～～戀戀家鄉～～

1. ～～戀戀家鄉～～ 台東卑南溪口— 我的鳥仔類朋友 Tâi- tang Pi-lâm khe- kháu– Guá ê tsiáu-á-luī pîng-iú 寶桑國小六年級 黃亦柔、莊淳安 製作

2. 卑南溪口—(Pi-lâm Khe-kháu – ) 卑南溪佇台灣的東南部，是台東的第一大溪 ，是為著紀念卑南族的「大頭目」來號名的。 Pi-lâm-khe tī Tâi-uân ê tang-lâm-pōo, Sī Tâi- tang ê tē it tuā khe.Sī uī-tio̍h kì-liām Pi-lâm-tso̍k ê「大 頭目」lâi hō-miâ - - ê

3. 卑南溪口濕地的生物誠濟種，也就是 「候鳥 過境」歇睏的重要所在之一，其中就有我的 鳥仔類好朋友喔！ Pi-lâm khe-kháu ê sip-tē ê sing-bu̍t tsiânn-tsē- tsióng, Iā- tō-sī 「候鳥過境」hioh-khùn ê tiōng- iàu sóo-tsāi tsi-it.Kî-tiong tō-ū guá ê tsiáu-á-luī hó-pîng-iú- -ooh！

4. 白翎鷥(pe̍h-lîng-si) 我足佮意一首囡仔歌，主 角就是白翎鷥喔： 白翎鷥，捙畚箕，捙到溪 仔墘。 跋一倒，抾著兩仙錢。 一仙儉起來好過年，一仙 買餅送大姨。 Guá tsiok-kah-ì tsi̍t-siú gín-á-kua, tsú-kak tō-sī pe̍h-līng-si- -ooh： Pe̍h-lēng-si tshia pùn-ki,tshia kàu khe- á- kînn. Pua̍h-tsi̍t-tó, khioh-tio̍h nn̄g-sián tsînn. tsi̍t- sián khiām-khí-lâi hó kuè-nî, tsi̍t- sián bé- piánn sàng tuā-î

5. 白翎鷥是足愛清 氣的鳥仔類，in 定定共家己的白 粉滒佇鳥仔毛頂 懸，才袂用垃圾 去。 pe̍h-līng-si sī tsiok- ài tshing-khì ê tsiáu-á-luī,In tiānn- tiānn kā ka-kī ê pe̍h-hún kō-tī tsiáu-á- moo tíng- kuân, Tsiah-bē iōng -lah-sap khì.

6. 海徛仔（hái-khiā-á） 海徛仔，定定用一枝 跤徛，大部分生活佇 海灘，所以號做海徛 仔。是佇台灣寒天， 會定定看著的「候 鳥」。 Hái-khiā- á tiānn-tiānn iōng tsi̍t-ki-kha khiā, Tuā-pōo- hūn sing-ua̍h tī hái-thuann, Sóo-í hō-tsò 「hái-khiā- á」. Sī tī Tâi-uân kuânn-thinn, ē tiānn-tiānn khuànn-tio̍h ê 「候鳥」。

7. 若佇台灣七股地 區看著海徛仔， 就表示烏面抐桮 咧欲來囉!台東 卑南溪口嘛看會 着伊喔！ nā tī Tâi-uân Tshit- kóo tē-khu khuànn- tio̍h hái-khiā- á, tō piáu-sī oo-bīn-lā- pue teh-beh lâi- -loh! Tâi-tang Pi-lâm khe- kháu iā khuànn-ē- tio̍h in ooh!

8. 烏面抐桮（oo-bīn lā-pue ） 伊的喙扁扁長 長闊闊，親像 飯匙，佇咧揣 物件食的時， 會用喙佇水底 抐來抐去，所 以叫做「抐桮」 。 • I ê tshuì pínn-pínn • tn̂g-tn̂g khuah- • khuah,tshin- • tshiūnn pn̄g-sî, Tī- • leh tshuē mi̍h- • kiānn tsia̍h ê sî ,ē • iōng tshuì tī tsuí-té • lā- lâi- lā-khì, sóo-í • hō-tsò 「lā-pue」.

