1 / 34

CHOSEN TO HONOR GOD Ginv Taaih Tin-Hungh Nyei Mienh

CHOSEN TO HONOR GOD Ginv Taaih Tin-Hungh Nyei Mienh. Ndaa^ni^en 6:1-28 Daniel 6:1-28.

phelan-orr
Download Presentation

CHOSEN TO HONOR GOD Ginv Taaih Tin-Hungh Nyei Mienh

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. CHOSEN TO HONOR GODGinv Taaih Tin-Hungh Nyei Mienh Ndaa^ni^en 6:1-28 Daniel 6:1-28

  2. 1 “Ndaa^li^atc Hungh dingc hnyouv liepc yietc baeqv nyic ziepc dauh zungx gunv gormx ninh nyei guoqv. 2 Ninh aengx liepc buo dauh zoux gunv sic jien gunv naaiv deix yietc baeqv nyic ziepc dauh. Ndaa^ni^en se naaiv deix buo dauh nyei yietc dauh. Zungx oix zuqc caux naaiv deix buo dauh tong fienx weic bun hungh diex maiv caa haaix nyungc. 3 Beiv mangc wuov deix gunv sic jien caux zungx, Ndaa^ni^en nyei mengh dauh gauh longx jiex. Weic zuqc ninh nyei fiem-fingx longx, hungh diex ziouc maaih hnyouv oix liepc Ndaa^ni^en gunv gormx guoqv.

  3. 4 Hnangv naaiv nor, wuov deix gunv gong mienh caux zungx oix lorz gunv guoqv nyei sic gox Ndaa^ni^en. Mv baac ninh mbuo lorz maiv duqv haaix nyungc gorn-baengx fai ninh dorngc nyei sic, weic zuqc ninh hnyouv zingx nyei, maiv dorngc nyei dorngx yaac maiv bungx ndortv haaix nyungc. 5 Naaiv deix mienh ziouc gorngv, "Yie mbuo lorz maiv duqv haaix nyungc jauv gox ninh cuotv liuz ninh nyei Tin-Hungh nyei leiz-latc nyei jauv." 6 Wuov deix gunv sic jien caux zungx ziouc gapv zunv daaih lorz hungh diex. Ninh mbuo gorngv, "O Ndaa^li^atc Hungh aac, ziangh duqv maanc fuix aqv.

  4. 7 O hungh diex aac, hungh diex nyei gunv sic jien caux saengv-ziouv caux zungx, caangh laangh nyei mienh caux domh jien, caangh laangh daaih dingc hungh diex oix zuqc liepc diuh lingc ngaengc nyei, hatc jienv faah ziepc hnoi gu'nyuoz cuotv liuz jouh hungh diex, maiv bun haaix dauh mienh jouh haaix dauh zienh fai haaix dauh mienh. Maiv zei aeqv, ninh mbuo zuqc zorqv zoi bieqc sienh nyei kuotv.

  5. 8 O hungh diex aac, tov ih zanc liepc naaiv diuh lingc aengx fiev cuotv daaih weic maiv haih goiv yienc, ziux Mi^ndie Mienh caux Besie Mienh nyei leiz." 9 Ndaa^li^atc Hungh ziouc liepc diuh lingc aengx njiec jienv mbuox. 10 Ndaa^ni^en hiuv duqv hungh diex njiec mbuox naaiv diuh lingc, ninh ziouc nzuonx ninh nyei biauv faaux gu'nguaaic wuov qongx, maaih fong muonh koi nqoi. Ndaa^ni^en huin mingh Ye^lu^saa^lem Zingh yietc hnoi buo nzunc. Ninh gueic njiec daux gaux laengz zingh ninh nyei Tin-Hungh hnangv yietc gau zoux nor.

