Evalwazzjoni tar-riskju – is-soluzzjoni għal postijiet tax-xogħol siguri

1. Evalwazzjoni tar-riskju – is-soluzzjoni għal postijiet tax-xogħol siguri Kampanja Ewropea dwar l-evalwazzjoni tar-riskju

2. L-għan tal-preżentazzjoni • Biex ngħinu lill-intrapriżi, speċjalment lill-intrapriżi żgħar u ta’ daqs medju jifhmu l-proċess ta’ l-evalwazzjoni tar-riskju (RA) u l-importanza tiegħu. • Biex nipprovdu strument li jippermettilhom iwettqu RA huma stess. • Biex nipprovdu aċċess għal sorsi importanti ta’ informazzjoni.

3. Il-Liġi – Evalwazzjoni tar-Riskju • Min iħaddem għandu dmir ġenerali sabiex jassigura s-saħħa u s-sigurtà tal-ħaddiema f’kull aspett relatat max-xogħol. • L-RA tippermetti lil min iħaddem sabiex idaħħal fis-seħħ il-miżuri neċessarji sabiex jipproteġi s-saħħa u s-sigurta tal-ħaddiema tiegħu. • Skond il-liġi dwar is-saħħa u s-sigurtà, il-ħaddiema kollha jridu jwettqu RA regolari (DirettivaQafas 89/391, implimentata fil-liġi nazzjonali). • Din il-preżentazzjoni hija bbażata fuq il-prinċipji gwida dwar l-RA (inti għandek tfittex kjarifika tal-leġiżlazzjoni nazzjonali speċifika li tista’ tapplika għalik).

4. X’inhi evalwazzjoni tar-riskju? • L-RA hija l-proċess ta’ valutazzjoni tar-riskji għas-saħħa u s-sigurtà minn perikli fuq il-post tax-xogħol. Hija eżaminazzjoni sistematika ta’ l-aspetti kollha tax-xogħol li tikkunsidra: • X’jista’ jikkawża korriment jew ħsara • X’inhuma l-perikli li jistgħu jiġu eliminati u, jekk le, • X’miżuri preventivi jew protettivi jeħtieġu li jkunu fis-seħħ sabiex ir-riskji jiġu kkontrollati. • RA hija l-bażi tal-maniġment ta’ suċċess tas-saħħa u s-sigurtà u hija s-soluzzjoni sabiex jitnaqqsu l-aċċidenti u l-mard relatati max-xogħol.

5. Tfakkira:perikli u riskji • Periklu jista’ jkun kollox – kemm jekk materjal tax-xogħol, apparat, metodi ta’ ħidma jew prattiċi – li għandu l-potenzjal li jikkawża l-ħsara. • Riskju huwa l-possibilità, kbira jew żgħira, li xi ħadd jista’ jweġġa’ minħabba l-periklu.

6. Min iwettaq l-RA? • Il-persuna li twettaq l-RA tista’ tkun: • Persuna li taħdem għal rasha • Impjegat magħżul minn min iħaddem • Assessur estern jew fornitur li joffri s-servizz, JEKK hemm nuqqas ta’ personal kompetenti fuq il-post tax-xogħol • L-assessur(i) għandu jiġi pprovdut (għandhom jiġu pprovduti) bl-informazzjoni, taħriġ, riżorsi, ħin u appoġġ neċessarju. • Irrispettivament minn min jagħmel l-RA, huwa min iħaddem li fl-aħħar mill-aħħar huwa responsabbli għall-Evalwazzjoni.

7. Kif tagħmel RA? Hemm żewġ prinċipji li wieħed dejjem għandu jżomm f’moħħu meta jkun sejjer jagħmel RA: • L-RA għandha tkun strutturata sabiex jiġi assigurat li l-perikli u r-riskji relevanti kollha jiġu indirizzati (eż. li xogħolijiet sekondarji, bħat-tindif, ma jiġux injorati). • Meta jiġi identifikat riskju, RA għandhatibda mill-ewwel prinċipji, billi ssaqsi jekk ir-riskju jistax jiġi eliminat.

8. Approċċ ta’ Ħames Passi għall-RA Ħafna organizzazzjonijiet, kull ma jkollhom bżonn huwa approċċ ta’ ħames passi għall-RA: Il-RA għandha ssir bl-invoviment attiv ta’ l-impjegati Hemm metodi oħra li jaħdmu daqstant tajjeb, b’mod partikolari għal riskji u ċirkostanzi aktar kumplessi.

