Kū-iok Nî-hi-bí Tē saⁿ chiuⁿ

1. Pa-khek-lé Siu-tèng-pán Sèng-keng巴克禮修訂版聖經 Kū-iokNî-hi-bíTē saⁿ chiuⁿ 舊約 《尼希米》 第三章

2. Nî-hi-bí《尼希米》NehemiahTē saⁿ chiuⁿ 第三章Tē 1 chat 第一節 Hit-sî chè-si-thâu Í-lī-a-si̍t, kap i ê hiaⁿ-tī hiah ê chè-si, khí-lâi khí-chō iûⁿ-mn̂g, hun-piat i choè-sèng, an hit ê mn̂g-sìⁿ, chiū-sī kàu Hap-bí-a ê chiú-kiⁿ-lâu, iā kàu Hap-lâm-gia̍p ê chiú-kiⁿ-lâu, hun-piat choè-sèng.Hit時祭司頭Í-lī-a-si̍t，kap伊ê兄弟 hiah-ê祭司，起來起造羊門，分別伊 做聖，安hit-ê門扇，就是到Hap-bí-a ê 守更樓，也到Hap-lâm-gia̍p ê守更樓， 分別做聖。

3. Nî-hi-bí《尼希米》NehemiahTē saⁿ chiuⁿ 第三章Tē 2 chat 第二節 Chiap-soà i--ê, sī Iâ-lī-ko lâng khí-chō; chiap-soà i--ê, sī Im-lī ê kiáⁿ Sat-khek khí-chō.續接伊ê，是耶利哥人起造； 接續伊ê，是Im-lī ê kiáⁿ Sat-khek起造。

4. Nî-hi-bí《尼希米》NehemiahTē saⁿ chiuⁿ 第三章Tē 3 chat 第三節 Hap-se-ná hiah ê kiáⁿ khí-chō hî-mn̂g; hē i ê îⁿ, an i ê mn̂g-sìⁿ, kap i ê só, i ê kông.Hap-se-ná hiah-ê kiáⁿ起造魚門； hē伊ê楹，安伊ê門扇， kap伊ê鎖，伊ê栱。

5. Nî-hi-bí《尼希米》NehemiahTē saⁿ chiuⁿ 第三章Tē 4 chat 第四節 Chiap-soà i--ê, sī Hap-ko-su ê sun, O͘-lī-a ê kiáⁿ, Bí-lī-boa̍t siu-lí. Chiap-soà i--ê, sī Bí-sī-sat-pia̍t ê sun, Pí-lī-ka ê kiáⁿ, Bí-su-lân siu-lí. Chiap-soà i--ê, sī Pa-ná ê kiáⁿ Sat-tok siu-lí.續接伊ê，是Hap-ko-su ê孫，O͘-lī-a ê kiáⁿ，Bí-lī-boa̍t修理。續接伊ê，是 Bí-sī-sat-pia̍t ê孫，Pí-lī-ka ê kiáⁿ，Bí-su-lân修理。 續接伊ê，是Pa-ná ê kiáⁿ Sat-tok修理。

6. Nî-hi-bí《尼希米》NehemiahTē saⁿ chiuⁿ 第三章Tē 5 chat 第五節 Chiap-soà i--ê, sī Thê-ko-a lâng siu-lí; chóng-sī in ê kùi-cho̍k bô tam-tng in ê chú ê kang.續接伊ê，是Thê-ko-a人修理； 總是in ê貴族 無擔當in ê主ê工。

7. Nî-hi-bí《尼希米》NehemiahTē saⁿ chiuⁿ 第三章Tē 6 chat 第六節 Pa-se-a ê kiáⁿ Iâ-hô-iâ-tāi, kap Pí-só͘-tāi ê kiáⁿ Bí-su-lân, siu-lí kū-mn̂g, hē i ê îⁿ, an i ê mn̂g-sìⁿ, kap i ê só, i ê kông.Pa-se-a ê kiáⁿ Iâ-hô-iâ-tāi，kap Pí-só͘-tāi ê kiáⁿ Bí-su-lân，修理舊門，hē伊ê楹， 安伊ê門扇，kap伊ê鎖，伊ê栱。

