編號 20716

2. 編號 20716 一隻鳥仔哮啁啁 （嘉義民謠） 嘿 嘿 嘿多一隻鳥仔哮救救哩噢咧 哮到三更一半暝 找無巢 呵嘿呵 嘿 嘿 多什麼人仔甲阮弄破這個巢 噢咧 給阮捉著不放伊干休 呵嘿呵 嘿 嘿 嘿多一隻鳥仔哮救救哩噢咧 哮到三更一半暝 找無巢 呵嘿呵 嘿 嘿 多什麼人仔甲阮弄破這個巢 噢咧 給阮捉著不放伊干休 呵嘿呵

3. 牛犁歌 說唱歌謠 嘉南民謠/車鼓調 （起譜） （嘿）上（啊咧）五上五六五（啊） 上（塊）五上五（啊）六工 工六五六五（啊塊）　五上五六五 工乂工（啊你那）　上（啊）乂（啊）士（哪） 工乂工　六工六工乂上（啊） 上乂工　乂上乂 上（塊）五上五（啊）六五 西耶了西　啊咧工耶了西工哪 西耶了西　啊咧工耶了西工哪 （正曲） 一（哪）步（哪）送妹（喂哪）上（哪）樓（耶）頂 我君（來）送妹（喂）兼捶（啊）胸 前世（來）不做（啊）壞心（哪耶）性 串（哪）交（來）小妹（喂）者（這個）絕（啊）情（哪） 有影無啊　你都駛犁喂　犁了擱再犁啊 你來想著駛啊犁兄　哪哎喲 （落譜） 西耶了西啊咧工耶了西工哪 西耶了西啊咧工耶了西工哪 二（啊）步（哪）騙兄（喂哪）落（哪）樓（耶）梯 我君來送（啊）妹（啊）喘（這個）大氣（啊） 明（啊）明（啊）予妹（啊）相連（哪耶）累 清（啊）清（來）白（啊）白（啊喂）拆（這個）分（啊）開（哪） 有影無啊　你都駛犁喂　犁了擱再犁啊 你來想著駛啊犁兄　哪哎喲 （落譜） 西耶了西啊咧工耶了西工哪 西耶了西啊咧工耶了西工哪

4. 思想枝 恆春民謠 思想枝 要去台東是花蓮港 路頭（哪彼個）生疏（喔）不識人 噯唷喂 不識（你）阿君（喔）你一人 為阮（嘛彼個） 甘苦（喔）我一人 噯唷喂 又一次思（啊）想（啊）枝 新做竹篙（於）好晾紗 茶甌（哪彼個）幼幼（喔）好捧茶　噯唷喂 捧起來大廳（喔）請人（啊）客 不知（哪彼個）我君（喔）是那（喔）一個 噯唷喂 又一次思（啊）想（啊）枝 這（啊）平看過（啊）彼平高 看著（彼個）阿娘（喔）太也（於）哮　噯唷喂 阿君仔來叫娘仔（喔）不當哭（喔） 等待（哪彼個）後次（喔）阮再來逗　噯唷喂 講又一次思（啊）想（啊）枝 六月返來（於）人播稻 播卜（哪彼個）五行直溜溜　噯唷喂 阿君來（彼個）招娘仔（喔）相牽手 父母（哪彼個）束縛（喔咱人）袂自由　噯唷喂。

5. 《四季春》 恆春民謠 男：大海青藍嘸知（啊）深 一隻貨船半（啊）浮（的啊）沈 阿娘無情無要（啊）緊 眠床曠闊好（啊）翻（咧啊）身 女：一隻好烏飛袂（啊）倦 嘸騖一山一（啊）嶺（的啊）連 阿君無意嘜假（啊）仙 庄內欲找有（啊）少（的啊）年 男：低低看山頭向（啊）天 高高看山在（啊）目（的啊）前 阿娘生媠嘸免（啊）展 有人比妳較（啊）少（的啊）年 女：阿君有娘才有（啊）伴 無娘相隨真（啊）孤（的啊）單 上山落嶺欲按（啊）怎 後悔怨嘆搥（啊）心（的啊）肝

6. 《守牛調》 恆春民謠　詞：簡上仁　曲：鍾明昆改編 屏東古早叫阿猴，南爿恆春是阮兜； 人人樸實情義厚，出有椰子大葱頭。 一路行來到車城，福安大廟上出名； 土地公祖真靈聖，傳遍全國好名聲。 車城對東四重溪，地勢風景真美麗； 出有温泉通好好，也有姑娘來泡茶。 天送岩石猫鼻形，半圓斷崖自然生； 龜蛇將軍鎮雙平，恆春特有的奇景。 墾丁公園像仙界，奇花異木滿園內； 仙洞奇石通人知，景色優雅蓋全台。 台灣最南是鵝鑾，一座燈樓半天高； 夜來燈光在廻轉，指示船隻的安全。 滿州美景佳洛水，奇岩怪石歸大堆； 世外桃源在這位，使人心涼脾肚開。 恆春民謠真精彩，轟動四海人人愛； 是咱祖先傳落來，望欲一代傳一代。

