330 likes | 548 Views
Rómarveldi á keisaraöld. Rómverskur hellenismi 27 f. Kr. – 395 e. Kr. Keisaraöld hefst. Algengast er að telja keisaraöld í Róm frá árinu 27 f. Kr. en það ár þáði Oktavíanus heiðurstitilinn Ágústus af hendi öldungaráðsins og varð í raun einvaldur heimsveldisins
E N D
Rómarveldi á keisaraöld Rómverskur hellenismi 27 f. Kr. – 395 e. Kr.
Keisaraöld hefst • Algengast er að telja keisaraöld í Róm frá árinu 27 f. Kr. en það ár þáði Oktavíanus heiðurstitilinn Ágústus af hendi öldungaráðsins og varð í raun einvaldur heimsveldisins • Að forminu til var keisarinn aðeins fremstur meðal jafningja en í valdatíð Ágústusar voru valdi hans fá takmörk sett • Með keisaraöldinni hefst einnig Rómarfriðurinn (pax Romana, pax Augusta) en hann stóð í um 200 ár Valdimar Stefánsson 2006
Keisarinn gefur tóninn • Ágústus ríkti til ársins 14 e. Kr. og lyfti mjög undir hvers kyns menningarstarfsemi í ríkinu • Helsti ráðgjafi hans í þeim efnum var Maecenas (d. 8 f. Kr.) sem naut ómældrar virðingar í listaheimi þess tíma • Þau skáld sem næst stóðu keisaranum voru jafnan vel menntuð en það merkti að vera vel að sér í grískri menningu Valdimar Stefánsson 2006
Bókmenntir • Ágústus var einlægur aðdáandi fagurra bókmennta og mest þeirra sem hann taldi fela í sér uppbyggilegan siðaboðskap • Þessi smekkur stýrði síðan skáldunum er þau sömdu eða ortu; jafnan honum til heiðurs • Tryggð keisarans við arfleifð forfeðranna róaði íhaldsama lýðveldissinna en þeir voru fjölmargir í efstu stéttum samfélagsins Valdimar Stefánsson 2006
Bókmenntir: Virgill • Virgill (70 –19 f. Kr.), eitt nafnkunnasta skáld Rómverja, var eitt hirðskálda Ágústusar • Höfuðverk hans, söguljóðið Eneasarkviða, hefur það að markmiði að hefja uppruna og sögu Rómar upp í hæsta veldi • Önnur helstu verk hans eru ekki síður í rómverskum anda, Búnaðarbálkur og Hjarðljóð, þar sem einfalt sveitalífið er vegsamað Valdimar Stefánsson 2006
Bókmenntir: Hóras • Kímni og velvilji þykja einkenna ljóð Hórasar (65 – 8 f. Kr.) og yrkisefnin eru gjarnan sígild áhugamál lífsglaðra manna; ástir, vín og lífið sjálft • Hann er ekki síður þekktur fyrir fræðiritið Skáldskaparlistin (Ars poetica) en þar leiðbeinir hann verðandi skáldum um notkun tungumálsins • Ekki eru til neinar grískar fyrirmyndir að Ljóðabréfum (Epistulae) hans sem undirstrikar enn frekar frumlega sköpunargáfu hans Valdimar Stefánsson 2006
Bókmenntir: Óvíd • Skáldið Óvíd (43 f. Kr. – 17 e. Kr) naut vináttu Hórasar og hylli samtímans en ekki keisarans sökum þess að kveðskapur hans þótti alvarleg ögrun við siðprýðistefnu Ágústusar • Ástarmál og samskipti kynjanna eru skoðuð frá fjölmörgum hliðum í verkum hans og ekki síst í Ástarlistinni (Ars amatoria) • Þekktasta verk hans á síðari tímum er þó án efa söguljóðið Umbreytingarnar (Metamorphoses) Valdimar Stefánsson 2006
Bókmenntir: Júvenalis • Júvenalis sem uppi var á 2. öld e. Kr. er einn þekktasti satíruhöfundur Rómverja, en satíran er eitt frumlegasta framlag þeirra til heimsbókmenntanna • Satíran gengur út á að afhjúpa lesti mannanna; hræsni og spillingu samtíðarinnar • Júvenalis samdi beittar háðsádeilur og vandaði konum sérstaklega ekki kveðjurnar; taldi græðgi verst allra lasta en hjartagæsku mat hann mest Valdimar Stefánsson 2006
