ບົດທີ 16 ການອອກຈາກວຽກງານຫຼືການພົ້ນຈາກວຽກງານ

1. ບົດທີ 16ການອອກຈາກວຽກງານຫຼືການພົ້ນຈາກວຽກງານ ການໃຫ້ບຸກຄົນທີ່ເຮດວຽກງານບໍ່ໄດ້ຜົນຫຼືຂາດປະສິດທິພາບ, ຂາດການປັບປຸງຕົນເອງໃຫ້ພົ້ນອອກຈາກວຽກງານເປັນເລື່ອງທີ່ປົກກະຕິຊຶ່ງ ຢູ່ຫຼາຍປະເທດໄດ້ປະຕິບັດກັນມາແຕ່ສໍາລັບຢູ່ໃນສັງຄົມລາວພວກເຮົາເປັນ ເລື່ອງທີ່ປະຕິບັດໄດ້ຍາກໂດຍສະເພາະຢູ່ໃນຂົງເຂດພາກລັດຫຼື ພະນັກງານສັງກັດລັດ, ໃນພາກເອກະຊົນການໃຫ້ບຸກຄົນອອກຈາກງານ ປະຕິບັດໄດ້ບໍ່ຍາກຄືກັບພະນັກງານຢູ່ໃນຂົງເຂດພາກລັດ, ດ້ວຍເຫດນີ້ ພາລະອັນໜັກໜ່ວງໃນການບໍລິຫານຊັບພະຍາກອນມະນຸດຈຶ່ງຢູ່ທີ່ການຮັບ ຄົນເຂົ້າມາໃນເບື້ອງຕົ້ນຄືຕ້ອງແນ່ໃຈວ່າຈະຕ້ອງຄັດເລືອກໃຫ້ໄດ້ຄົນດີມີ ຄວາມຮູ້ຄວາມສາມາດທີ່ແນ່ນອນ.

2. 1. ຄວາມໝາຍຂອງການໃຫ້ພົ້ນຈາກງານ: ການໃຫ້ບຸກຄະລາກອນພົ້ນຈາກງານມີຫຼາຍວິທີດັ່ງນີ້: + ການອອກໂດຍຄວາມສະໝັກໃຈຂອງບຸກຄົນເອງ + ໃຫ້ອອກເພາະອົງກອນບໍ່ມີເງິນຈ້າງ + ອອກຕາມວາລະເມື່ອຄົບຕາມທີ່ສັນຍາຈ້າງຫຼືອອກເມື່ອຄົບກະສຽນ + ໃຫ້ອອກເພາະມີຄວາມຜິດ 2. ເປົ້າໝາຍທີ່ສໍາຄັນໃນການໃຫ້ບຸກຄົນພົ້ນອອກຈາກວຽກງານ: ການໃຫ້ບຸກຄົນພົ້ນອອກຈາກງານມີເປົ້າໝາຍຫຼາຍຢ່າງດັ່ງນີ້: + ເພື່ອຈັດຫຼືປັບປຸງຄົນທີ່ຂາດປະສິດທິພາບຫຼືເຮັດວຽກງານບໍ່ໄດ້. + ເພື່ອຈະໄດ້ປ່ຽນແປງນໍາເອົາຄົນລຸ້ນໃໝ່ເຂົ້າມາແທນທີ່ ເຮັດໃຫ້ອົງ ກອນມີຄົນງານທີ່ມີປະສິດທິພາບເພີ່ມຂຶ້ນ. + ເພື່ອຈັດໃຫ້ຄົນງານເຮັດວຽກງານໄດ້ກົງກັບຄວາມສາມາດເພາະ ໃນບາງກໍລະນີຄົນງານບາງຄົນບໍ່ເໝາະສົມກັບງານຈຶ່ງຕ້ອງໃຫ້ລາ ອອກໄປຫຼືໂອນໄປເຮັດວຽກງານຢູ່ໜ່ວຍງານອື່ນ.

