki wi ben bribi na ini Jezus Kristus, wi ben sa kom regtvaardiki doro da bribi foe Kristus, en no doro dem wroko foe da wet, bikasi no wan soema kan kom regtvaardiki doro dem wroko foe da wet. • Soso bribi meki wi kom boen na ai foe Gado • No wan wroko foe da wet kan doe dati NT II Les 1 Galaten, I & II Tessalonika

  11. Mi dede gi da wet • 2:17. Ma efoe te wi soekoe foe kom regtvaardiki doro Kristus, dem feni dati wisrefi de sondari toe, dati wani taki Kristus de da dinari foe sondoe? Gado moesoe kibri wi! 18. Bikasi efoe mi bouw dem sani baka disi mi ben figi poeroe kaba, mi sori misrefi leki wan sondari. 19. Bikasi doro da wet mi dede kaba gi da wet so dati mi man libi gi Gado. • Da wet sori dati mi dede gi hem foe mi kan libi gi Jezus NT II Les 1 Galaten, I & II Tessalonika

  12. Mi kruisi nanga Kristus • 2:20. Mi kruisi makandra nanga Kristus; tokoe mi libi; ma a no de mi, ma Kristus disi libi na mi ini; en da libi disi mi libi now na ini da skin, mi libi doro da bribi foe da Manpikin foe Gado, disi ben lobi mi, en disi ben gi Hemsrefi abra foe mi ede. • Mi kruisi nanga Kristus • Kristus libi na mi ini • Mi libi doro bribi NT II Les 1 Galaten, I & II Tessalonika

  13. Kristus dede foe soso? • 2:21. Mi no poti da gnade foe Gado na wan sei, bikasi efoe gerechtigheid kom doro da wet, dan Kristus ben dede foe soso. • Da gnade foe Gado wawan gi mi da krakti foe de fiti foe go na hemel • Efoe mi ben man hori misrefi boen nofo foe go na hemel, dan Kristus Jezus no ben abi foe tron sondoe foe mi ede, en dede gi mi… NT II Les 1 Galaten, I & II Tessalonika

  14. Wi gebore doro bribi… • 3:1. O oen dom Galaten, soema ben wisi oen, so dati oen no sa gi jesi na da waarheid? Oen de dem soema disi ben si krin Jezus Kristus disi dem ben kruisi na oen mindri. 2. Da sani disi nomo mi wani aksi oen, taki: Oen ben kisi da Jeje nanga dem wroko foe da wet, efoe nanga da jere foe bribi? 3. Oen de so dom? Di oen ben bigin nanga da Jeje, oen sa kom volmaakt nanga da skin-fasi? • Wi kisi da Jeje te wi bribi • Wi kom volmaakt doro bribi toe NT II Les 1 Galaten, I & II Tessalonika

  15. Wan voorbeeld • Wi kom gebore skin-fasi doro toe ouders • Wi kom gebore Jeje-fasi doro da woortoe foe Gado nanga da Santa Jeje • Te wi gebore skin-fasi, wi abi ala pisi foe wi skin kaba, ma wi moesoe gro • Te wi gebore Jeje-fasi, wi abi ala pisi foe wi Jeje-libi, ma wi moesoe gro toe NT II Les 1 Galaten, I & II Tessalonika

  16. Abraham ben kom regtvaardiki doro bribi, en no doro besnijdenis • 3:6. So srefi Abraham ben bribi Gado, en Gado ben loekoe na hem leki wan regtvaardiki soema. 7. Foe dat'ede, oen moesoe sabi dati dem soema disi de bribisoema, demsrefi de dem pikin foe Abraham. 8. En da skrifi, disi ben si na fesi dati Gado sa meki dem heiden soema kom regtvaardiki doro bribi, ben preiki da boen njoensoe na fesi gi Abraham taki: Na ini joe, ala natie sa kisi blesi. 9. We dan, dem bribisoema de blesi nanga da vertrouw soema, Abraham. NT II Les 1 Galaten, I & II Tessalonika

  17. Abraham… • Abraham ben de da tata foe dem Djoe • Ma a ben kom regtvaardiki na ini Genesis 15, di a ben bribi Gado pramisi – fosi da boi Ishmael ben gebore di a ben de 86 jari • Ma a no ben besnijd te doro 99 jari owroe NT II Les 1 Galaten, I & II Tessalonika