Skáldsögur • Vitað er að skáldsögur voru ritaðar á keisaratímanum en fáar þeirra hafa varðveist • Nokkrir kaflar eru til úr Satyricon eftir Petróníus (d. um 65 e. Kr.) en þar er að finna krassandi lýsingar á svallveislum • Myndbreytingar (Metaporphoses) sem einnig er nefnd Gullasninn eftir Apúleius (2. öld e. Kr.) er elsta latneska skáldsagan sem varðveist hefur Valdimar Stefánsson 2006
Sagnaritun • Sagnaritun Rómverja þjónaði hagnýtum tilgangi eins og flest það sem þeir tóku sér fyrir hendur og var meginmarkmiðið að vekja með lesendum ættjarðarást og virðingu fyrir rómverskum gildum • Origenes, rit Katós gamla (234 – 149 f. Kr.) um sögu Rómar frá elstu tíð markar þáttaskil sem fyrsta verk sinnar tegundar er ritað var á latínu en fram að því höfðu sagnaritarar ritað á grísku • Títus Livíus (59 f. Kr. – 17 e. Kr.) ritaði einnig um sögu Rómar og eru bæði þessi rit mikilvægar heimildir um þær arfsagnir sem viðteknar voru um stofnun borgarinnar Valdimar Stefánsson 2006
Sagnaritun: Sallústíus • Sallústíus (d. um 35 f. Kr.) leitaði fyrirmynda hjá Þúkýdídes og Kató gamla • Hann var virkur í stjórnmálalífi samtíðar sinnar og skrifaði af mikilli sannfæringu um hin ýmsu þjóðfélagsmál • Sagnaritun hans hefur frá fyrstu tíð vakið blendin viðbrögð og þykja skýringar hans og orsakagreiningar harla yfirborðskenndar auk þess sem staðreyndavillur leynast víða í verkum hans Valdimar Stefánsson 2006
Sagnaritun: Tacitus • Tacitus (f. um 56 e. Kr.), þekktasti sagnaritari Rómverja, var afkastamikill höfundur og fjallaði einkum um sögu Rómar á keisaraöld • Hann var lýðveldissinni og má glöggt greina eftirsjá í ritum hans eftir hinum horfna lýðveldistíma • Þekktasta rit hans Germania fjallar um germönsku þjóðflokkanna norðan Rómarveldis og lofar hann hreysti þeirra og frelsisást í hástert á kosnað hinna syndum spilltu Rómar Valdimar Stefánsson 2006
Sagnaritun: Júlíus Sesar • Sesar (um 100 – 44 f. Kr.) ritaði sjálfur um herför sína gegn Göllum í Gallastríðunum • Hann dregur þar upp mynd af sjálfum sér sem einföldum hermanni sem heyr þau stríð sem Róm krefst en líklega er sú mynd einungis liður í ímyndarherferð hans • Einnig hefur varðveist rit hans Um borgarastríðið þar sem hann segir frá átökum þeirra Pompeiusar um æðstu völd í Róm Valdimar Stefánsson 2006
Sagnaritun: Svetóníus • Svetóníus (f. 69 e. Kr.) ritaði æfisögur frægra manna og er Líf keisaranna (De vita Caesareum) hans þekktasta verk • Þar eru æviþættir Sesars og ellefu fyrstu keisaranna raktir og er víða komið við • Svetóníus þykir ekki vandur á heimildir sínar og fremur óáreiðanlegur; er skemmtisögum og slúðri gert hátt undir höfði og fátt látið kyrrt liggja Valdimar Stefánsson 2006
Menntun • Lögfræði, siðspeki, vopnaburður og fræðsla um forna rómverska siði voru uppistaðan í námi ungra drengja allt frá upphafi lýðveldisaldar • Á 3. og 2. öld f. Kr. voru stofnaðir grunnskólar að grískri fyrirmynd en sá var munurinn að í Róm nutu stúlkur mun meiri menntunar en í Grikklandi • Á 1. öld f. Kr. voru stofnaðir sérstakir skólar þar sem kennd var mælskulist og voru kennarar oftast grískir Valdimar Stefánsson 2006