3. + ເພື່ອສົ່ງເສີມຄວາມກ້າວໜ້າຕາມຄວາມສາມາດຂອງແຕ່ລະບຸກຄົນແທນທີ່ຄົນທີ່ອອກໄປ.+ ເພື່ອເສີມສ້າງຄວາມໝັ້ນຄົງໃຫ້ແກ່ໜ່ວຍງານແລະສົ່ງເສີມຄວາມສຸກຂອງຄົນງານ. 3. ທີ່ມາຂອງສາຍເຫດການອອກຈາກວຽກງານຂອງພະນັກງານ: ສິ່ງທີ່ຜູ້ບໍລິຫານຄວນຈະພິຈາລະນາສາຍເຫດການອອກຈາກວຽກງານຂອງ ພະນັກງານຈະຕ້ອງໄດ້ຄໍານຶງເຖິງປະກົດການທີ່ໄດ້ສະແດງອອກດັ່ງນີ້: + ສັງເກດເບິ່ງພຶດຕິກໍາທີ່ສະແດງອອກຂອງຄົນງານ. ( ມາການຊ້າ, ແຍກຕົວອອກຈາກກຸ່ມ, ບໍ່ປະຕິບັດງານຕາມທີ່ໄດ້ມອບໝາຍແລະ ອື່ນໆ ). + ຄ່າຈ້າງຫຼືຜົນປະໂຫຍດທີ່ຄົນງານໄດ້ຮັບ. + ໃນເມື່ອພະນັກງານຄົນໃດຫາກອອກຈາກວຽກງານຫຼືພົ້ນຈາກໜ້າທີ່ໄປ ແນ່ນອນຜູ້ບໍລິຫານຕ້ອງຫາທາງເພື່ອສໍາພາດຜູ້ນັ້ນເພື່ອໃຫ້ຮູ້ເຖິງຂໍ້ ຂັດຂ້ອງຫຼືຄວາມບົກຜ່ອງຂອງອົງກອນວ່າມີອັນໃດແດ່ ເພື່ອຈະໄດ້ມີ ທິດທາງນໍາໄປປັບປຸງແກ້ໄຂໃນຕໍ່ໜ້າໃຫ້ດີຂຶ້ນ.

4. 4. ຈຸດມຸ່ງໝາຍຂອງການລາອອກຈາກງານ: ການລາອອກຈາກງານມີເຫດຜົນດັ່ງນີ້: + ການລາອອກຈາກງານເພື່ອປະກອບອາຊີບອື່ນ + ການລາອອກຈາກງານເພື່ອອອກໄປເຮັດວຽກຢູ່ໃນໜ່ວຍງານອື່ນ + ການລາອອກຈາກງານເພື່ອພັກຜ່ອນຮັກສາສຸຂະພາບຮ່າງກາຍ + ການລາອອກຈາກງານເພື່ອສຶກສາຕໍ່ + ການລາອອກຈາກງານເພື່ອເປັນນັກບວດ + ການລາອອກຈາກງານເພື່ອເຫດຜົນສ່ວນຕົວ + ການລາອອກຈາກງານຍ້ອນຜູ້ບໍລິຫານຫຼືຜູ້ຈ້າງໃຊ້ອິດທິພົນບີບ ບັງຄັບຫຼືຂໍຮ້ອງໃຫ້ລາອອກ.