8. Nî-hi-bí《尼希米》NehemiahTē saⁿ chiuⁿ 第三章Tē 7 chat 第七節 Chiap-soà i--ê, sī Ki-piàn lâng Bí-la̍h-thê, Bí-lûn lâng Ngá-tùn, kap Ki-piàn lâng, kap sio̍k Hô-goā ê chóng-tok só͘ koán ê Bí-su-pa lâng siu-lí.續接伊ê，是Ki-piàn人Bí-la̍h-thê， Bí-lûn人Ngá-tùn，kap Ki-piàn人， kap屬河外ê總督所管ê Bí-su-pa人修理。

9. Nî-hi-bí《尼希米》NehemiahTē saⁿ chiuⁿ 第三章Tē 8 chat 第八節 Chiap-soà i--ê, sī kim-chhiūⁿ Hap-hái-ngá ê kiáⁿ O͘-siat siu-lí. Chiap-soà i--ê, sī choè hiuⁿ-liāu ê Hap-ná-nî-ngá siu-lí; chiah ê lâng kian-kò͘ Iâ-lō͘-sat-léng, kàu khoah ê chhiûⁿ.續接伊ê，是金匠Hap-hái-ngá ê kiáⁿ O͘-siat修理。續接伊ê，是做 香料ê Hap-ná-nî-ngá修理；chiah-ê人 堅固耶路撒冷，夠闊ê牆。

10. Nî-hi-bí《尼希米》NehemiahTē saⁿ chiuⁿ 第三章Tē 9 chat 第九節 Chiap-soà i--ê, sī koán-lí Iâ-lō͘-sat-léng ê chi̍t-poàⁿ-ê, Hō͘-jíⁿ ê kiáⁿ Lī-hoat-ngá siu-lí.續接伊ê， 是管理耶路撒冷ê一半ê， Hō͘-jíⁿ ê kiáⁿ Lī-hoat-ngá修理。

11. Nî-hi-bí《尼希米》NehemiahTē saⁿ chiuⁿ 第三章Tē 10 chat 第十節 Chiap-soà i-ê, sī Hap-lō͘-boat ê kiáⁿ Iâ-tāi-ngá, tī ka-kī ê chhù tùi-bīn siu-lí. Chiap-soà i--ê, sī Hap-sa-nî ê kiáⁿ Hap-tu̍t siu-lí.續接伊ê，是Hap-lō͘-boat ê kiáⁿ Iâ-tāi-ngá，tī家己ê厝對面修理。 續接伊ê，是Hap-sa-nî ê kiáⁿ Hap-tu̍t修理。

12. Nî-hi-bí《尼希米》NehemiahTē saⁿ chiuⁿ 第三章Tē 11 chat 第十一節 Hap-lîm ê kiáⁿ Má-ki-ngá, kap Pa-hap-mô͘-ap ê kiáⁿ Hap-tu̍t, siu-lí chi̍t-toāⁿ, í-ki̍p hé-lô͘ ê lâu.Hap-lîm ê kiáⁿ Má-ki-ngá， kap Pa-hap-mô͘-ap ê kiáⁿ Hap-tu̍t， 修理一段，以及火爐ê樓。

13. Nî-hi-bí《尼希米》NehemiahTē saⁿ chiuⁿ 第三章Tē 12 chat 第十二節 chiap-soà i--ê, sī koán-lí Iâ-lō͘-sat-léng hit chi̍t-poàⁿ ê. Hap-lô-hek ê kiáⁿ Sa-liông, kap i hiah ê cha-bó͘-kiáⁿ siu-lí.續接伊ê，是管理耶路撒冷 hit一半ê。Hap-lô-hek ê kiáⁿ Sa-liông， kap伊hiah-ê cha-bó͘-kiáⁿ修理。