  6. 11 Naaiv deix mienh ziouc lomh nzoih mingh wuov, buatc Ndaa^ni^en daux gaux jouh Tin-Hungh. 12 Ninh mbuo ziouc mingh gox hungh diex gorngv taux ninh njiec nyei lingc. Ninh mbuo gorngv, "Hungh diex aah! Maiv zeiz hungh diex njiec lingc hatc jienv hnangv naaiv nor gorngv fai? Faah ziepc hnoi gu'nyuoz, cuotv liuz jouh hungh diex, maiv bun haaix dauh mienh jouh haaix dauh zienh fai haaix dauh mienh. Maiv zei aeqv, wuov dauh mienh zuqc zoi njiec sienh nyei kuotv." Hungh diex dau, "Za'gengh maaih hnangv naaic nyei. Naaiv diuh lingc ziux Mi^ndie Mienh caux Besie Mienh nyei leiz, maiv haih goiv yienc aqv."

  7. 13 Ninh mbuo ziouc gorngv mbuox hungh diex, "Hungh diex aah! Dongh yiem Yu^ndaa zuqc guaatv daaih nyei mienh, Ndaa^ni^en, maiv muangx meih yaac maiv muangx meih njiec mbuox hatc wuov diuh lingc. Ninh corc yietc hnoi daux gaux buo nzunc." 14 Hungh diex haiz liuz naaiv deix waac ninh nzauh aqv, longc hnyouv lorz jauv njoux Ndaa^ni^en mv baac taux mba'hnoi muotv maiv haih daav maiv cuotv za'eix.

  8. 15 Nqa'haav wuov guanh mienh ziouc lomh nzoih daaih lorz hungh diex yaac gorngv mbuox ninh, "Hungh diex aah! Meih hiuv duqv nyei. Mi^ndie Mienh caux Besie Mienh nyei lingc, da'faanh hungh diex nyei haaix diuh lingc fai leiz mborqv jienv hungh diex nyei yienx, maiv haih goiv yienc aqv." 16 Hungh diex ziouc paaiv mienh. Ninh mbuo ziouc dorh Ndaa^ni^en daaih zoi bieqc sienh nyei kuotv. Hungh diex gorngv mbuox Ndaa^ni^en, "Tov meih nyei Tin-Hungh, dongh meih zanc-zanc fu-sux wuov dauh, njoux meih."

  9. 17 Maaih mienh zorqv norm la'bieiv mbaeqc jienv kuotv-nzuih. Hungh diex mborqv jienv ninh ganh nyei buoz-ndoqv-nzaeng nyei yienx caux ninh zoux hlo nyei mienh nyei buoz-ndoqv-nzaeng yienx weic maiv bun Ndaa^ni^en nyei sic haih goiv yienc. 18 Hungh diex ziouc nzuonx hungh dinc ziangh muonz maiv nyanc ga'naaiv yaac maiv longc haaix dauh dorh haaix nyungc zoux nauc nyitc nyei jauv. Ninh yaac bueix maiv njormh. 19 Lungh yietv njang, hungh diex jiez sin daaih gaanv jienv mingh taux sienh nyei kuotv wuov.

  10. 20 Hungh diex mingh fatv deix sienh nyei kuotv, hnyouv mun jienv heuc Ndaa^ni^en, "Ziangh jienv wuov dauh Tin-Hungh nyei bou, Ndaa^ni^en, aah! Dongh meih zanc-zanc fu-sux nyei Tin-Hungh haih njoux meih biaux ndutv sienh nyei fai?" 21 Ndaa^ni^en dau, "O hungh diex aah! Ziangh duqv maanc fuix aqv.

  11. 22 Yie nyei Tin-Hungh paaiv ninh nyei fin-mienh daaih bun sienh nyei nzuih baengx nqapc jienv. Sienh maiv hoic yie weic zuqc ziux Tin-Hungh mangc yie maiv dorngc haaix nyungc. O hungh diex aah! Yie yaac yiem meih nyei nza'hmien maiv zoux dorngc haaix nyungc." 23 Hungh diex za'gengh a'hneiv haic ziouc paaiv mienh zorqv Ndaa^ni^en yiem kuotv cuotv daaih. Ninh mbuo ziouc zorqv ninh cuotv daaih. Buatc ninh nyei sin zaangc maiv maaih yietc norm dorngx mun weic zuqc ninh sienx kaux ninh nyei Tin-Hungh.

