鶯歌鎮第一屆台語話鄉 〝 鶯 〞 徵文比賽

1. 鶯歌鎮第一屆台語話鄉〝鶯〞徵文比賽 頒獎典禮 指導單位：台北縣政府、鶯歌鎮公所、鶯歌鎮民代表會、 台北縣議員吳琪銘服務處、台北縣議員呂柱服務處 主辦單位：臺北縣鶯歌鎮陶瓷文化觀光發展協會 協辦單位：台北縣立鶯歌陶瓷博物館、李江卻台語文教基金會、 本鎮各國小、國中、高職、鶯歌火車站、鶯歌郵局、 臺北縣鶯歌鎮立圖書館

2. 國小組---佳作 得獎人：林定原 得獎作品：美麗的鶯歌家園

3. 美麗的鶯歌家園 鶯歌有一隻石頭鳥， 生作親像大雕， 瓷仔老街的特色真不小， 藝術品 迌物仔足奇妙； 山頂有一間龜公廟， 逐家 山拜拜攏相招， 風景美麗予阮心肝搖， 祈求全家平安快樂何佮香燒；

4. 美麗的鶯歌家園(續) 鶯歌全部的國小攏真有特色， 有時拍球有時唱歌撓曲 足濟活動會當增加軟的智識， 出國比賽攏族有氣魄； 三號公園實在真好耍， 行棋 迌囡仔愛食糖， 跤踏車的歩道會使騎足遠， 猶閣有博物館攏是咱美麗的家園。 ～作者：林定原

5. 國中組---佳作 得獎人：林思宇 得獎作品：來行鶯歌山

6. 來行鶯歌山 鶯歌人文地理袂 數百年歷史傳後代 老街花樣吸引人來 蹛佇遮的人攏總知 趣味好耍摻有古味 上厚就是人情義理 博物館人 人相爭 逐禮拜攏有新把戲

7. ～作者：林思宇 來行鶯歌山(續) 樓頂會記得招樓跤 十八條步道來行山 阿公就愛叫恁阿爸 來行阮兜的鶯歌山

8. 高中組-佳作 得獎人：徐嘉穗 得獎作品：鶯歌是個好所在

9. 鶯歌是快樂的所在，遮的學生絕對贏。溫暖人情世事萬全兜這陣，滿滿是藝術的瓷阿。鶯歌是快樂的所在，遮的學生絕對贏。溫暖人情世事萬全兜這陣，滿滿是藝術的瓷阿。 鶯歌是美好的所在，自然美麗的光景，猶有古錐的鳥仔甲貓仔，無歹手爪的鄉鎮，滿滿是清氣的空氣。 鶯歌是人情味的所在，甲冰押送碗公候恁， 茶押送杯仔後恁，滿滿是人情味的鶯歌人。 較快來鶯歌遮遊覽，遮是一个好所在。 鶯歌是個好所在 ～作者：徐嘉穗

10. 社會組得獎者---佳作 得獎者：呂澎澤 得獎作品：鶯歌底講古 〈又閣咧講古〉

11. 鶯歌底講古 1.（鶯魂不散）（台語音） 火車倚山坪，櫸頭看鶯影； 聽講古早遮，鶯哥飛過嶺。 親像風坱埃，目屎流袂散； 佳哉國姓爺，帶兵經過遮。 神箭搝一射，飛魂哎無命； 越頭落山坪，有聲找無影。 攀山金金看，四界找鳥隻； 咁是覕佇遐，鶯歌鳥阿精。 ～作者：呂澎澤

12. 2.（四角窯）（台語） 四角窯，燒炭土，土捏矸，插花箍； 箍灰煙，坱衫褲，褲白白，染阿黑。 黑陰天，天落雨，雨落土，土膏膏； 膏像粿，枵腹肚，肚這大，歸財王； 若欲展，來鶯歌，糊啥貨，白泥土。 土遮黏，黏過橋，轎等待，規下晡； 為何妳，聽嚨嘸，干焦愛，狀元郎； 鶯歌腳；煙勾雨；只等花，謝落土， 謝落土。 ～作者：呂澎澤