9. Pass nru 1: Identifika l-perikli u dawk li qegħdin f’riskju (1) Pariri sabiex jgħinuk tidentifika perikli importanti jinkludu: • Imxi mal-post tax-xogħol u ara x’jista’ jikkawża l-ħsara. • Ikkonsulta lill-ħaddiema u/jew lir-rappreżentanti tagħhom dwar il-problemi li jkunu ltaqgħu magħhom. • Ikkunsidra perikli fit-tul għas-saħħa (livelli għoljin ta’ storbju jew espożizzjoni għal sustanzi perikolużi) u tikkunsidrax biss perikli ovvji jew immedjati. • Ara r-rekords ta’ aċċidenti u ta’ saħħa ħażina tal-kumpanija. • Fittex informazzjoni minn sorsi oħra bħal: • Manwali ta’ istruzzjoni jew folji ta’ dejta tal-manifatturi u tal-fornituri • Websajts dwar is-saħħa u s-sigurtà fuq il-post tax-xogħol • Rekords ta’ rekwiżiti legali u rekwiżiti oħra relatati mal-post tax-xogħol.

10. Eżempju ta’ għodda utli sabiex jiġu identifikati l-perikli: lista ta’ kontroll

11. Pass nru 1: Identifikal-perikliu dawk li qegħdin f’riskju (2) • Għal kull periklu huwa importanti li tkun taf • Min/liema huma l-gruppi ta’ persuni li tista’ ssirilhom ħsara: dan jista’ jgħin sabiex tidentifika l-aħjar mod kif tamministra r-riskju • Kif dawn il-persuni jinteraġġixxu mal-periklu (eż. permezz ta’ espożizzjoni diretta jew indiretta) • Kif tista’ ssirilhom il-ħsara, eż. x’tip ta’ korriment jew mard jista’ jseħħ • Għanda tingħata attenzjoni partikolari lil kwistjonijiet ta’ sess u lill-gruppi ta’ ħaddiema li jistgħu jkunu f’riskju akbar jew li għandhom rekwiżiti partikolari: • Personal b’diżabilità • Ħaddiema żgħar u kbar fl-età • Nisa li se jkollhom tarbija u l-ommijiet li qegħdin ireddgħu • Staff mingħajr taħriġ jew mingħajr esperjenza (eż. impjegati ġodda, ħaddiema temporanji u ħaddiema staġjonali)

12. Pass nru 2: Evalwa u qiegħed ir-riskji f’ordni ta’ prijorità • Sabiex tiddeċiedi jekk ir-riskju huwiex żgħir, medju jew għoli, ikkunsidra: • Kemm huwa probabbli li periklu jikkawża ħsara • Kemm huwa probabbli li dak il-periklu jkun serju • Kemm jistgħu jiġu esposti spiss il-ħaddiema (u kemm ħaddiema jiġu esposti). • Għandu jkun biżżejjed proċess sempliċi bbażat fuq il-ġudizzju u li ma jeħtieġ l-ebda kapaċità speċjalizzata jew teknika komplikata: • Attivitajiet b’perikli ta’ ftit tħassib • Postijiet tax-xogħol fejn ir-riskji huma magħrufa sew jew identifikati faċilment u fejn hemm mezzi ta’ kontrolldisponibbli • Fil-każ ta’ perikli jew attivitajiet aktar kumplessi, jista’ jkun neċessarju għarfien professjonali, sostenn u konsulenza.

13. Pass nru 3: Iddeċiedi fuq azzjonijiet preventivi Meta tkun qiegħed tiddeċiedi fuq il-miżuri preventivi u protettivi li għandek iddaħħal fis-seħħ huwa neċessarju li tikkunsidra: • Jekk huwiex possibbli li tneħħi (telimina) r-riskju, u jekk le: • Kif ir-riskji jistgħu jiġu mminimizzati jew ikkontrollati sabiex ma jikkompromettux is-saħħa u s-sigurtà ta’ dawk esposti. Dan jista’ jsir billi: • Tiġġieled ir-riskju hekk kif dan jinqala’ • Taddatta x-xogħol għall-individwu • Taddatta għall-progress tekniku u għall-iskambju ta’ informazzjoni • Tissostitwixxi dak li huwa perikluż b’dak li mhuwiex perikluż / anqas perikluż • Tapplika miżuri organizzattivi jew protettivi kollettivi minflok miżuri protettivi individwali (li huma l-aħħar soluzzjoni) • Tagħi istruzzjonijiet u informazzjoni xierqa lill-ħaddiema.

14. Pass nru 4: Ħu azzjoni • Daħħal fis-seħħ il-miżuri preventivi u protettivi. • L-implimentazzjoni effettiva tinvolvi l-iżvilupp ta’ pjan li jispeċifika: • Min jagħmel x’hiex • Meta xogħol għandu jitlesta • Il-mezzi allokati sabiex il-miżuri jiġu implimentati.

15. Pass nru 5: Agħmel monitoraġġ u reviżjoni • L-effettività tal-miżuri preventivi implimentati għandha tiġi mmontorjata. • L-evalwazzjoni għandha tiġi kkunsidrata mill-ġdid u għandha tiġi riveduta kif meħtieġ, inkluż: • Kull meta jseħħu bidliet sinjifikanti fl-organizzazzjoni • Bħala riżultat tas-sejbiet ta’ investigazzjoni ta’ aċċident jew inċident • F’każijiet meta l-miżuri preventivi fis-seħħ ma jkunux biżżejjed jew ma jibqgħux adegwati • Sabiex jiġi assigurat li s-sejbiet ta’ l-RA għadhom relevanti.