5. 5. ກໍລະນີໃນການໄລ່ອອກຈາກງານ: ການໄລ່ອອກຈາກງານເປັນການເລີກຈ້າງບຸກຄະລາກອນ ໃນກໍລະນີທີ່ບຸກຄະລາກອນໄດ້ກະທໍາຄວາມຜິດຕໍ່ລະບຽບວິໄນຢ່າງຮ້າຍແຮງຄືກໍລະນີດັ່ງນີ້: - ມີການສໍ້ໂກງຕໍ່ໜ້າທີ່ ຫຼືກະທໍາຄວາມຜິດທາງອາຍາໂດຍເຈດຕະ ນາໃຫ້ແກ່ຜູ້ຈ້າງ - ມີເຈຕະນາເຮັດໃຫ້ຜູ້ຈ້າງໄດ້ຮັບຄວາມເສຍຫາຍ. - ຝ່າຝືນຂໍ້ບັງຄັບ ຫຼືລະບຽບກ່ຽວກັບການເຮັດວຽກຫຼືຄໍາສັ່ງທີ່ຖືກ ຕາມລະບຽບຂອງນາຍຈ້າງ. - ປະລະໜ້າທີ່ເປັນເວລາຫຼາຍວັນຕິດຕໍ່ກັນໂດຍບໍ່ມີເຫດຜົນເທົ່າທີ່ ຄວນ. - ປະໝາດເລີ່ນເລີ້ເປັນສາຍເຫດໃຫ້ຜູ້ຈ້າງໄດ້ຮັບຄວາມເສຍຫາຍ ຢ່າງຮ້າຍແຮງ. - ໄດ້ຮັບໂທດຈໍາຄຸກຕາມຄໍາພິພາກສາເຖິງທີ່ສຸດໃຫ້ຈໍາຄຸກ.

6. 6. ການໃຫ້ຄ່າຕອບແທນແກ່ບຸກຄົນເມື່ອພົ້ນອອກຈາກວຽກງານ: ບຸກຄົນທີ່ເຮັດວຽກໃຫ້ແກ່ອົງກອນມາເປັນໄລຍະເວລາອັນດົນນານ ແລະໄດ້ສ້າງປະໂຫຍດໃຫ້ແກ່ອົງກອນຕະຫຼອດມາເມື່ອເຖິງເວລາທີ່ຕ້ອງອອກຈາກງານໄປ, ບໍ່ວ່າຈະລາອອກເອງ ຫຼື ອີງຕາມລະບຽບຂອງອົງກອນເຊັ່ນ: ມີອາຍຸກະສຽນທີ່ຄົບຕາມລະບຽບພັກບໍານານ, ເວົ້າສະເພາະຢູ່ໃນອົງກອນທີ່ມີຖານະໝັ້ນຄົງຈະມີການໃຫ້ຜົນຕອບແທນແກ່ພະນັກງານຂອງຕົນແຕກຕ່າງກັນໄປ. ເພື່ອເປັນເງິນລາງວັນຕອບແທນຄຸນງາມ ຄວາມດີໃຫ້ພະນັກງານ, ໃນລະບົບພະນັກງານສັງກັດລັດຈະມີການໃຫ້ເງິນບໍາເນັດ ແລະບໍານານ, ແຕ່ໃນພາກເອກະຊົນອາດຈະໃດໜຶ່ງການໃຫ້ເງິນບໍາເນັດ ຫຼືໃຫ້ເປັນເງິນສະສົມເທື່ອດຽວ, ຢູ່ໃນອົງກອນໃດ ຫຼື ບໍລິສັດໃດທີ່ສາມາດຈູງໃຈໃຫ້ບຸກຄະລາກອນເຮັດວຽກງານຢູ່ກັບອົງກອນຈົນເຖິງອາຍຸບໍານານສະແດງໃຫ້ເຫັນວ່າ ເປັນຄວາມສໍາເລັດໃນການຈ້າງງານຂອງຝ່າຍຊັບພະຍາກອນມະນຸດ ໃນອົງກອນທີ່ສາມາດສ້າງການຈູງໃຈໃຫ້ບຸກຄະລາກອນມີຄວາມຈົງຮັກພັກດີຕໍ່ອົງກອນ ແລະກໍ່ເປັນຄວາມມຸ້ງຫວັງອັນສູງສົ່ງຂອງອົງກອນທີ່ ຈະໃຫ້ພະນັກງານທຸກຄົນມີຄວາມຈົງຮັກພັກດີຕໍ່ອົງກອນຕະຫຼອດໄປ.