  18. Abraham • 3:10. Bikasi ibri soema disi de na ondro dem wroko foe da wet de na ondro wan floekoe; bikasi a de skrifi taki: Floekoe de na tapoe ibri soema disi no hori doro foe doe alasani disi de skrifi na ini da boekoe foe da wet! 11. Ma a sori krin dati no wan soema de kom regtvaardiki na ini da ai foe Gado doro da wet, bikasi: Da regtvaardiki soema sa libi doro hem bribi. • Da wet taki doe • Gado taki: Bribi NT II Les 1 Galaten, I & II Tessalonika

  19. Abraham • 12. En da wet no komopo foe bribi, ma: Da soema disi de doe dem sa libi na ini dem. 13. Kristus ben bai wi fri foe da floekoe foe da wet, di A ben tron wan floekoe gi wi; bikasi a de skrifi taki: Floekoe de na tapoe ibri soema disi hanga foe wan bon; 14. So dati da blesi foe Abraham kan fadon na tapoe dem heiden soema doro Jezus Kristus, so dati wi kan kisi da pramisi foe da Jeje doro bribi. • Kristus Jezus ben tron wan floekoe gi wi NT II Les 1 Galaten, I & II Tessalonika

  20. Hanga tapoe wan bon • Efoe wan soema ben doe wan sani waarti foe dede, dem ben kiri hem nanga ston • Ma efoe a ben doe wan toemoesi bigi ogri, foe sori fa a de takroe, dan dem ben hanga hem dedeskin tapoe wan bon • Dem ben moesoe poeroe da dedeskin fosi neti fadon – so dati da kondre no pori NT II Les 1 Galaten, I & II Tessalonika

  21. Si fadawoortoe foe Gado de fin’fini! • 3:16. Now dem pramisi ben meki gi Abraham nanga hem siri. A no taki: gi dem siri, so leki gi foeroe soema, ma leki gi wan nomo: En gi joe siri, disi na Kristus. 17. En mi taki disi, dati Gado na ini Kristus ben meki da akkorderi fosi, en da wet, disi ben kom fo hondro nanga drie tenti jari moro lati, no man poeroe hem, so dati a ben sa broko da pramisi. • Da wet ben kom baka da pramisi, ma a no man poeroe hem • Si fa da difrenti foe enkelvoud & meervoud de belangrijk gi Gado NT II Les 1 Galaten, I & II Tessalonika

  22. Da wet nanga dem engel • 3:19. Dan sortoe wroko da wet abi? A ben poti na tapoe bikasi foe sondoe ede, te leki da siri sa kom disi ben kisi da pramisi kaba; en Gado ben gi da wet doro dem engel na ini da anoe foe wan mindriman. • Dem engel: • Deut. 33:22. En a ben taki: MASRA ben komopo foe Sinai, en A ben opo foe Seïr kom na dem; A ben skijn komopo foe da bergi Paran, en A ben kom nanga tien doesoen foe dem santawan foe Hem; wan faja-wet ben komopo foe Hem letianoe gi dem. • Ps. 68:18 Dem asiwagi foe Gado de twenti doesoen; so srefi omeni doesoen foe dem engel; Masra de na dem mindri, leki na ini Sinai, na ini da santa presi. • Tori 7:53Oen ben kisi da wet disi dem engel ben tjari kom, ma oenoe no ben hori hem. NT II Les 1 Galaten, I & II Tessalonika

  23. Da wet efoe da pramisi? • 3:21. Dan da wet de agensi dem pramisi foe Gado? Gado moesoe kibri wi! Bikasi efoe A ben gi wan wet disi ben kan gi libi, dan foe troe, gerechtigheid ben komopo foe da wet. 22. Ma da skrifi ben sori krin dati ala soema de na ondro sondoe, so dati Gado kan gi da pramisi doro bribi na ini Jezus Kristus na dem soema disi de bribi. • Da wet no man gi libi • Da pramisi de doro bribi foe troe NT II Les 1 Galaten, I & II Tessalonika

  24. Da doel foe da wet • 3:24. Foe dat'ede da wet ben de wi leriman foe tjari wi kom na Kristus, so dati wi kan kom regtvaardiki doro bribi. • Leriman = paidagogos. Disi ben de wan slafoe disi ben tjari wan pikin go na skoro, en sorgoe foe hem • 3:25. Ma baka da tem dati bribi ben kom kaba, wi no de na ondro da leriman moro. • Ma te joe kom bigi, joe no abi hem fanowdoe moro NT II Les 1 Galaten, I & II Tessalonika