  12. 24 Hungh diex ziouc hatc mienh zorqv gox Ndaa^ni^en wuov deix mienh, liemh ninh mbuo nyei auv caux naamh nyouz, zorqv ninh mbuo zoi njiec sienh nyei kuotv. Ndortv njiec zungv maiv taux kuotv-ndoqv, sienh ziouc betv ninh mbuo, bun ninh mbuo nyei mbungv nauv muonc nzengc. 25 Nqa'haav Ndaa^li^atc Hungh fungx fienx tong lungh ndiev maanc guoqv, maanc fingx, maanc nyungc waac nyei mienh. Ninh gorngv, "Tov bun meih mbuo yietc zungv duqv baengh orn.

  13. 26 "Yie njiec lingc gorngv, da'faanh yie gunv nyei guoqv nyei yietc zungv baeqc fingx oix zuqc gamh nziex yaac oix zuqc taaih Ndaa^ni^en nyei Tin-Hungh. "Weic zuqc ninh se ziangh jienv nyei Tin-Hungh, ninh yietc liuz yiem. Ninh nyei guoqv maiv zuqc baaic waaic, inh gunv nyei guoqv yietc liuz maiv jomc.

  14. . 27 Ninh tengx mienh biaux ndutv yaac njoux mienh. Yiem lungh yiem ndau, ninh zoux jangx-hoc caux mbuoqc horngh nyei sic. Ninh njoux Ndaa^ni^en biaux ndutv sienh nyei qaqv." 28 Hnangv naaiv, yiem Ndaa^li^atc Hungh caux Besie nyei hungh, Sailatv, gunv nyei ziangh hoc, Ndaa^ni^en duqv longx.

  15. Biux Mengh Waac Yiem Ndaa^ni^en caux ninh nyei doic nyei maenge mbuo haih hoqc duqv biux mengh gorngv, “Tin-Hungh taaih dongh taaih ninh nyei mienh”.

  16. I. Ndaa^ni^en Nyei Gong-Mengh (6:1-3)1. Ndaa^li^atc Hungh dingc hnyouv liepc 120 dauh zungx gunv gormx ninh nyei guoqv. Ninh aengx liepc buo dauh zoux gunv sic jien gunv naaiv deix 120 dauh. Ndaa^ni^en se naaiv deix buo dauh nyei yietc dauh. Zungx oix zuqc caux naaiv deix buo dauh tong fienx weic bun hungh diex maiv caa haaix nyungc (ys. 1-2).

  17. 2. Hungh ginv nyei mienh maiv maaih haaix dauh hnangv Ndaa^ni^en, weic zuqc hungh diex bungx duqv hnyouv Ndaa^ni^en. Maiv gunv ninh yiem waaic nyei mbu’ndongx mv baac Ndaa^ni^en se zingx nyei mienh. Ninh yaac maaih lengc jeiv nyei zingh nyeic.

  18. 3. Beiv mangc wuov deix gunv sic jien caux zungx, Ndaa^ni^en nyei mengh dauh gauh longx jiex. Weic zuqc ninh nyei fiem-fingx longx, hungh diex ziouc maaih hnyouv oix liepc Ndaa^ni^en gunv gormx guoqv (ys. 3).

  19. II. Ndaa^ni^en zuqc mienh daav za’eix gox hoic (6:4-9) 1. Wuov deix 120 dauh gunv gong mienh caux i dauh zungx oix lorz gunv guoqv nyei sic gox Ndaa^ni^en. Mv baac ninh mbuo lorz maiv duqv haaix nyungc gorn-baengx fai ninh dorngc nyei sic, weic zuqc ninh hnyouv zingx nyei, maiv maaih dorngc nyei dorngx yaac maiv bungx ndortv haaix nyungc (y.4). Ninh se yietc dauh kuv mienh gamh nziex TH nyei mienh, hungh haih bungx hnyouv nyei mienh.