9. in佇東北亞生湠，寒天會向南飛去較溫暖的台灣過冬。大in佇東北亞生湠，寒天會向南飛去較溫暖的台灣過冬。大 部分會做伙活動，到隔轉年的三月底才飛轉去北方。佇卑 南溪口有時陣會看著零星的烏面抐桮，毌知影是毌是佮去 七股的伴走拍毋見去的呢? In tī Tang-pak-a senn-thuànn, kuânn-thinn ē ǹg-lâm pue-khì khah un-luán ê Tâi-uân kuè-tang. Tuā-pōo-hūn ē tsoh-hué ua̍h-tāng, kàu keh-tńg-nî tsiah pue- tńg- khì pak-hong. Tī Pi-lâm khe-kháu ū- sî-tsūn ē khuànn-tio̍h lân-san ê oo-bīn-lā-pue, m̄ tsai-iánn sī- m̄- sī kah khì tshit-kóo ê phuānn tsáu-phàng-kiàn- khì neh?

10. 暗公鳥（àm-kong-tsiáu） in是日時歇睏，暗時出現的「夜行性」鳥仔類，所以才號這個名，人類定定用「暗光鳥」來形容三更半暝猶未睏的人，我的阿母嘛定定按呢講我呢！ In sī ji̍t- sî hioh-khùn àm-sî tshut-hiàn ê 「夜行性」tsiáu-á-luī,sóo-í tsiah hō-tsò tsit- ê miâ. Jîn-luī tiānn-tiānn iōng 「àm-kong-tsiáu」lâi hîng-iông sann-kenn-puànn-mê iáu-buē-khùn ê lâng, Guá ê a-bú mā tiānn-tiānn án-ne kóng- guá neh!

11. in佇暗時出來揣 食的，定定發出 「刮-刮-」的聲 音，足大聲的喔! 有人會感覺誠吵， 毌過我袂呢! In tī àm-sî tshut-lâi tshuē tsia̍h- - ê, tiānn-tiānn huat- tshut 「kua-kua」- ê siann-im,tsiok tuā-siann- - ê- -ooh! Khó-lîng ū-lâng ē kám-kak tsiânn- tshá, m̄-koh guá bē- -neh!

12. 魚鷹（ hî-ing ） 看伊的喙佮爪遐邇 仔尖，就知影伊蓋 gâu拍獵矣！ Khuànn i ê tshuì kah jiáu hiah-nī-á tsiam, Tō tsai-iánn i kài-gâu phah-la̍h- -ah!

13. 近年來因為農藥使用過量，予魚鷹的卵殼漸漸變薄，歹孵近年來因為農藥使用過量，予魚鷹的卵殼漸漸變薄，歹孵 卵，所以咱更加愛保護魚鷹，若無，以後可能就看袂著飄 撇的 in佇天頂飛矣！ Kīn-nî-lâi in-uī lông-io̍h sú-iōng-kuè-liōng, Hōo hî-ing ê nn̄g- khak tsiām-tsiām piàn-po̍h, Pháinn pū-nn̄g. Sóo-í lán kìng-ka- ài pó-hōo hî-ing, nā-bô í-āu tō khuànn-bē-tio̍h phiau-phiat ê in tī thinn-tíng pue- -ah!

14. 雉雞（ thī-ke ） 這隻是公的，足媠- -乎！ Tsit-tsiah sī kang- - ê,Tsiok-suí- - honnh!

15. 母的雉雞較䆀，是為著 保護家己佮囝仔的偽裝 。雖然in會曉飛，毌過 ，in較愛用走的，若是 去予人逐，會當加速到 時速90公里喔!真緊呢! Bó- -ê thī-ke khah-bái sī uī-tio̍h pó-hōo ka-kī kah gín-á ê guī- tsng. Sui-jiân in ē-hiáu pue, m̄- koh,in khak-ài iōng tsáu- - ê, Nā-sī khì hōo-lâng jiok, ē-Tàng ka-sok kàu sî-sok 90 kong-lí- - ooh!tsin kín- -neh!

16. 躼跤仔（ lò-kha-á ） 「躼跤仔」的意思是 「跤腿足長」，閣因 為伊的跤腿又閣紅又 閣細細隻，嘛叫做 「紅腿娘」。 「Lò-kha- á」 ê ì-sù sī 「kha-thuí tsiok- tn̂g」,koh in-uī I ê kha-thuí iū-koh âng Iū-koh sè-sè-ki. mā kiò-tsò 「âng- thuí-niû」

17. in嘛是台灣普遍的「冬候鳥」。你看!伊的姿 勢真優雅呢! in mā- sī Tâi- uân phóo-phiàn- - ê「冬候鳥」, Lí- khuànn!I ê tsu-sè tsin iu-ngá neh!

18. 我的鳥仔類朋友真飄撇乎！ 歡迎來卑南溪口看in喔！ Guá ê tsiáu-á-luī pîng-iú tsin phiau-phiat-honnh! Huan-gîng lâi Pi-lâm-khe-káu khuànn-in- -ooh! 照片為本校蔡偉勛老師授權使用