14. Nî-hi-bí《尼希米》NehemiahTē saⁿ chiuⁿ 第三章Tē 13 chat 第十三節 Hap-lùn kap Sat-lô-a khiā-khí ê peh-sìⁿ siu-lí soaⁿ-kok ê mn̂g, khí-chō i, an i ê mn̂g-sìⁿ, kap i ê só, i ê kông, í-ki̍p siâⁿ-chhiûⁿ chi̍t-chheng tiú, kàu pùn-sò ê mn̂g.Hap-lùn kap Sat-lô-a khiā起ê百姓修理 山谷ê門，起造伊，安伊ê門扇， kap伊ê鎖，伊ê栱，以及城牆 一千肘，到糞埽ê門。

15. Nî-hi-bí《尼希米》NehemiahTē saⁿ chiuⁿ 第三章Tē 14 chat 第十四節 Koán-lí Pek-hap-ki-lîm toē ê Lī-kah ê kiáⁿ Má-ki-ngá siu-lí pùn-sò mn̂g; khí-chō i, an i ê mn̂g-sìⁿ, kap i ê só, i ê kông.管理Pek-hap-ki-lîm地ê Lī-kah ê kiáⁿ Má-ki-ngá修理糞埽門；起造伊， 安伊ê門扇，kap伊ê鎖，伊ê栱。

16. Nî-hi-bí《尼希米》NehemiahTē saⁿ chiuⁿ 第三章Tē 15 chat 第十五節 Koán-lí Bí-su-pa toē--ê, Kok-hô-se ê kiáⁿ Sa-lûn, siu-lí chúi-choâⁿ ê mn̂g; khí-chō i, khàm i, an i ê mn̂g-sìⁿ, kap i ê só, i ê kông, í-ki̍p oá-kūn ông-hn̂g ê Se-lô-a tî ê chhiûⁿ, kàu hit-ê tùi Tāi-pi̍t siâⁿ lo̍h-lâi ê kiā-á.管理Bí-su-pa地ê，Kok-hô-se ê kiáⁿ Sa-lûn，修理水泉ê門；起造伊， 蓋伊，安伊ê門扇，kap伊ê鎖，伊ê栱， 以及oá近王園ê西羅亞池ê牆， 到hit-ê tùi大衛城落來ê崎á。

17. Nî-hi-bí《尼希米》NehemiahTē saⁿ chiuⁿ 第三章Tē 16 chat 第十六節 Chiap-soà i--ê sī koán-lí Pek-siok toē ê chi̍t-poàⁿ, Ap-pok ê kiáⁿ Nî-hi-bí siu-lí, kàu Tāi-pi̍t hûn-bōng ê tùi-bīn, koh kàu khui-hó ê tî, í-ki̍p ióng-sū ê chhù.續接伊ê是管理Pek-siok地ê 一半，Ap-pok ê kiáⁿ 尼希米修理， 到大衛墳墓ê對面，koh到 開好ê池，以及勇士ê厝。

18. Nî-hi-bí《尼希米》NehemiahTē saⁿ chiuⁿ 第三章Tē 17 chat 第十七節 Chiap-soà i--ê sī Lī-bī lâng Pa-nî ê kiáⁿ Lī-hông siu-lí. Chiap-soà i--ê sī koán-lí Ki-i-la̍h toē ê chi̍t-poàⁿ. Hap-sa-pí-ngá ūi i só͘ tī-lí ê toē lâi siu-lí.續接伊ê是利未人Pa-nî ê kiáⁿ Lī-hông修理。續接伊ê是管理 Ki-i-la̍h地ê一半。Hap-sa-pí-ngá 為伊 所治理ê地來修理。

19. Nî-hi-bí《尼希米》NehemiahTē saⁿ chiuⁿ 第三章Tē 18 chat 第十八節 Chiap-soà i--ê chiū-sī in ê hiaⁿ-tī, koán-lí Ki-i-la̍h toē hit chi̍t-poàⁿ, Hi-ná-ta̍t ê kiáⁿ Pa-oá-i siu-lí.續接伊ê就是in ê兄弟， 管理Ki-i-la̍h地hit一半， Hi-ná-ta̍t ê kiáⁿ Pa-oá-i修理。