  20. 2. Mueic jieqv ninh nyei mienh lorz maiv duqv ninh zoux dorngc nyei yietc nyungc…ninh mbuo ziouc daav za’eix lorz qiangx hoic ninh sienx TH nyei jauv. Naaiv deix mienh ziouc gorngv, “Yie mbuo lorz maiv duqv haaix nyungc jauv gox ninh cuotv liuz ninh nyei Tin-Hungh nyei leiz-latc nyei jauv” (y.5).

  21. 3. Ninh mbuo hiuv duqv ndaa^ni^en yietc gau m’daaih caux ninh nyei TH daux gaux (yietc hnoi buo nzunc). Ninh mbuo ziouc daav za’eix nduov hungh cuotv lingc maiv bun haaix dauh daux gaux … “hatc jienv 30 hnoi gu'nyuoz cuotv liuz jouh hungh diex, maiv bun haaix dauh mienh jouh haaix dauh zienh fai haaix dauh mienh. Maiv zei aeqv, ninh mbuo zuqc zorqv zoi bieqc sienh nyei kuotv (ys. 6-9). Hiuv duqv Ndaa^ni^en m’daaih hnoi-hnoi daux gaux nyei.

  22. III. Ndaa^ni^en hnangv yietc gaux nor daux gaux (6:10-11) • 1. Ndaa^ni^en hiuv duqv hungh diex njiec mbuox naaiv diuh lingc (y.10) - faah ziepc hnoi gu'nyuoz cuotv liuz jouh hungh diex, maiv bun haaix dauh mienh jouh haaix dauh zienh fai haaix dauh mienh. Maiv zei aeqv, ninh mbuo zuqc zorqv zoi bieqc sienh nyei kuotv.

  23. 2. Ninh ziouc nzuonx ninh nyei biauv faaux gu'nguaaic wuov qongx, maaih fong- muonh koi nqoi. Ndaa^ni^en huin mingh Ye^lu^saa^lem zingh yietc hnoi buo nzunc. Ninh gueic njiec daux gaux laengz zingh ninh nyei Tin-Hungh hnangv yietc gau zoux nor (y.10).

  24. 3. Mueic jieqv ninh wuov deix mienh “ziouc lomh nzoih mingh wuov, buatc Ndaa^ni^en daux gaux jouh Tin-Hungh”. (Ninh mbuo hiuv duqv Ndaa^ni^en yietc hnoi daux gaux buo nzunc m’daaih hnangv ninh yietc gau nor - ndangc ninh mbuo nduov hungh cuotv leiz wuov nor - Mbuo buatc nzorng fai mueic jieqv mienh zoux nyei jauv…)

  25. 4. Ndaa^ni^en nyei nyungc zeiv njaaux mbuo gorngv: yietc nyungc mbuo maiv haih muangx hungh jaa - se gorngv hungh jaa heuc mbuo zoux doix dekc Tin-Hungh. (Gong-zoh 5:29; Lomaa 12:1-2).

  26. IV. Ndaa^ni^en zuqc hoic zuqc diev kouv (6:12-17)

  27. 1. Mueic jieqv caux nzorng Ndaa^ni^en nyei mienh mingh gorngv mbuo hungh, “Maiv zeiz hungh diex njiec lingc hatc jienv hnangv naaiv nor gorngv fai? Faah ziepc hnoi gu'nyuoz, cuotv liuz jouh hungh diex, maiv bun haaix dauh mienh jouh haaix dauh zienh fai haaix dauh mienh. Maiv zei aeqv, wuov dauh mienh zuqc zoi njiec sienh nyei kuotv.” Hungh diex dau, “Za'gengh maaih hnangv naaic nyei. Naaiv diuh lingc ziux Mi^ndie Mienh caux Besie Mienh nyei leiz, maiv haih goiv yienc aqv (y. 12).”