Lögfræði • Lögfræði er að margra mati eitt merkasta framlag Rómverja til heimsmenningarinnar • Mikill almennur áhugi manna á lögspeki er vandskýrður en er fram liðu tímar bættist sífellt í lagasafn Rómar; ýmis afbrigði og tilskipanir keisara • Á 2. og 3. öld e. Kr. var unnið mikið samræmingarstarf er reynt var að steypa saman öllu safninu og sníða af þá agnúa er út af stóðu Valdimar Stefánsson 2006
Ciceró: Lögfræðingurinn • Marcus Tullius Cicero var einn dáðasti og áhrifamesti mælskumaður Rómverja • Hann var ekki úr efstu stéttum, menntaður að mestu í Róm en einnig í Grikklandi og kleif upp metorðastigann með því að standa sig aðdáunarlega vel í réttarsölum þar sem hann starfaði sem lögmaður • Orðstír hann jókst eftir því sem málin sem hann tók að sér voru umtalaðri og þar kom að hann var kjörinn ræðismaður árið 63 f. Kr. Valdimar Stefánsson 2006
Ciceró: Stjórnmálamaðurinn • Ferill Cicerós sem ræðismanns var ekki átakalaus enda var þá mikill óróatími í Róm • Hann vann hug og hjörtu meðborgara sinna er hann fletti ofan af fyrirætlunum Katalína um valdarán í Róm og sótti alla hugsanlega fylgjendur hans til saka • Síðar var hann svo ásakaður um að ganga of hart fram og misnota stöðu sína þannig Valdimar Stefánsson 2006
Ciceró: Menningarvitinn • Það er þó fyrst og fremst ritstörfin sem haldið hafa nafni Cicerós á lofti gegnum aldirnar • Enginn þykir hafa haft meira og betra vald á latneskri tungu en hann og þótt hugsun hans væri ekki frumleg var hún því nákvæmari • Því til staðfestingar má benda á að honum tókst afar vel að færa hina flóknu, grísku heimspekihefð yfir í latneskan menningarheim og notaði til þess tungumál er áður hafði einungis tjáð hugsanir bænda og hermanna Valdimar Stefánsson 2006
Trúarlíf á keisaraöld • Helsta einkenni trúarlífs Rómverja við upphaf keisaraaldar var fjölbreytnin enda hefur það verið nefnt trúblendingur (syncretismi) • Hellenisminn, sem sjálfur var í raun syncretismi), hafði fært Rómarveldi deiglu ýmissa trúarbragða, s. s. grískra, egypskra, persneskra, indverskra og fleiri austrænna trúarbragða • Úr þessum hrærigraut völdu síðan Rómverjar það sem þeim sýndist henta best og bættu við hinn forna átrúnað sinn Valdimar Stefánsson 2006
Viðnám keisaranna • Er Ágústus tók við völdum blés hann til sóknar fyrir hinn forna átrúnað, ríkistrúnna, enda annálaður íhaldsmaður • Hin fornu goð Rómverja höfðu um skeið átt undir högg að sækja á því nægtarborði sem trúarlíf heimsveldisins var orðið • Þrátt fyrir viðleitni Ágústusar og eftirmanna hans fór tilbeiðsla nýrra guða síst minnkandi og andóf keisaranna varð í besta falli aðeins til að lengja dauðastríð hinna innfæddu guða Valdimar Stefánsson 2006
Forn átrúnaður Rómverja • Æðstur hinna upprunalegu guða Rómverja var himinguðinn Júpíter en, ásamt gyjunum Minervu og Júnó, myndaði hann þríeyki sem kennt var við Kapítólhæð í Róm • Stríðsguðinn Mars gekk næstur Júpíter að mikilvægi og á dögum Ágústusar myndaðist sú hefð að hann væri sérstakur verndari keisarans • Rómverski átrúnaðurinn hafði frá upphafi verið sérlega opinn fyrir nýjum goðum og við upphaf keisaratímans voru flest goðin í raun grísk en með latneskum nöfnum Valdimar Stefánsson 2006
Tengsl grískra og rómverskra goða Valdimar Stefánsson 2006
Vættatrúin Líklegt má telja að vætta- og forfeðradýrkun Rómverja hafi verið hin upprunalegu trúarbrögð þeirra Jafnframt ríkistrúnni var dýrkun á heimilisgoðum; forfeðrum og ýmsum öndum, alla tíð mjög vinsæl, enda talin tryggja heill fjölskyldunnar Slík goðamögn nefndust heimilis- og aringuðir og sérhvert heimili bjó að slíku Valdimar Stefánsson 2006