7. 6.1 ບໍາເນັດ ບໍານານຂອງພາກລັດ: ກ) ບໍາເນັດ: 1. ຄວາມໝາຍ : ບໍາເນັດ ໝາຍເຖິງ ເງິນຄ່າຕອບແທນຜົນງານຂອງພະນັກງານທີ່ໄດ້ປະກອບສ່ວນໃຫ້ກັບອົງກອນຈົນເຖິງມື້ອອກໂດຍຈ່າຍເປັນຄັ້ງດຽວ. 2. ເງື່ອນໄຂ ແລະສູດຄິດໄລ່ເງິນບໍາເນັດຂອງ ສປປ ລາວ ( ພາກລັດ ): - ໄດ້ຮັບເງິນເດືອນຕາມຊັ້ນຜູ້ກ່ຽວເພີ່ມໜຶ່ງເດືອນ. - ໄດ້ຮັບເງິນອຸດໜູນ 75% ຕາມຈໍານວນປີການຂອງຜູ້ກ່ຽວ. - ໄດ້ຮັບເງິນອຸດໜູນລູກຜູ້ບໍ່ທັນພົ້ນກະສຽນຜູ້ລະ 12 ເດືອນ (ຕາມຈໍາ ນວນລູກທີ່ເຄີຍຮັບຜ່ານມາ) ຕົວຢ່າງ: ທ່ານ (ກ) ເຂົ້າການເດືອນ 12 -1973 ອອກການເດືອນ 12/1993 ລວມອາຍຸການໄດ້ 20 ປີ, ເງິນເດືອນຕາມຊັ້ນເວລາອອກການ 500 000 ກີບ ແລະລູກບໍ່ທັນພົ້ນກະສຽນ 3 ຄົນ ຈະໄດ້ຮັບເງິນດັ່ງນີ້: • ເງິນເດືອນ 1 ເດືອນຕາມຊັ້ນ = 500 000 ກີບ = ອາຍຸການ 20 ປີ x 500 000 ກີບ x 75% = 7 500 000 ກີບ

8. ລູກ 3 ຄົນ x 18 000 ກີບ = 680 000 ກີບ ດັ່ງນັ້ນ, ທ່ານ (ກ) ແລະລູກ 3 ຄົນ ຈະໄດ້ຮັບເງິນອຸດໜູນທັງໝົດ: 500 000 ກີບ + 7 500 000 ກີບ + 680 000 ກີບ = 8 648 000 ກີບ 3. ສູດຄິດໄລ່ເງິນບໍາເນັດຂອງປະເທດໄທ: ບໍາເນັດ = ເງິນເດືອນສຸດທ້າຍ x ປີການ ຂ) ບໍານານ: 1. ຄວາມໝາຍ: ບໍານານໝາຍເຖິງ ເງິນຄ່າຕອບແທນຄຸນງາມຄວາມດີຂອງ ພະນັກງານທີ່ໄດ້ປະກອບ ສ່ວນໃຫ້ກັບອົງກອນ ແລະມີອາຍຸການບໍ່ຕໍ່າກວ່າ 25 ປີ ຂຶ້ນໄປ, ຈ່າຍໃຫ້ເປັນລາຍເດືອນຕະຫຼອດຊີວິດ. 2. ສູດຄິດໄລ່ເງິນບໍານານ: 2.1 ສູດຂອງສປປ ລາວ:

9. ຂັ້ນຕອນທີ 1: ອຸດໜູນເທື່ອທໍາອິດກ່ອນອອກບໍານານປົກກະຕິ, ການຄິດໄລ່ຕົວຈິງຄື: ເງິນເດືອນ ເດືອນສຸດທ້າຍປີການ 500 000 x 15% X 25 + ເງິນເດືອນ ເດືອນສຸດທ້າຍຕື່ມ 1 ເດືອນ ເງິນອຸດໜູນເທື່ອທໍາອິດ = 2 375 000 ກີບ ຂັ້ນຕອນທີ 2: ເງິນເດືອນ ເດືອນສຸດທ້າຍ 500 000 ກີບ x 90% = 450 000 ກີບ 100

10. ເງື່ອນໄຂ: + ອາຍຸການຕ້ອງ 25 ປີຂຶ້ນໄປ, ຖ້າອາຍຸກະສຽນບໍ່ຮອດ 60 ປີສໍາລັບຜູ້ຊາຍແລະ 55 ສໍາລັບຜູ້ຍິງແຕ່ອາຍຸການເຖິງແລ້ວຈະເພີ່ມ 1% ຕໍ່ປີຈົນຮອດອາຍຸກະສຽນຕາມລະບຽບການແຕ່ບໍ່ໃຫ້ກາຍ 90%. + ພະນັກງານເຮັດການແຕ່ປີ 1955 – 1975 ສໍາລັບເພດຊາຍກໍານົດໃຫ້ອອກບໍານານອາຍຸ 55 ປີແລະເພດຍິງ 50 ປີ = 90%. + ພະນັກງານແຕ່ປີ 1975 ຈົນຮອດປະຈຸບັນສໍາລັບເພດຊາຍໃຫ້ອອກບໍານານອາຍຸ 60 ປີແລະເພດຍິງອາຍຸ 55 ປີ = 90%. 2.2 ສູດບໍານານຂອງປະເທດໄທ: ກໍລະນີທີ 1: ບໍານານ = ເງິນເດືອນເດືອນສູດທ້າຍ x ປີການ 50 ( ປີການບໍ່ຕໍ່າກວ່າ 25 ປີ ) ກໍລະນີທີ 2: ບໍານານ = ເງິນເດືອນເດືອນສູດທ້າຍ x ປີການ 55 ( ປີການບໍ່ຕໍ່າກວ່າ 15 ປີ )

11. ທິດສະດີລະບົບໃນການບໍລິຫານຊັບພະຍາກອນມະນຸດທິດສະດີລະບົບໃນການບໍລິຫານຊັບພະຍາກອນມະນຸດ III I II ປັດໄຈນໍາອອກ (ຜົນໄດ້ຮັບສຸດທ້າຍຂອງHRM) ປັດໄຈນໍາເຂົ້າ ( ຈຸດລິເລີ່ມໃນວຽກງານ HRM) ຂະບວນການຂອງວຽກງານ HRM • ຄວາມສາມາດຂອພະນັກງານທີ່ສ້າງອອກມາມີຄຸນນະພາບດີ-ເກັ່ງຫຼືບໍ່? • ພະນັກງານມີຄວາມເພິ່ງພໍໃຈບໍ່​? • ຜົນຜະລິດມີປະສິດຕິພາບ-ປະສິດຕິຜົນບໍ່? • ຖ້າຜົນໄດ້ຮັບສຸດທ້າຍບໍ່ດີສະແດງວ່າຂັ້ນຕອນ 1 ແລະ 2 ບໍ່ດີເຊັ່ນ: ການຊອກຫາ, ຄັດເລືອກ, ຝຶກອົບຮົມພັດທະນາແລະຊີ້ນໍານໍາພາບໍ່ດີ • - ການວາງແຜນ • ການຊອກຫາ • ການຄັດເລືອກ • ການບັນຈຸ • - ການໃຫ້ຄໍາແນະນໍາກ່ອນ • ການຝຶກອົບຮົມ • ການໃຫ້ຄ່າຕອບແທນ • ການພັດທະນາ • ການໃຫ້ຄໍາປຶກສາ ຂໍ້ມູນຢ້ອນກັບ (ປັບປຸງຄືນໃໝ່)