A continuación, veremos as características máis importantes de catro grandes desertos do mundo.

2. A continuación, veremos as características máis importantes de catro grandes desertos do mundo. O deserto do Sáhara O deserto do Gobi O deserto do Namib O deserto de Australia Pica sobre cada nome para saber máis.

3. O deserto do Sáhara • Está localizado no norte e no centro de África e é moi cálido e moi seco. Ten zonas máis áridas, coma os salobrais ou os campos de dunas e zonas con máis humidade, coma os oasis e os desertos costeiros. • Entre a súa fauna destacan antílopes como o addax ou a gacela doncas, o raposo orelludo ou fenec, os jerbos, os escorpións, os saltóns… • A vexetación consta de escasas herbáceas estacionais e árbores dispersas coma as acacias, o tamarisco ou a palmeira datilera, que foi introducida polos árabes para dispoñer dos seus froitos. Volver ao menú inicial

4. O deserto do Gobi • Está situado entre o norte de China e o sur de Mongolia. A súa latitude e a súa orografía fan que teña un clima moi frío e seco, con varias rexións xeográficas e ecolóxicas, como a estepa e meseta de Ala Shan, o val dos lagos, a conca de Junggar e a cordilleira de Tian Shan. • Entre a súa fauna destacan o camelo, a gacela de rabo negro ou o turón veteado. Ocasionalmente, esta zona é visitada polo leopardo da neve, os osos pardos e os lobos. • A flora está composta por escasos arbustos e pastos estacionais semellantes aos das estepas. Volver ao menú inicial

5. O deserto do Namib • Esténdese ao longo da costa de Namibia e considérase o deserto máis antigo do mundo e o que ten as dunas máis altas. • A cor rubia das dunas débese ao alto contido en ferro das súas areas. • Divídese en dúas rexións climáticas: o norte, onde chove no verán; e o sur, onde as chuvias son máis escasas, pero aparecen en calquera época do ano. • O norte presenta ríos estacionais que serven de corredor para abundante fauna da sabana (antílopes, avestruces, elefantes, leóns, xirafas, etc.). Entre a flora destaca a Welwitchia, un arbusto que pode vivir moitos séculos. Volver ao menú inicial

6. O deserto de Australia • Localízase no centro e no oeste de Australia. • A maioría da súa fauna autóctona extinguiuse, debido á introdución de animais coma o dromedario, o coello ou o gato. Non obstante, aínda se encontran réptiles oriúndos coma a serpe branca e negra ou o dragón barbudo. • A súa vexetación, fundamentalmente herbácea está salpicada de árbores e arbustos coma a mulga, o sándalo, etc. Volver ao menú inicial