16. Żomm l-Evalwazzjoni f’Reġistru (1) • L-RA għandha tinżamm f’reġistru. • Dan ir-reġistru jista’ jintuża bħala bażi sabiex: • Tingħata informazzjoni lill-persuni konċernati • Jiġi evalwat jekk il-miżuri neċessarji jkunux ġew introdotti • Jingħataw provi lill-awtoritajiet ta’ sorveljanza • Jiġi riveduti l-miżuri jekk iċ-ċirkostanzi jinbidlu.

17. Żomm l-Evalwazzjoni f’Reġistru (2) Huwa rakkomandat li għallinqas tinżamm reġistrazzjoni tad-dettalji li ġejjin: • L-isem u l-kariga tal-persuna(i) li twettaq l-eżaminazzjoni • Identifikazzjoni tal-perikli u tar-riskji • Il-gruppi ta’ ħaddiema li qegħdin jiffaċċjaw riskji partikolari • Stima/evalwazzjoni tar-riskji • Il-miżuri preventivi u protettivi neċessarji • Dettalji ta’ l-introduzzjoni tal-miżuri (min jagħmel x’hiex u meta) • Dettalji ta’ l-involviment tal-ħaddiema u tar-rappreżentanti tagħhom fil-proċess ta’ l-RA.

18. Ir-responsabbiltajiet ta’ min iħaddem Min iħaddem għandu obbligu li: • Jorganizza l-RA • Jagħżel lill-persuna(i) u jassigura li hija (huma) kompetenti • Jevalwa r-riskji u jimplimenta l-miżuri protettivi • Jinvolvi lill-ħaddiema fil-proċess ta’ l-RA • Jikkonsulta lill-ħaddiema jew lir-rappreżentanti tagħhom dwar l-organizzazzjoni ta’ l-RA, u lill-persuni li jwettqu l-RA u jimplimenta l-miżuri preventivi • Ikun fil-pussess ta’ evalwazzjoni tar-riskju • Jabbozza rekords ta’ l-RA, wara li jkun ikkonsulta lill-ħaddiema u/jew lir-rappreżentanti tagħhom, jew saħansitra jinvolvihom fix-xogħol, u jagħmel ir-reġistri disponibbli lilhom • Jassigura li l-persuni kollha affettwati huma informati bi kwalunkwe periklu ta’ kwalunkwe ħsara li jistgħu jkunu f’riskju għalih u bil-miżuri protettivi kollha meħudin sabiex dan il-periklu jiġi evitat.

19. Id-drittijiet u r-responsabbiltajiet tal-ħaddiema Il-ħaddiema u/jew ir-rappreżentanti tagħhom għandhom id-dritt/l-obbligu li: • Ikunu ikkonsultati fuq arranġamenti għall-organizzazzjoni ta’ l-RA u għall-ħatra ta’ dawk li li qegħdin jagħmlu dan ix-xogħol • Jipparteċipaw fl-RA • Javżaw lis-superviżuri tagħhom jew lil min iħaddimhom bir-riskji perċepiti • Jirrapportaw kwalunkwe bidla fil-post tax-xogħol • Jiġu infurmati bir-riskji għas-saħħa u s-sigurtà u bil-miżuri neċessarji sabiex dawn ir-riskji jiġu eliminati jew imnaqqsa • Jitolbu lil min iħaddem sabiex idaħħal fis-seħħ miżuri adatti u sabiex jissottometti proposti sabiex inaqqas kemm jista’ jkun il-perikli jew sabiex inaqqas il-perikli hekk kif dawn jinqalgħu • Jikkooperaw sabiex jippermettu lil min iħaddem sabiex jassigura li l-ambjent tax-xogħol ikun wieħed sigur • Jieħdu ħsieb tas-saħħa u s-sigurtà tagħhom u ta’ persuni oħra affettwati mill-azzjonijiet tagħhom.

20. Fejn għandek tmur għall-għajnuna Fuq il-websajt ta’ l-Aġenzija hemm ħafna informazzjoni u gwida disponibbli sabiex tgħinek : • Informazzjoni dwar il-kampanja ta’ l-RA • kif tinvolvi ruħek • materjal għall-kampanja: http://hw.osha.europa.eu • Taqsima tal-Web ta’ l-RA aktar dettaljata li tinkludi: • İnformazzjoni dwar l-RA • eżempji dwar prattika tajba minn madwar l-Ewropa • għodda prattika: gwidi, listi għall-iċċekkjar etc: http://osha.europa.eu/topics/riskassessment

21. http://hw.osha.europa.eu Tajjeb għalik. Tajjeb għall-kumpanija Kampanja Ewropea dwar l-evalwazzjoni tar-riskju