20. Nî-hi-bí《尼希米》NehemiahTē saⁿ chiuⁿ 第三章Tē 19 chat 第十九節 Chiap-soà i--ê sī koán-lí Bí-su-pa--ê, Iâ-su-a ê kiáⁿ Í-siā siu-lí chi̍t-toāⁿ, chiū-sī tī chiūⁿ-khì kun-chong-ke̍k ê tùi-bīn oat-kak ê só͘-chāi.續接伊ê是管理Bí-su-pa-ê， Iâ-su-a ê kiáⁿ Í-siā修理一段， 就是tī上去軍裝局ê 對面oat角ê所在。

21. Nî-hi-bí《尼希米》NehemiahTē saⁿ chiuⁿ 第三章Tē 20 chat 第二十節 Chiap-soà i-ê sī Sat-pài ê kiáⁿ Pa-lio̍k, chīn-la̍t siu-lí chi̍t-toāⁿ, tùi oat-kak kàu chè-si-thâu Í-lī-a-si̍t chhù ê mn̂g.續接伊ê是Sat-pài ê kiáⁿ Pa-lio̍k， 盡力修理一段，tùi oat角到 祭司頭Í-lī-a-si̍t厝ê門。

22. Nî-hi-bí《尼希米》NehemiahTē saⁿ chiuⁿ 第三章Tē 21 chat 第二十一節 Chiap-soà i--ê sī Hap-ko-su ê sun O͘-lī-a ê kiáⁿ Bí-lī-boa̍t siu-lí chi̍t-toāⁿ, tùi I-lī-a-si̍t chhù ê mn̂g, kàu Í-lī-a-si̍t chhù ê chīn-thâu.續接伊ê是Hap-ko-su ê孫O͘-lī-a ê kiáⁿ Bí-lī-boa̍t修理一段，對Í-lī-a-si̍t 厝ê門，到Í-lī-a-si̍t厝ê盡頭。

23. Nî-hi-bí《尼希米》NehemiahTē saⁿ chiuⁿ 第三章Tē 22 chat 第二十二節 Chiap-soà i--ê sī tiàm tī pîⁿ-iûⁿ ê lâng hiah ê chè-si siu-lí i.續接伊ê是 tiàm tī平洋ê人 hiah-ê祭司修理伊。

24. Nî-hi-bí《尼希米》NehemiahTē saⁿ chiuⁿ 第三章Tē 23 chat 第二十三節 Chiap-soà i--ê sī Piān-ngá-bín kap Hap-su̍t tī i ê chhù ê tùi-bīn siu-lí. Chiap-soà i--ê sī A-lân-nî ê sun Má-se-ngá ê kiáⁿ A-sat-lī-ngá tī i ê chhù ê hū-kūn siu-lí.續接伊ê是便雅憫kap Hap-su̍t tī伊ê厝ê對面修理。續接伊ê是 A-lân-nî ê孫Má-se-ngá ê kiáⁿ A-sat-lī-ngá tī伊ê厝ê附近修理。

25. Nî-hi-bí《尼希米》NehemiahTē saⁿ chiuⁿ 第三章Tē 24 chat 第二十四節 Chiap-soà i--ê sī Hi-ná-ta̍t ê kiáⁿ Pin-loē siu-lí chi̍t-toāⁿ, tùi A-sat-lī-ngá ê chhù, kàu oat-kak, koh kàu siâⁿ-kak.續接伊ê是Hi-ná-ta̍t ê kiáⁿ Pin-loē 修理一段，tùi A-sat-lī-ngá ê厝， 到oat角，koh到城角。

26. Nî-hi-bí《尼希米》NehemiahTē saⁿ chiuⁿ 第三章Tē 25 chat 第二十五節 O͘-sài ê kiáⁿ Pa-la̍h tī oat-kak ê tùi-bīn, kap ông koâiⁿ ê chhù phòng chhut-lâi ê, oá-kūn hō͘-oē ê īⁿchiú-kiⁿ-lâu hit chi̍t-toāⁿ. Chiap-soà i--ê sī Pa-lio̍k ê kiáⁿ Pí-tāi-ngá siu-lí.O͘-sài ê kiáⁿ Pa-la̍h tī oat角ê對面， kap王高ê厝phòng出來ê 守更樓，oá近護衛ê院hit一段。 續接伊ê是Pa-lio̍k ê kiáⁿ Pí-tāi-ngá修理。