13. 3.（渡船頭頂相思雨）（台語） 渡船頭頂吹冷風 相思批信風寄無 咁是無情雨來做 目屎流落坱埃土 ～作者：呂澎澤

14. 4.（甕仔麵）（台語） 落雨天，黏黐黐，囡仔脯，想過去； 想當年，想當時，彼一碗，甕仔麵。 咱兩人，共雙箸，我啉湯，妳挾麵； 親像夢，彼秋天，我送妳，入城市； 妳笑阮，哭啥物，我講這，傷心淚； 是風吹，咧哈唏，啥知影，假稀微； 是為妳；流下的，男人淚，男人淚。 ～作者：呂澎澤

15. 5.（呷的泥漿粥與踏的泥漿粥） （台語為漉糊糜） （1.）爆香菇，絞肉魯，芋仔頭，芹菜某； 番麥粒，紅蔥酥，煮規鼎，黏洘洘。 咁是阮，枵腹肚，想起遮，噴貢貢； 是啥煮；香規路，黏著阮，來鶯歌，來鶯歌。 （2.）漉糊糜，踏過路，若下雨，黏糊糊； 誰知阮，愛 迌，剎遇著，風颱雨； 這款天，底時好，金金等，痴情雨； 黏著阮，黏著路，只等待，日頭公，日頭公。 ～作者：呂澎澤

16. 6.（蝦餅瓦） 蝦餅瓦，金遐遐，切四塊，分開 ； 親像阮，浪子囝，四塊走，四過走； 誰叫阮，蝦餅命，先艱苦，慢好命。 蝦餅瓦，燒燒呷，呷著脆，脆好瓦； 瓦建厝，等好額，來報答，父母晟，父母晟。 ～作者：呂澎澤

17. 7.（相思雨） （台語與壽司相近） 相思雨淋壽司醋 菜阮無知鹽艱苦 炊蛋磨豆皮薄薄 親像少女做阿婆 ～作者：呂澎澤

18. 社會組得獎者---佳作 得獎者：吳金鳳 得獎作品：這條尖仔埔

19. 這條尖仔埔 逐遍 哪是暗時仔坐火車對車頭倒返來 經過酒寮行到路門仔 心情就輕鬆起來 阮作囝仔的時足無膽的 酒寮這條路兩邊攏無kia ge 暗時仔一le人行這條路 實在有夠驚惶

20. 這條尖仔埔(續) 對路門口這間hui仔窯行去 就是尖山埔路 日時經過 會看到 工場口架仔頂一板一板的生坯 晚時行過 會聽到 工場內漉土膏哩哩碌碌的聲音 乎阮足有安全感 這是做hui仔人上熟識的一種滋味

21. 這條尖仔埔(續) 有兩間柑子店 是阮做囝仔時 定定乎大人叫去買物件的所在 一間美真開的 一間卓老師的 阮巧愛去美珍店買物件 學生囡仔上驚老師 阮攏是美真店買無 才驚驚走入去卓老師的店買 有當時啊錢還未找好 物件拿le就走

22. 這條尖仔埔(續) 這條尖仔埔 上鬧熱的店仔 就是清秀開的店 只要讀鶯歌國小的人 大家攏bhant伊 店內的文具 ㄤ仔册 陪伴阮行過懵懂的時代

23. 這條尖仔埔(續) 這條尖仔埔 即馬已經換新衫擱裝水水 熱情招呼四界來的觀光客 一間一間 裝潢雅典的店面 看無熟識的影ziia 阮只好攥入去巷仔內 將過去甜蜜的滋味給hiau出來 穩穩仔啣 ～作者：吳金鳳

24. 社會組得獎者---佳作 得獎者：李俊諺 得獎作品：瓷仔e故鄉

25. 瓷仔e故鄉 瓷仔e故鄉 真多頭 清朝人叫伊「鶯歌石莊頭」 因為北山e頂頭 古早滴一粒大石頭 形體親像老鷹站山頭

26. 瓷仔e故鄉(續) 瓷仔e故鄉 真多形 扁行變圓形 推入磚窯燒嘎變水形 尚介價值e瓷仔形 就是人人攏甲意e古董形 ～作者：李俊諺

27. 瓷仔e故鄉(續) 瓷仔e故鄉 真多味 土味加水味 推入磚窯燒出難忘e氣味 尚介香e味 就是永遠嘸變e人情味 查甫囝來鶯歌 一定賺錢唱山歌 查某囡來鶯歌 找對好尪呷嘜空 歡迎 咱大家相招來 迌 ～作者：李俊諺

