Eus eige leedsjes Deilke 12

1. Eus eige leedsjes Deilke 12 Eus eige leedsjes Deil 12 Fibberwarie 2011 Klikke um wijjer te goon, veur de res geit alles vaan allein.

2. Hoh hoh hoh Pie ! Hoh hoh hoh Pie ! Zeve sent ‘ne reiperok. Mörrege sleit de boter op. Umstreeks 1890 woort dit leedsje tradisie- getrouw gezónge op vastelaovenszóndag. Klokslaag 2 oor begóste de ierste verkleijders ziech te vertuine in de Groete Staat. Ze lepe errem in errem en zónge daan dit leeedsje. Karel Matthijs, ’ne sjuilnaom veur Sjarel Thewissen, heet dit besjreve in “De Limburgse Jaarkrans” oet 1965. ‘n Aander aajd vastelaovensleedsje is dit : En tot 't vastelaovend is, houwe veer, houwe veer. En tot 't vastelaovend is, houwe v'r op die kis.

3. Mien meer heet sop gekook. Zeve daog vaan eine knook. Du, du liegst mir am Herzen. Du, du liegst mir im Sinn. Höbste sóms jeuk, Daan móste diech kretse. Al waoste e mooswief of wel keizerin. Keuning de zawweleer dee góng zien dochter zeuke zeuke. Heer zeukde in ’t gans palies vaan kelder tot de keuke. Mer heer vónt häör lekker neet ! Ze zaot op e weijke, Ze zaot op e weijke, Ze zaot op e weijke, mèt André. Sins de 18e iew woorte opera-veurstèllinge gegeve in Mestreech. Miestal gebäörde dat door gezèlsjappe oet Luik want veer hadde zellef gei gezèlsjap. De Mestreechtenere waore zoe bekind mèt ‘t rippertwaar tot ‘t publiek dèks helop mètzóng. Dat dege ze daan in ‘t Mestreechs en ‘t waore gein lètterlike vertaolinge, dat zalt geer wel gemèrrek höbbe.

4. Zóndagsmiddags um twie ore, trok de Momus door de stad. Dao kaom ziech 'n Juffrouw prizzentere, zónder kroen of zónder wat. 't Sjijnt ze waor nog gaar neet bang ! Mer ze waor verlege veur 'ne frang ! Stadsstaar Lambriks ∗, diech weurs keuningin ! Stadsstaar Lambriks, diech weurs keuningin ! ∗ Stadsstaar Lambriks waor de bijjnaom vaan ‘n Mestreechse, die “in ‘t leve zaot” wie me dat zoe sjoen zeet. Dit Is ‘n aw geluidsopnaomeoet de 50er jaore vaan de veurige iew, die iech vaan iemes gekrege höb. De mevrouw, die ‘t zink, waor umstreeks 1870 gebore. ‘t Leedsje zellef moot aajd zien want d’r weurt nog betaold in frangs.

5. Nog e leedsje gezónge door diezellefde mevrouw. Zóndagsaoves nao tien ore, en daan zien us sentsjes op. En daan gone v'r mer nao Lies Bosch touw, en dao pómpe veer mer löstig op. Viva d'n ölleger, viva d'n ölleger Viva d'n ölleger, al vaan Lies Bosch (2 kier) • Dit leedsje kump in 3 versjèllende variasies veur. • Iech neum uuch de versjèlle eve op: • - ‘t kós zóndagsaoves um 9 oor, nao 10 oor of um 11 oor gebäöre tot de sent op waore. Dat zal • wel aon d’n doors gelege höbbe, dink iech. • - de Boschstraot woort opgegange of opgetrokke • en einmaol bijj Lies ging me löstig drop los drinke of löstig drop los pómpe (in de beteikenis vaan póffe?) of löstig drop los danse. • Deen danszaol vaan Lies moot hiel bekind zien gewees want d’r zien zeker twie leedsjes mèt versjèllende milledie op gemaak. Mèt ‘t zellefde refreinsje dat wel ! • Heer heet gelege aon wat sins 1903 de Herbenusstraot hèt.