  25. Wi de pikin foe Gado • 3:26. Bikasi oen alamala de dem pikin foe Gado doro bribi na ini Kristus Jezus. 27. Bikasi ibriwan foe oen disi ben dopoe na ini Kristus, oen ben weri Kristus. 28. Djoe nanga Grieki no de, slafoe nanga friman no de, man nanga oema no de, ma oen de alamala wan na ini Kristus Jezus. 29. En efoe oen de foe Kristus, dan oen de dem siri foe Abraham, en oen de erfgenaam foe da pramisi. • Wi alamala de pikin doro bribi • Wi dopoe na ini Kristus • Wi de erfgenaam foe da pramisi NT II Les 1 Galaten, I & II Tessalonika

  26. Wi tem leki bigisoema no doro ete • 4:1. Now mi taki: Da erfgenaam, so langa dati a de wan pikinnengre, no libi na wan difrenti fasi leki wan dinari, alwasi a de masra foe alasani. 2. Ma a de na ondro dem soema disi kweki hem te leki da tem doro disi hem tata ben seti kaba. 3. So srefi wi, di wi ben de pikinnengre, ben de na ondro katibo foe dem fondamenti sani foe grontapoe; • Fosi wi no sori wisrefi leki erfgenaam, ma soso leki pikinnengre • Ma wan dei sa doro dati wi sa sori wisrefi leki pikin NT II Les 1 Galaten, I & II Tessalonika

  27. Da juisti tem doro kaba… • 4:4. Ma di da juisti tem ben doro, Gado ben seni Hem Manpikin kom, disi wan oema ben meki Hem, en a ben meki Hem na ondro da wet, 5. Foe bai wi fri disi ben de na ondro da wet, so dati A sa teki wi leki Hem manpikin. 6. En bikasi oen de manpikin, Gado ben seni da Jeje foe Hem Manpikin kom na ini oen hati, disi bari taki: Abba, Tata. 7. Foe dat'ede joe no de wan dinari moro, ma wan manpikin, en efoe wan manpikin, dan wan erfgenaam foe Gado doro Kristus. NT II Les 1 Galaten, I & II Tessalonika

  28. Gado ben seni Jezus na da juisti tem… • Dem profeti-tori ben kom troe na da tem dati – leki dem 70 wiki foe Daniel 9 • Dem Romeini soema ben teki abra grontapoe, en seti “Pax Romana” – wan tem pe joe kan waka fri • Dem Grieki kultuur ben panja abra heri grontapoe, nanga Grieki tongo NT II Les 1 Galaten, I & II Tessalonika

  29. Wan oema ben meki hem • Normaal wi denki abra da tata ben meki so wan pikin – ma dja a taki duidelijk dati wan oema meki hem • Disi de da siri foe da oema – Genesis 3:15 • Disi de da tori foe wan krin wendje disi sa hori bere – Jesaja 7:14 NT II Les 1 Galaten, I & II Tessalonika

  30. Romeini soema ben adopteer dem egi pikin • Dem Romeini soema ben teki dem pikin leki di foe demsrefi di dem ben kom bigi • Dan dem no ben de na ondro wan leriman moro, ma dem ben de bigi soema, en dem ben abi frantwoortoe gi demsrefi • En dem ben tron erfgenaam toe NT II Les 1 Galaten, I & II Tessalonika

  31. Gado sori wi positie na ini wi hati • Wi hati sori dati wi de Gado pikin • Now wi de bigi soema • Now wi sabi dati wi de erfgenaam kaba NT II Les 1 Galaten, I & II Tessalonika

  32. No tron pikinnengre moro… • 4:8. Ma di oen no ben sabi Gado, oen ben dini dem sani disi no de dem troe gado. 9. Ma now, di oen sabi Gado kaba, efoe, foe taki boen, Gado sabi oen, fa oen kan drai baka go na dem swaki nanga poti fondamenti sani, en oen wani kom baka na ini katibo agen? 10. Oen hori dem dei nanga moen nanga dem tem nanga jari. 11. Mi frede foe oen, dati mi ben wroko na oen tapoe foe soso. • Kristus ben bai joe fri foe da wet • Now joe de bigi soema • No tron pikinnengre en poti joesrefi baka na ondro da wet NT II Les 1 Galaten, I & II Tessalonika

  33. Manpikin 1. Abi hem tata natuur 2. Abi wan tata 3. Gi jesi komopo foe fri-fasi nanga lobi 4. Erfgenaam foe alasani Dinari 1. Abi hem owroe natuur ete 2. Abi wan masra 3. Gi jesi komopo foe da wet nanga frede 4. No wan erfenis Manpikin efoe dinari? NT II Les 1 Galaten, I & II Tessalonika

  34. Da pramisi nanga da wet • 1. Da wet no kan kenki da pramisi • 2. Da wet no de morobigi leki da pramisi • 3. Da wet nobroko da pramisi • 4. Da wet nomandoe san da pramisi kandoe NT II Les 1 Galaten, I & II Tessalonika