Nýir guðir • Strax eftir fráfall Ágústusar komst á sú hefð að látnir keisarar voru teknir í guðatölu og var ríkinu játuð hollusta með því að færa fórn frammi fyrir líkneski af keisaranum • Rómverjar tóku einnig upp Dýónísusardýrkun Grikkja og nefndu þeir guðinn Bakkus; komu fljótt upp þær sögur að helgiathafnir Bakkynja væri lítið annað en örgustu svallveislur og drógu slík ummæli síst úr vinsældum þeirra Valdimar Stefánsson 2006
Nýir guðir • Dýrkun egypsku guðanna Ósírisar og Ísisar var mjög útbreidd í Róm en þau voru tengd náttúrunni og hringrás lífsins • Einkum naut Ísis vinsælda sem ástargyðja og rann þar saman við Afródítu hina grísku; Ísis var einnig sérstakur verndari vændiskvenna • Frá Litlu-Asíu fengu Rómverjar frjósemisgyðjuna Cybele og nefndu hana móðurina miklu; hún varð síðar ein vinsælasta gyðja Rómverja og rann svo saman við Maríu mey Valdimar Stefánsson 2006
Nýir guðir • Míþras var ævaforn persneskur guð sem Rómverjar kynntust á 1. öld e. Kr. og varð hann fljótt vinsæll meðal hermanna • Á 3. öld e. Kr. tók að bera á sólardýrkun sem keisarar ýttu undir og náði hún skjótt mikilli útbreiðslu en hún rann síðan saman við Míþras og þaðan inn í kristni • Árið 380 e. Kr. varð kristnin svo ríkistrú í Róm og heiðinn dómur blandaðist ýmist inn í hana eða dó út á næstu öldum Valdimar Stefánsson 2006
Heimspeki • Auk epíkúrisma og stóuspeki voru aðrar heimspekistefnur helstar gnostíkismi og nýplatónska • Báðar þessar stefnur voru á mörkum trúar og heimspeki enda var menningarheimurinn í heild sinni að sveigjast æ meir frá vísindahyggju Forn-Grikkjanna til trúarhyggju Austurlanda Valdimar Stefánsson 2006
Heimspeki: Gnostíkismi • Kjarninn í heimspeki gnostíkisma var sú að sál mannsins væri guðlegrar ættar og henni væri nauðsynlegt að losna úr viðjum líkamans • Forsenda frelsunarinnar væri að meðtaka hina æðstu þekkingu (gnosis) en einungis sumir væru til þess færir • Gnostíkismi hafði mikið aðdráttaraft fyrir marga menntamenn Valdimar Stefánsson 2006
Heimspeki: Nýplatónismi • Egyptinn Plótínos (205-270 e. Kr.) kom fram með nýplatónskuna á 3. öld en nafngiftin varð ekki til fyrr en á 19. öld • Grundvöllur kenningarinnar er frá Platóni kominn en Plótínos vék í veigamiklum atriðum frá áherslum Platóns • Nýplatónisminn hafði mikil áhrif á mótun kristinnar kenningar og þannig urðu áhrif Platóns á miðöldum jafnvel enn meiri en í fornöld Valdimar Stefánsson 2006
Heimspeki: Nýplatónismi • Þar sem heimspeki Platóns er um margt siðfræðileg og leggur áherslu á hvernig eigi að lifa og starfa í heiminum leggur speki Plótínosar áherslu á hvernig maðurinn fær komist handan þessa heims og er það í anda Austurlandaspekinnar • Leiðin er þó platónsk þar sem hún felst, að mati Plótínosar, í rökhugsun og reyndar einnig með innlifun Valdimar Stefánsson 2006
Heimspeki: Nýplatónismi • Í stuttu máli gekk heimsmynd Plótínosar út á svokallaða útstreymiskenningu • Frá hinu eina (þ. e. guði) streymir frummyndaheimurinn sem hann kallaði nús og þaðan heimssálin eða logos en frá henni kæmu einstakar sálir • Neðst var svo efnisheimurinn, fangelsi sálarinnar sem hún þráði að losna úr Valdimar Stefánsson 2006