6. Louw, Louw, lielike Louw ! Höbste gei geld, verkoup d’n vrouw ! Boeveur zouw iech mien vrouw verkoupe, die iech zoe lang höb naogeloupe. Louw, Louw, lielike Louw ! Höbste gei geld, verkoup d'n vrouw. En jónges, jónges, jónges, wat ‘n lol ! Mèt Sint Gilis kriege veer ‘ne krollebol. (2 kier) Sint Gilis ofwel Sint Egidius is de petroenheilige vaan Wiek. Heer weurt aongerope tege de stupe. Es op 1 september ziene fiesdaag gevierd woort mèt ‘ne kèrremes trok gans Mestreech nao Wiek um mèt te viere. D’r woort ouch e spesjaol gebak geserveerd, ‘ne “krollebol”. Dee krollebol waor zoeget wie ‘nen appelebol.

7. Hagenbeck dee kaom ins kieke In 't naojaor vaan 1919 deeg “Circus Hagenbeck” Mestreech aon. Twie wèthawwers raakde zoe ónder d’n indrök vaan de bere vaan dee sirrek tot ze dachte: "Es veer hijj in Mestreech ins e paar bere hadde, dat zouw 'n groete attraksie zien. En .... es 't e menneke en e vruike waor kóste veer ouch nog demèt fókke en zoe geld verdene !”Affin, in 1920 köp de Gemeinte vaan sirrekdirrekteur Wilhelm Hagenbeck twie broun bere veur 1350 gölde. Dat waor in deen tied 'n enorm bedraag, dao bouwde ziech 'ne mins haos e hoes veur ! Meh, zoe dach de Gemeinteraod, dat verdeent ziech gemekelik trök es veer eimaol aon ’t fókke zien. De bere woorte óndergebrach in 't Stadsparek in ’n berekouw. Dat waor 'n iezere geval dat gemaak waor door de lierlinge vaan de ambachsjaol. Gans Mestreech ging zóndags nao de bere kieke. Veur de Mestreechtenere waor dat zoegezag 'n “attraksie zónder vermakelikheidsbelasting” (Fons Tuinstra). En zoe kaom ‘t tot ederein in Mestreech wachde op gezinsoetbreijing bijj Max en Pol (die óndertösse zoe geneump waore). Mer ...... wat neet kaom waore klein bebiebeerkes. Geer veult ‘t al aonkómme, Hagenbeck had de zaak bedónderd en de Gemeinte twie mennekesbere verkoch ! Geer begrèp wel tot hijj flink op gesjamp woort in leedsjes. “Hagenbeck dee kaom ins kieke” is e veurbeeld devaan. ‘n Aander veurbeeld is ‘t vollegend kort leedsje. Iech kin ‘t neet zinge want iech höb allein mer d’n teks: De Gemeinteraod is gek, De Gemeinteraod is gek, 'r Heet ziech laote bezeike (nump ‘t miech neet koelik) vaan deen Hagenbeck. Iech höb nog vaan ‘n aander sjampleedsje teks en milledie. Duijt mer op de knóp um dat leedsje te hure: De bere zien gestik, de bere zien gestik. Ze höbbe eus belastingbreve ingeslik ! (2 kier) Vollegens “De Limburger Koerier” vaan 3 augustus 1940 zaog ‘t aon ‘t begin vaan d’n 2e Wereldoorlog denao oet tot de bere aofgemaak zouwe weure es “Ouwehands Dierenpark” ze neet zouw wèlle. Door de veujseldistribusie (voedseldistribusie) waor neet genóg ete, aajd broed veur de bieste. Zoe wied is ‘t gelökkig neet gekómme ! In “De noedkreet vaan Max en Pol” huurt geer wie ze ziech beklaoge. Mer iers ‘t leedsje euver Hagenbeck.