7. 《牛尾絆》 恆春民謠 爸母疼子是長流水　子欲友孝爸母　親像樹尾搖露水 父母恩情親像海底那麼深　今仔日　我是真實　欲報親恩 妹群仔 妳的父母給妳主意　是烏土濕潤地 若阮的父母給我主意　就是瘦砂石頭螺

8. 編號 28575 五更鼓 嘉南平原民謠一更更鼓月照山 牽君的手漠心肝君來問娘要按怎隨在阿君你心肝二更更鼓月照埕牽君的手入大廳雙人相好天註定牽君的手入大廳三更更鼓月照窗牽君的手入銹房甲君相好有所望 叫君僥娘先不通四更更鼓月照門牽君的手入銹床雙人相好有所映恰好燒水泡冰糖五更更鼓天要光恁厝父母叫吃飯想要開門叫君返手岸門框心頭酸

9. 編號20439 丟丟銅仔 宜蘭民謠 雙腳踏到啊伊都，啊麥伊都丟，噯唷台北市。看見電燈啊伊都，丟丟咚啊伊都，啊麥伊都 丟啊伊都寫紅字。 人地生疏啊伊都，啊麥伊都丟，噯唷來擱去。險給黑頭啊伊都，丟丟咚啊伊都，啊麥伊都，丟啊伊都憧半死。 借問公園啊伊都，啊麥伊都丟，噯唷對都去。問著客人啊伊都，丟丟咚阿伊都，啊麥伊都，丟啊伊都我不知。 拖車走來啊伊都，啊麥伊都丟，噯唷拖我去。去到公園啊伊都，丟丟咚啊伊都，啊麥伊都 丟啊伊都摸無錢。 車夫開嘴啊伊都，啊麥伊都丟，噯唷伊與鄙。 腰包無錢阿伊都，丟丟咚啊伊都，啊麥伊都，丟阿伊都坐卜死 車夫開嘴啊伊都，啊麥伊都丟，噯唷伊與鄙。 腰包無錢阿伊都，丟丟咚啊伊都，啊麥伊都 丟啊伊都坐卜死

10. 編號20672 桃花過渡 （歌舞小調）曲/車鼓調 （1）男：正月人迎尪囉 單身娘子守空房 嘴吃檳榔面抹粉 手提珊瑚等待君仔伊都 咳仔囉咧咳 噯仔囉咧噯 噯仔囉咧噯仔伊都咳仔囉咧咳 （2）女：二月立春分囉 無好狗拖提渡船 船頂食飯船底睡 水鬼拖去無神魂仔伊都 咳仔囉咧咳 噯仔囉咧噯 噯仔囉咧噯仔伊都咳仔囉咧咳 （3）男：三月是清明囉 風流查某假正經 阿伯宛然楊宗保 桃花可比穆桂英仔(伊都) 咳仔囉咧咳 噯仔囉咧噯 噯仔囉咧噯仔伊都咳仔囉咧咳 （4）女：四月是春天囉 無好狗拖守港邊 一日三當無米煮 也敢對阮哥哥纏仔(伊都) 咳仔囉咧咳 噯仔囉咧噯 噯仔囉咧噯仔伊都咳仔囉咧咳

11. 勸世歌 說唱歌謠 唸歌/江湖調 我來唸歌(囉)乎恁聽(咿) 無欲撿錢(啊)免著驚(喂) 勸恁做人著端正 虎死留皮(啊)人留名(嗄) 講到當今(囉)的世間(咿) 鳥為食亡(啊)人為財(咿) 想斟做人(擱)著海海 死從何去生何來 咿 〜 咱來出世(囉)無半項(咿) 空手戽魚(啊)攏相同(喂) 勸恁做人著打拚 惡毒害人(啊)先嘸通(嗄) 講到人生(囉)著愛想(咿) 忠孝做人(啊)有較長(咿) 榮華富貴不好想 總是命運免憂愁 咿 〜 我叫朋友(囉)著做好(咿) 人生做人(啊)若眠夢(喂) 勸恁做人著志氣 小小生意(啊)會賺錢(嗄) 講到事業(囉)百百款(咿) 恁若勿嫌(啊)這艱難(咿) 我勸世人做好代 打拚的人會發財 咿 〜。

