10 likes | 54 Views
Valores u00c9ticos: Guiu00f3n para facer un comentario dunha imaxe.
E N D
GUIÓN PARA O COMENTARIO DE IMAXES EN VALORES ÉTICOS ● A HISTORIA DETRÁS DA IMAXE Aquí deberás completar a información que mostra a fotografía para que se entenda o que aparece nela. É dicir: - Marco espazo-temporal da fotografía (cando e onde sucedeu o que aparece na foto). - Contexto histórico. Describe a grandes rasgos o feito histórico no que transcurriu a acción captada na foto. - Motivos. Se na imaxe aparecen persoas facendo algo indica que motivos tiveron para facelo. ● REFLEXIÓNS ÉTICAS QUE PLANTEXA A IMAXE Fíxate no título deste apartado: reflexións, en plural. Se escolliches unha boa imaxe seguro que podes facer varias reflexións sobre ela. Por eso, a selección da imaxe é unha parte importante deste exercicio. As que seguen son só unhas das poucas reflexións que podemos facer pero pode haber moitas máis. - Na fotografía que escolliches... - móstrase un comportamento xeneroso, cruel, exemplar, malvado, indigno, etc? - vese a violación de algún dos Dereitos Humanos? - podemos ver persoas que se comportan e viven de forma moi diferente á nosa? (diversidade cultural). Son discriminadas por eso? - plantéxase un dilema sobre o que está ben ou mal? - A inxustiza que mostra a foto. É algo superado hoxe en día? Ou aínda segue a pasar? - Mira a imaxe desde varios puntos de vista. Por exemplo, se a foto mostra un agresor e a súa vítima non te centres soamente na maldade do agresor ou na inocencia da vítima. Vai máis alá e ponte no lugar do agresor e fai de avogado do demo. Trata de averiguar os seus motivos. Non se trata de xustificar o que fixo senón de comprender por que se comportou así. - Busca os matices. A vida non é en branco e negro. Na vida non hai só bos e malos, vítimas e agresores. Tamén hai cómplices, os que animan ao agresor. Ou os que ven unha agresión pero miran para outro lado. Reflexiona sobre os que están na zona gris.