  35. Disi ben hati Paulus • 4:15. Dan pe da blesi de, disi oen ben taki abra hem? Bikasi mi taki abra oen, dati efoe a ben man, oen ben sa poeroe oen egi ai komopo, en oen ben sa gi dem na mi. 16. Foe dat'ede mi tron oen feanti, bikasi mi taigi oen da waarheid? 17. Dem abi faja-hati foe oen, ma no na wan boen fasi; ja, dem wani poti oen aparti, so dati oen ben sa abi faja-hati gi dem. • Fosi dem ben lobi hem • Now a gersi dem tron feanti NT II Les 1 Galaten, I & II Tessalonika

  36. Paulus ben de leki dem tata • 4:18. A de wan boen sani foe abi faja-hati na ini wan boen sani, en no te mi de na oen mindri nomo. 19. Mi pikinnengre, oen disi mi wroko foe gebore oen agen te leki Kristus ben sa sori Hemsrefi na oen ini, 20. Mi wani de na oen mindri now, en foe kenki fa mi de taki; bikasi mi broko hede abra oen. • Paulus broko hede bikasi dem ben dribi go baka na ondro da wet NT II Les 1 Galaten, I & II Tessalonika

  37. Sara nanga Hagar • 4:22. Bikasi a de skrifi taki Abraham ben abi toe manpikin; wan slafoe-oema ben meki wan, en wan fri-oema ben meki da trawan. 23. Ma da soema disi da slafoe-oema ben meki ben gebore na skin-fasi; ma da soema disi da fri-oema ben meki ben gebore nanga da pramisi. • Hagar ben de wan slafoe • Ishmael gebore nanga skin-fasi • Sara ben de fri – da fosi wefi toe • Isaak ben gebore doro wan pramisi NT II Les 1 Galaten, I & II Tessalonika

  38. Sara nanga Hagar • 4:24. Dem sani disi taki na wan gersi-fasi toe; bikasi dem de toe akkorderi; da wan komopo foe da bergi Sinai, disi tjari katibo kom, disi de Hagar. 25. Bikasi da Hagar disi de da bergi Sinai na ini Arabië, disi wani taki foe da Jerusalem disi de foe tide, en disi de na ini katibo nanga hem pikin. 26. Ma da Jerusalem disi de foe loktoe de fri, disi de da mama foe wi alamala. • Hagar = grontapoe Jerusalem = slavernij • Sara = Jerusalem foe loktoe = vrijheid NT II Les 1 Galaten, I & II Tessalonika

  39. Wi de pikin foe da pramisi • 4:28. Now, brada, so srefi leki Isaak, wi de dem pikin foe da pramisi. 29. Ma so leki da soema disi ben gebore na skin-fasi ben pina da soema disi ben gebore nanga da Jeje, na so a de te tide. 30. Tokoe san da skrifi de taki? Poti da slafoe-oema nanga hem manpikin na doro; bikasi da manpikin foe da slafoe-oema no sa de erfgenaam nanga da manpikin foe da fri-oema. 31. We dan, mi brada, wi no de pikin foe da slafoe-oema, ma foe da fri-oema. NT II Les 1 Galaten, I & II Tessalonika

  40. Isaak & Ismael ben kisi trobi • Ishmael ben spotoe Isaak • So srefi dem legalist spotoe dem soema disi taki dati wi de fri • Ma so leki Gado ben taigi Abraham foe seni Ishmael gowe, en dati a no de wan erfenaam, so srefi Gado sa teki wi leki erfgenaam, NT II Les 1 Galaten, I & II Tessalonika

  41. No go na ini katibo foe da wet • Gal. 5:1. Foe dat'ede, tan faste na ini da fri disi Kristus ben meki wi kom fri, en no tai oensrefi baka nanga dem boeje foe katibo. 2. Loekoe, mi, Paulus taigi oen taki: Efoe oen besnijde oensrefi, Kristus no man meki oen wini noti. 3. Bikasi mi getuigi agen gi ibri mansoema disi de besnijde taki a abi wan plikti foe hori da heri wet. 4. Dan Kristus no man jepi oen, oen disi kom regtvaardiki nanga da wet; oen ben fadon komopo foe gnade. NT II Les 1 Galaten, I & II Tessalonika

  42. Kristus no man jepi joe na ondro da wet • Da wet no man meki wi fri bikasi wi de na skin-fasi, en wi no man hori da wet • Da wet taki: “Doe so…” • Dan joe moesoe hori da heri wet • No wan soema kan kom regtvaardiki doro da wet, bikasi no wan soema kan hori hem NT II Les 1 Galaten, I & II Tessalonika