28. 社會組得獎者---佳作 得獎者：林聰明 得獎作品：鶯歌春曉

29. 鶯 歌 春 曉 規 暝 烏 暗 佮 不 平 ， 全 部 攏 歸 零 天 色 漸 漸 變 光 明 ， 鳥 隻 看 行 人 鶯 歌 石 邊 行 人 登 ， 大 氣 喘 袂 停 覓 鴞 半 天 咧 飛 行 ， 呼 風 好 心 情 世 界 陶 瓷 的 首 都 ， 親 像 火 燒 埔 點 塗 成 金 用 手 摸 ， 燒 窯 靠 熱 度 大 漢 溪 水 無 疑 誤 ， 陪 阮 行 規 路 龜 公 有 靈 將 阮 顧 ， 尖 山 出 好 塗 鶯 歌 春 曉 好 景 緻 ， 烏 煙 攏 退 去 老 街 點 心 古 早 味 ， 使 人 心 歡 喜 鳥 語 花 香 正 當 時 ， 世 間 無 地 比 注 重 人 情 佮 義 理 ， 包 你 愛 著 伊 ～作者：林聰明

30. 社會組得獎者---第三名 得獎者：陳文和 得獎作品：紀念品

31. 紀念品 睏佇在山頂尾溜 阮三不五時會乎人驚惶 佮雨水翱翱輾 滾落來 半 倒佇平埔 阮定定愛搬厝 風一吹　阮就飛 飛入你个目睭底 飛入草仔埔 盹龜

32. 紀念品(續) 留佇海邊 阮是一張畫冊 海湧潑過來 阮个身軀 印你个跤跡 做記號 獨獨踮在鶯歌 阮是一隻有名的鳥 徛佇山頭 乎坐火車經過个人 呵咾

33. 紀念品(續) 只有踮在鶯歌 阮是你尚愛的紀念品 街頭巷尾攏是阮多變的容貌 阮暝日 看 只為了等你　伴手 帶我轉去你兜 ～作者：陳文和

34. 社會組得獎者---第二名 得獎者：黃龍翔、吳嘉偉 得獎作品：雨水

35. 雨水 是一个雨水的日子 滴佇鶯歌的目睭 瓷杯恬恬睏佇桌頂 裝著咱較早的過去 閣來鶯歌的老街踅一擺 我佇，妳煞無佇

36. 雨水(續) 對鶯歌石到烘爐窯的土糜 對蛇窯到雨傘徘徊的街路 一步一步閣一步的跤印 親像踏佇玻璃頂 心碎的聲音 記持佇水坑內底來來去去 予寂寞共伊捻做一隻魚 放生佇思念像火的蛇窯 燒成石頭，沉入人海

37. 雨水(續) 是一个雨水的日子 滴佇鶯歌的目睭 滴佇瓷杯內底的過去 滴佇有妳形影的位置 ～作者：黃龍翔 吳嘉偉

38. 社會組得獎者---第一名 得獎者：陳憲忠 得獎作品：美麗的傳奇-鶯歌石

39. 美麗的傳奇│鶯歌石 天色微微仔咧光 四邊的濛霧漸漸散開去 佇濛霧中軟慢慢看著你 你的形影親像一隻 美麗的鶯哥 惦惦修佇山埔頂頭 石頭是你的身軀 青草是你的羽毛 花蕊是你的目睭 阮一直咧懷疑 你 前世可能就是一隻鶯哥

40. 美麗的傳奇│鶯歌石(續) 因為親情的關係 因為愛情的關係 非來佇這變成一粒石頭 因為有你 咱的鄉鎮 有一個美麗的名字 鶯歌鎮 因為有你 咱的手工藝 傳遍台灣每一個所在 雖然阮無法度證實著你的神奇 但是阮相信 你 永遠會是一個─ 美麗的傳奇 ～作者：陳憲忠

41. 恭喜以上得獎者