12. 編號20487 六月茉莉 詞/許丙丁 曲/嘉南民謠 (1)六月茉莉真正美，郎君生做真古錐 好花難得成雙對，身邊無君仔伊都上克虧 (2)六月茉莉真正香，單身娘仔守空房 好花也著有人挽，無人知影伊都氣死人 (1)六月茉莉真正美，郎君生做真古錐 好花難得成雙對，身邊無君仔伊都上克虧 (2)六月茉莉真正香，單身娘仔守空房 好花也著有人挽，無人知影伊都氣死人

13. 《台東調》 （平埔調）恆春民謠 來去台東花蓮港，路途生疏不識人。 希望阿娘來疼惜，疼惜阿哥出外人。 欲去恆春沒多遠，夭壽尖山在中間。 等待尖山踅輾轉，才來和娘睏同床。

14. 編號28313 卜卦調 許丙丁填詞嘉義民謠/歌仔戲調 (1)手搖籤筒有三支喔，要卜新娘喔入門喜伊現在有身三月日喔，包領會生延嫌遲阿伊 (2)頭枝五娘陳三兄喔，甘願為奴來掃仔廳伊婚姻雖然會成晟喔，一心歡喜喔一心驚阿伊 (3)二枝關公扶劉備喔，要問仙祖啊做生意伊你若添油二百四喔，明年一定啊大趁錢阿伊 (4)三枝蜻蜓飛落網喔，這運財利啊有較仔空伊仙祖壇前來解厄喔，議員當選啊有希望阿伊 (1)手搖籤筒有三支喔，要卜新娘喔入門喜伊現在有身三月日喔，包領會生延嫌遲阿伊 (2)頭枝五娘陳三兄喔，甘願為奴來掃仔廳伊婚姻雖然會成晟喔，一心歡喜喔一心驚阿伊 當選有希望囉

15. 崁仔腳調台北地區的民謠/歌仔戲調 (1)竹筍（於）離土（即是）目目枯（囉） 移山（兮）)倒海（喔即是）樊梨花（啦） 有情（於）阿娘（仔喔來）著佮娶 不通（耶）放伊落煙花（囉） (2)稻子（於）大肚（即是）驚風颱（啦） 阿娘（仔來）大肚（即會）驚人知（啦） 左手（耶）牽衫（喔即會）掩肚臍 右手（來）閱君（囉）擱再來（啦） (3)甘蔗（於）好食（即會）頭硬硬 茶店（兮）諸婦尚無情（哪） 三千（於）五千（即會）拐（耶去）予用 招伊散步（即會）喊無閒（囉） (4)蓮霧（來）開花（即會）滿樹紅 樹頂（來）一隻（佮耶）虎頭蜂 叮著阿君（太耶）無采工（囉） 叮著（來）阿娘（仔喔太耶）訶救人（啊） (5)六月（啦）返（啊）來（即是）轉熱熱 （講著）阿娘（仔來）招君（喔嘛）過澎湖 交通（兮）飛機（即會）來（耶）過渡 三頓（兮）海產（囉）（即會）吃魚眶 (6)枋寮坐車過楓港（囉） 翻山（耶）過嶺（喔）過六龜（啦） 阮的故鄉（嘛）佇站六龜鄉（啦）

16. 《農村酒調》歌仔戲調（留傘調） 眾仙會合見面三杯酒　少年面紅老的在燃嘴鬚 一個姑娘真正優秀　環來穿去是欲阮怎樣 毋通害兄頭暉打丁目珠　人阮是出來　納涼我清幽 歹運碰著你　這些夭壽　僥倖欲死食彼多酒 勿生氣啦　請飲一杯酒　阮無要啦　你若返去　就去撞大樹 有酒通飲攏總勿記得憂愁

17. 蚯蚓歌其他地區民謠 彼隻（來）蚯蚓仔是按怎也叫歌 彼隻（來）蚯蚓仔都是身來長啦 腰來軟 甭架也叫歌 彼隻（來）土煞仔敢無身來長啦 腰來軟 按怎袂叫歌 彼隻（來）土煞仔都是水底鑽 土底趁 甭架袂叫歌 彼隻（來）老水蛙敢無水底鑽 土底趁 按怎也叫歌 彼隻（來）老水蛙都是肚來大　嘴來闊 落雨天時跳出孔口外 嘔一咧來　趴一咧去 伊伊嘔嘔悉悉嗖嗖 甭架也叫歌 彼隻（來）洞簫是按怎也叫歌 彼隻（來）洞簫都是孔來尚蓋多 吹一咧去 五六上工乂 甭架也叫歌 彼個（來）竹米苔 敢無孔來尚蓋多 按那耶袂叫歌 彼個（來）竹米苔都是師父做師父甲 做死死甲死死 甭架袂叫歌 彼個（來）竹眠床 敢無師父做師父甲 做死死甲死死 按那也叫歌 彼個（來）竹眠床 都是公阿底睏婆阿底睏 睏甲三更半瞑後 擱翻一咧來擱翻一咧去 一一歪歪西西摔摔 甭架也叫歌 甭架也叫歌