27. Nî-hi-bí《尼希米》NehemiahTē saⁿ chiuⁿ 第三章Tē 26 chat 第二十六節 (Nî-thê-lêng tiàm-tī Gô-húi-le̍k, kàu ǹg-tang chúi-mn̂g ê tùi-bīn, kap phòng chhut-lâi ê chiú-kiⁿ-lâu.)(Nî-thê-lêng tiàm-tī Gô-húi-le̍k， 到ǹg東水門ê對面，kap phòng出來ê守更樓。)

28. Nî-hi-bí《尼希米》NehemiahTē saⁿ chiuⁿ 第三章Tē 27 chat 第二十七節 Chiap-soà i--ê sī Thê-ko-a lâng koh siu-lí chi̍t-toāⁿ, tī hit ê phòng chhut-lâi ê toā-lâu tùi-bīn, kàu Gô-húi-le̍k ê chhiûⁿ.續接伊ê是Thê-ko-a人koh修理 一段，tī hit-ê phòng出來ê大樓 對面，到Gô-húi-le̍k ê牆。

29. Nî-hi-bí《尼希米》NehemiahTē saⁿ chiuⁿ 第三章Tē 28 chat 第二十八節 Tī Bé ê mn̂g ê téng-bīn, hiah ê chè-si ta̍k-ê tī i ê chhù ê tùi-bīn siu-lí.tī馬ê門ê頂面， hiah-ê祭司ta̍k-ê tī伊ê厝ê對面修理。

30. Nî-hi-bí《尼希米》NehemiahTē saⁿ chiuⁿ 第三章Tē 29 chat 第二十九節 Chiap-soà i--ê sī Im-be̍k ê kiáⁿ Sat-tok, tī ka-kī ê chhù ê tùi-bīn siu-lí. Chiap-soà i--ê sī kò͘-siú tang-mn̂g Si-ka-nî ê kiáⁿ Sī-má-ngá siu-lí.續接伊ê是Im-be̍k ê kiáⁿ Sat-tok， tī家己ê厝ê對面修理。 續接伊ê是顧守東門 Si-ka-nî ê kiáⁿ Sī-má-ngá修理。

31. Nî-hi-bí《尼希米》NehemiahTē saⁿ chiuⁿ 第三章Tē 30 chat 第三十節 Chiap-soà i--ê sī Sī-lī-bí-ngá ê kiáⁿ Hap-ná-nî-ngá, kap Sat-la̍h ê tē-la̍k kiáⁿ Hap-lùn, koh siu-lí chi̍t-toāⁿ. Chiap-soà i--ê sī Pí-lī-ka ê kiáⁿ Bí-su-lân, tī i ê pâng-keng ê tùi-bīn siu-lí.續接伊ê是Sī-lī-bí-ngá ê kiáⁿ Hap-ná-nî-ngá， kap撒拉ê第六kiáⁿ Hap-lùn，koh修理 一段。續接伊ê是Pí-lī-ka ê kiáⁿ Bí-su-lân，tī伊ê房間ê對面修理。

32. Nî-hi-bí《尼希米》NehemiahTē saⁿ chiuⁿ 第三章Tē 31 chat 第三十一節 Chiap-soà i--ê sī kim-kang Má-ki-ngá siu-lí kàu Nî-thê-lêng kap seng-lí lâng ê chhù, tī Hap-bí-hut-kah mn̂g ê tùi-bīn, kàu siâⁿ-kak ê lâu.續接伊ê是金工Má-ki-ngá修理 到Nî-thê-lêng kap seng-lí人ê厝， tī Hap-bí-hut-kah門ê對面， 到城角ê樓。

33. Nî-hi-bí《尼希米》NehemiahTē saⁿ chiuⁿ 第三章Tē 32 chat 第三十二節 Kim-kang kap seng-lí lâng siu-lí, tùi siâⁿ-kak ê lâu kàu Iûⁿ-mn̂g.金工kap seng-lí人修理， tùi城角ê樓到羊門。