  28. 2. Ninh mbuo ziouc gorngv mbuox hungh diex, “Hungh diex aah! Dongh yiem Yu^ndaa zuqc guaatv daaih nyei mienh, Ndaa^ni^en, maiv muangx meih yaac maiv muangx meih njiec mbuox hatc wuov diuh lingc. Ninh corc yietc hnoi daux gaux buo nzunc (y.13).” Mbuo maiv buatc hungh diex qiex jiex Ndaa^ni^en weic zuqc hungh zieqv duqv ninh zuqc wuov deix nduov ninh…

  29. 3. Hungh diex haiz liuz naaiv deix waac ninh nzauh haic, longc hnyouv lorz jauv njoux Ndaa^ni^en mv baac taux mba'hnoi muotv maiv haih daav maiv cuotv za'eix(y. 14).

  30. 4. Wuov guanh mienh ziouc lomh nzoih daaih lorz hungh diex yaac gorngv mbuox ninh, “Hungh diex aah! Meih hiuv duqv nyei. Mi^ndie Mienh caux Besie Mienh nyei lingc, da'faanh hungh diex nyei haaix diuh lingc fai leiz mborqv jienv hungh diex nyei yienx, maiv haih goiv yienc aqv (16) Hungh diex ziouc paaiv mienh. Ninh mbuo ziouc dorh Ndaa^ni^en daaih zoi bieqc sienh nyei kuotv. Hungh diex gorngv mbuox Ndaa^ni^en, “Tov meih nyei Tin-Hungh, dongh meih zanc-zanc fux-sux wuov dauh, njoux meih.” (ys.15-16).

  31. Setv Mueiz Waac: 1.Tin-Hungh taaih dongh taaih ninh nyei mienh. Tin-Hungh ziepc zuoqv bun ziepc zuoqv nyei mienh. Weic Ndaa^ni^en caux ninh nyei doic mbuo fux-sux Tin-Hungh, Tin-Hungh njoux ninh mbuo, goux ninh mbuo, ceix en ceix fuqv bun ninh ninh mbuo. Ziouv nyei mbuox yaac duqv njang-langc weic ninh mbuo nyei sienx fim.

  32. 2. Ih hnoi mbuo yaac buatc: “Mbuo siou dongh mbuo zuangx nyei”. Mbuo buatc nzorng Ndaa^ni^en nyei mienh lorz qiangx hoic ninh, mv baac daux nzuonx ninh mbuo ganh zuqc hoic. Ndaa^ni^en kaux Tin-Hungh njoux ninh cuotv dongh mienh daav za’eix hoic nyei sic…(6:28).

  33. 3. Tin-Hungh biux mengh ninh nyei qaqv caux hatc maaz yiem sienx ninh nyei mienh nyei maengc, yaac biux mengh ninh nyei hatc maaz bun maiv sienx ninh nyei mienh duqv buatc weic sienx nyei ziepc zuoqv taaih ninh. Maiv gunv hungh maiv sienx mv baac zieqv duqv gorngv Tin-Hungh se dongh ziangh jienv wuov dauh, zien wuov dauh (6:26).

  34. 4. Yiem lungh ndiev ih zanc maaih deic bung weic ninh mbuo sienx Yesu zuqc hoic kouv, weic ninh mbuo oix caux ninh mbuo Tin-Hungh daux gaux gorngv waac ninh mbuo zuqc hoic, zuqc mienh gox, zuqc mienh zoux doqc…bun mbuo mbenc jienv mbuo nyei maengc…deix baav ziangh hoc haih taux mbuo ganh nyei deic bung. Se gorngv mbuo zuqc buangh zuqc nor tov Tin-Hungh bun mbuo haih taaih ninh ginv muangx ninh nyei waac, ginv zoux horpc Tin-Hungh. Mbuo oix zuqc mbuoqc hungh jaa se gorngv hungh jaa nyei leiz maiv doix dekc Tin-Hungh nyei waac. Mv baac se gorngv doix dekc nor oix zuqc muangx Tin-Hungh. Bun mbuo kaux Tin-Hungh njoux mbuo (6:23).

More Related