  43. Bribi meki wi fri, no doe… • Gal. 5:5. Bikasi doro da Jeje wi wakti foe da gerechtigheid foe bribi. 6. Bikasi na ini Kristus, foe de besnijde no abi krakti, efoe foe no de besnijde, ma da bribi disi wroko nanga lobi. • (Besnijde wani taki – foe hori da wet leki wan Djoe) NT II Les 1 Galaten, I & II Tessalonika

  44. No lasi da wini joe abi kaba • Gal. 5:7. Oen ben lon na wan boen fasi; soema ben tapoe oen so dati oen no ben sa gi jesi na da waarheid? 8. Da prakseri disi no ben komopo foe Hem disi ben kari oen kaba. 9. Pikinso zuurdegi meki da heri brede kom swa. 10. Mi vertrouw oen doro Masra dati oen no sa kenki oen prakseri; ma da soema disi trobi oen moesoe tjari hem egi vonisi, alwasi sortoe soema a de. 11. En mi brada, efoe mi ben preiki foe da besnijde ete, dan foe san'ede dem vervolgoe mi? Dan da kruisi no meki dem naki foetoe fadon moro. NT II Les 1 Galaten, I & II Tessalonika

  45. No misbruik joe fri! • Gal. 5:13. Bikasi, mi brada, Gado ben kari oen kom na fri; ma oen no moesoe teki da fri disi leki wan okasi foe wroko nanga skin-fasi, ma foe dini makandra nanga lobi. 14. Bikasi da heri wet de kom troe na ini wan woortoe, na ini disi taki: Joe moesoe lobi joe naaste so leki joe lobi joesrefi. 15. Ma efoe oen beti en njan trawan, loekoe boen dati wan trawan no swari oen! NT II Les 1 Galaten, I & II Tessalonika

  46. Waka na ini da Jeje… • Gal. 5:16. Disi mi taki dan, taki: Waka na ini da Jeje, en oen no sa doe san da skin de lostoe. 17. Bikasi da skin de lostoe agensi da Jeje, en da Jeje agensi da skin; alatem dem toe feti agensi demsrefi, so dati oen no kan doe dem sani disi oen ben sa wani doe. 18. Ma efoe da Jeje tiri oen, dan oen no de na ondro da wet. NT II Les 1 Galaten, I & II Tessalonika

  47. Waka na ini da Jeje • A de wan gebod foe waka na ini da Jeje • Dan joe no sa waka na ini da skin-lostoe • Dem toe fetinangademsrefi • Da Jejenomo kan meki joe frifoedawet NT II Les 1 Galaten, I & II Tessalonika

  48. Dem wroko foe da skin • Gal. 5:19. Now dem wroko foe da skin sori demsrefi krin taki: soetadoe, hoeroedoe, fisti-fasi, takroe lostoe, 20. Afgodrei, tovroe-wroko, mandi, hori na hati, djaroesoe, faja-hati, stree, prati, falsi leri, 21. Bigi-ai, foe kiri soema, droengoe-fasi, foe njan en dringi pasa marki, en dem sortoe sani disi; mi taigi oen now so leki mi ben taigi oen na dem dei na wi baka dati da soema disi abi da gwenti foe doe dem sortoe sani disi no sa kisi wan erfenis foe da kownoekondre foe Gado. • Dja de 17 marki foe wi owroe skin-natuur NT II Les 1 Galaten, I & II Tessalonika

  49. Da froktoe foe da Jeje • Gal. 5:22. Ma da froktoe foe da Jeje de lobi, prisiri, vrede, pasensi, safri-fasi, boen-hati, bribi, 23. Saka-fasi, foe dwingi joesrefi; no wan wet de agensi dem sortoe sani disi. • Wan froktoe – disi sori hemsrefi 9 fasi • Disi de da doel foe wan bribiwan NT II Les 1 Galaten, I & II Tessalonika

  50. San wi moesoe doe! • Gal. 5:24. En dem soema disi de foe Kristus ben kruisi da skin nanga hem faja-hati en lostoe. 25. Efoe wi libi na ini da Jeje, dan meki wi waka na ini da Jeje toe. 26. Meki wi no soekoe foe kisi soso bigi nem, efoe meki trawan kom mandi, efoe djaroesoe nanga trawan. • Wi moesoe kruisi da skin – A moesoe dede • Bepaalde sani wi no moesoe doe – soekoe bigi nem, mandi, djaroesoe… NT II Les 1 Galaten, I & II Tessalonika

More Related