8. Hagenbeck dee kaom ins kieke, wie 't oetzaog in de stad. En heer zag: " 't Waor get veur de rieke, es me hijj ins bere zat”. En ze kochten e hiel klein kuijke, gojekoup meh toch hiel fien. En noe goon veer zóndags mèt eus snake nao de belastingbere zien. Goon veer op eus klómpe, goon veer door de Kómpe. Goon veer nao de bere touw, en zègke: "Nóndesjouw! Wat zien dat veur 'n dinger, ze biete diech in d'n vinger ! Dat is weer 'ne slummen trek, vaan “Circus Hagenbeck."

9. Höb geer 't geleze vaan Max en Pol ? Die goon ze noe verkoupe, 't is neet veur de lol. En de Gemeinte is zier kóntent, noe krijg ze weer eine sjoene sent. Dat is veur Max en Pol. (2 x) Toen ze 't hun vertèlde lete ze 'n traon. Iech höb 't wel gewete, meh doch neet mie dao aon. En euze Pol heet geprotesteerd, heer zag: "Zien veer noe niks mie weerd ?” Lèt op Max en Pol. (2 x) Max begós te kriete: "Doot us ei plezeer. Laot us nog get blieve, v'r loupe mer op en neer. Es geer get verkoupe wèlt, verkoup daan de brök, want de bere krijg geer noets mie trök.” Deen erreme Max en Pol. (2 x) Nao viefentwintig jaore trouwen deens. Kinne ze 't neet mie kr0ppe, op d'n distribusiedeens. Dat neume ze ei sjoen Mestreech, meh de berekouw die kump zoe leeg. Deen erreme Max en Pol. (2 x) Veer mote mer ei beroop doen op de ganse stad. Die höbbe vaan us kunste, ‘t plezeer gehad. Mestreechteneers laot us neet allein, v'r sterreve vaan de sjagrein. Deen erreme Max en Pol. (2 x)

10. Kropslaoj, andievie, sèlderijj, poor ! De maog vaan de beurstel is mèt de steel devaan door. Kropslaoj, andievie, selderijj, poor ! Posmes zien maog is mèt zien weurs devaan door. Dit leedsje woort gezónge door de merretvrouwe, de mooswiever. Um klante te trèkke verwèrrekde ze allerleij sjendäölkes in hun leedsjes. In dit geval ging ‘t euver de deensmaog vaan ‘ne brouwer oet Wiek ,“de Beurstel” dee me zoe neumde um zien haordrach. Die maog waor devaandoor mèt “de Steel”, ouch weer iemes ziene bijjnaom. Es zoe ’n greuntevrouw dit zóng wis gans Mestreech wee demèt bedoeld waor. Väöl luij erregerde ziech hijjaon, mer de mieste lachde ziech krómp. Este vreuger nao de merret góngs waorste mètein op de huugde vaan alle meugelike sjendäölkes. Dao hoofde me gein gezèt veur geleze te höbbe!

11. VELDEKE KRINK MESTREECH stónt miech welwèllend touw de pleetsjes vaan hun leesplenkske te gebruke. Hijjveur mienen harteliken daank. Iech wèl nog iemes bedaanke, naomelik de awwer dame die de twie leedsjes mèt zoeväöl vuur gebrach heet. Ze zal vaan hijjbove wel mèt gezónge höbbe ! En wee iech ouch neet wèl vergete is Wim Gorren, dee de informasie die iech euver de bere had perfek heet aongevöld. Wèlt geer miejer weite euver de achtergrónde vaan de leedsjes? Gaot daan eve nao www.xs4all.nl/~hfeij Dao stoon ze ouch op alfabet en kint geer zoe gemekelik eur leedsje vinde. Wijjer kint geer miech bereike op mien addrès tinyoetmestreech@xs4all.nl