Download
1 / 27
270 likes | 411 Views
Pawòl Lavi a. koze Kyara Libik. janvye 2009. “ Gen anpil manm, men gen yon sèl kò ” (1 Ko 12,20) ).
E N D
Pawòl Lavi a koze Kyara Libik janvye 2009
“ Gen anpil manm, men gen yon sèl kò ” (1 Ko 12,20))
Eske w te gentan wè yon kòminote kretyen tout bon vre kote gen anpil lavi? Eske w te patisipe nan yon reyinyon ansanm avèk yo? Eske w te reyisi wè kijan yap viv?
Si se konsa, ou te kapab wè genyen divès kapasite nan mitan yo: genyen ki konn pale epi ki konn separe bagay lespri yo kap rantre jous nan fen fon kè w.
gen ki konn ede moun, ki konn asiste, ki fè mèvèy pou jwenn sa moun kap soufri yo a bezwen. Gen moun ki konn bay lansèyman avèk anpil bon konprann dekwa pou ede lafwa w genyen grandi nan ou menm, gen ki konn òganize, ki konn gouvène, ki konn konprann moun ki bò kote yo epi ki konn konsole moun ki nan bezwen.
Wi, ou kapab fè esperyans tout bagay sa yo men sa kap touche w pi plis nan yon kòminote ki gen lavi konsa se menm kalite lespri kap plen tout moun epi sanble ou kapab santi l voltije anlè sosyete espesyal sa a pou l fè yo tout fè youn, fè yon sèl kò.
Pòl li menm, yon fason ki espesyal, te rankontre kòminote kretyen byen vivan ki te rive la pa lentèmedyè bon jan pawòl li a. Youn nan yo se te Korent kote Lespri a pa t chich nan bay li te bay kado li yo, yo rele favè espesyal yo. Okontrè, nan tan sa, yo te anpil poutèt vokasyon espesyal Legliz la te genyen lè li tap kòmanse viv la.
Men nan kòminote a, apre yo te fè esperyans pakèt kado Lesprisen an te fè yo, te genyen anpil konpetisyon ak desòd nan pami moun sa yo menm ki te resevwa yo.
Se poutèt sa yo te mande Pòl, ki te Efèz, pou l te ba yo limyè. Pòl pat pèdi tan epi li te reponn yo rapid nan yon lèt ki pa òdinè kijan yo ta dwe sèvi ak kado espesyal sa yo. Li esplike yo kijan genyen divès kalite kado, divès sèvis tankou apòt yo, pwofèt yo, mèt yo, men yo tout yo soti nan yon menm Granmèt.
Le di yo nan kòminote a genyen moun kap fè mirak, moun kap geri moun, moun kap ede moun yo yon fason ki espesyal, lòt kap gouvène, ki konn pale divès lang, moun ki konn esplike sa lòt yo vle di. Men tout kado sa yo soti nan yon sèl Bondye.
Depi se menm Lespri a kap bay divès favè sa yo an abondans, yo pa kapab pa an amoni youn ak lòt, yo pa ka youn pa konplete lòt.
Yo pa sèvi pou kontantman yon moun, yo pa ka sèvi pou moun yo vante pwòp tèt yo, pou yo pran pòz, men yo dwe sèvi yon bagay : bati kòminote a. Yo la pou yo sèvi moun yo. Sa vle di yo pa kapab pote konpetisyon oubyen dezòd.
Pòl, etan lap sonje kado espesyal ki pou kòminote a, li kwè chak moun genyen pwòp talan pa yo, yo kapab mete nan sèvis tout lòt yo epi chak moun ta dwe kontan pwòp talan pa yo.
Li konsidere kòminote a tankou yon kò epi li poze tèt li kesyon sa : Si tout kò a te yon grenn je, kote zòrèy la ta ye? Si tout kò a te yon zòrèy, kote nen an ta ye? Men Bondye te mete tout manm yo yon fason pou chak nan yo pran plas jan li te vle a. Si w te yon sèl grenn manm, kote kò a ta ye? Okontrè :
Si chak moun li pa menm ak lòt yo, chak nan yo kapab yon kado pou lòt epi konsa rete li menm menm etan lap reyalize sa Bondye vle nan men li pou lòt yo.Pòl wè nan yon kòminote kote tout kado Bondye yo mache byen ansanm yon bon jan reyalite li ba li yon nom ki bèl anpil: se Jezikri
Sèke kò sa, ki fèt avèk tout manm kòminote a, se Kò Jezikri li ye vre. Tout bon vre, Jezi kontinye viv nan Legliz la epi Legliz la se kò li.
Sèke nan batèm nan, Lesprisen an fè moun ki batize a rantre nan Kò Jezikri a epi se konsa tou li antre nan kòminote a. Kote sa a, tout moun se Jezikri yo ye, se konsa tout divisyon ale epi tout diferans lan disparèt.
Si kò a se yon sèl bagay li ye, manm kòminote kretyen yo reyalize byen nouvo fason pou yo viv etan yap viv nan tèt ansanm. Tèt ansanm sa sipoze varyete avèk dives fason pou moun yo fè. Kòminote pa sanble yon blok wòch men yon ògànis ki gen lavi avèk dives manm.Pou yon kretyen, pete goumen se fè kontrè sa li ta dwe.
Kijan wap viv nouvo Pawòl sa Labib la ofri w?Ou bezwen respekte tout fonksyonman, tout kado, tout talan ki nan kòminote kretyen yo.
Ou bezwen louvri kè w pou tout richès ki nan Legliz ki tout kote sou tè a. Pa sèlman pou ti Legliz kote w ye a epi wap konnen byen tankou pawas la, asosyasyon kote w ye a, mouvman wap paticipe ladann l, men Legliz sou tout fòm li kapab pran pou l pale ak moun yo.
Lè sa, menm jan wap konsidere epi wap proteje tout manm pwòp kò w, menm jan tou ou dwe fè pou tout manm ki nan kò Legliz la. Ou dwe konsidere tout moun epi fè tout sa w kapab pou yo itil Legliz la pi plis yo kapab. Ou bezwen santi w alèz ak tout bagay paske se nan sèl kò sa w ye.
(…) Menm lè tou, pinga w meprize sa Bondye mande w kote w ye a, menm si travay chak jou a kapab sanble toujou menm epi li pa gen anpil valè. Nou tout se nan menm kò nou ye epi, tankou manm, chak moun patisipe nan aktivite tout kò a etan lap kenbe plas Bondye te chwazi pou li.
Tankou Pol anonse a, sak pi konsekan se kado espesyal sa kap depase tout lòt yo, renmen an : renmen chak moun wap rankontre a, renmen tout moun ki sou tè a. Se avèk renmen an, nan youn renmen lòt, chak manm kapab fòme yon sèl kò. “Parola di Vita”, pubblicazione mensile del Movimento dei Focolari. Testo di: Chiara Lubich del gen. 1981 Grafica di Anna Lollo in collaborazione con don Placido D’Omina (Sicilia - Italia)