18. 都馬調-十二生肖歌仔戲調 鼠子出世在壁空 大鬧花燈是薛剛 踢死太子驚皇上 連夜逃走九焰山 牛子出世受拖磨 高祖起義斬白蛇 蕭何月下追韓信 九里山下埋伏兵 虎子出世人人驚 文廣被困李州城 十八天洞治妖怪 宋朝猛將有名聲 兔子出世目眶紅 羅通掃北打銅人 虧得英雄陣上死 羅仁七歲打銅人 龍子出世在半雲 潘葛盡忠打梅倫 潘葛一家真厲害 假作蘇英上絞台 蛇子出世身腰長 盡忠包拯睡玉床 嘴含一嘴孔雀血 神魂了了上天庭 馬子出世親像騾 孟宗哭竹暗淚啼 玉皇算伊有孝義 取卜冬筍在身邊 羊子出世下谷鬚 昭君和番面憂憂 幾時得見漢王面 斬了延壽報冤仇 猴子出世在深山 壽昌尋母去辭官 遇到魏孝來賣餅 母子相會一頭看 雞子出世身花花 元吉坐賊偷掠雞 結拜元貴為兄弟 官府掠去弔打伊 狗子出世目無開 子龍打出萬重圍 孔明點兵用計智 救出阿斗上金階 豬子出世身似象 蘇武一心無二樣 番邦盡節十九年 日日牧羊在山邊

19. 長工歌（十二月令歌） 恆春民謠/五孔小調 正月算來人播田，做人長工真為難。透早起來做到晚，熒早暗無通閒。 二月算來田草青，雙腳跪落雙手搣。播田挲草真艱苦，頂煎下迫汗吶流。 三月算來天氣變，天氣變熱人直孱。做人長工許為難，熒仔早暗無通寧。 四月算來特別熱，做人長工無搭活。逐日拖磨賺吃飯，暗時通暝攏無睏。 五月算來日頭長，想到歹命心頭酸。逐暝想來時間長，親像舉針插心腸。 六月算來雨水期，透早不出嘛就去。身軀艱苦嘛就拖，刻苦耐勞嘛就磨。 七月算來時到秋，想到歹命面憂憂。這期年花若豐收，身軀越來越倒縮。 八月算來工作閒，頭家不肯歇半天。想到艱苦嘛就拖，刻苦耐勞嘛就磨。 九月算來九烏陰，頭家夫妻這有心。頭家一陣給一仙，查某么鬼兼雜唸。 十月算來人收冬，大車小車收入倉。我做長工無半管，想到歹命心就酸。 十一月算來是冬天，家家戶戶人搓圓。大大小小吃得飽圓圓，我吃三碗夠捏圓。十二月算來偎年邊，大大小小做新衣。大家做到亦好寶，我是長工真草了。

20. 六月田水 嘉義民謠 六 六 六月田水嘿都當的燒喔， 鯉魚落水喁的喁啊，喁的喁，喁的尾會搖。

21. 編號29550 天黑黑 自然民謠 台灣北部民謠 曲/林福裕 天黑黑　要落雨　阿公仔舉鋤頭要掘芋 掘啊掘　掘啊掘　掘著一尾旋鱿鼓伊喲灰都真正趣味天黑黑　要落雨　阿公仔舉鋤頭要掘芋 掘啊掘　掘啊掘　掘著一尾旋鱿鼓伊喲灰都真正趣味 阿公仔要煮鹹　阿媽仔要煮齟 兩人相打弄破鍋　伊喲灰都啷噹嗟噹槍 哈哈哈 阿公仔要煮鹹　阿媽仔要煮齟 阿公仔要煮鹹　阿媽仔要煮齟兩人相打弄破鍋　伊喲灰都啷噹嗟噹槍　哈哈哈 天黑黑　要落雨　阿公仔舉鋤頭要掘芋 掘啊掘　掘啊掘　掘著一尾旋鱿鼓伊喲灰都真正趣味天黑黑　要落雨　阿公仔舉鋤頭要掘芋 掘啊掘　掘啊掘　掘著一尾旋鱿鼓伊喲灰都真正趣味 阿公仔要煮鹹　阿媽仔要煮齟 兩人相打弄破鍋　伊喲灰都啷噹嗟噹槍　哈哈哈 阿公仔要煮鹹　阿媽仔要煮齟 阿公仔要煮鹹　阿媽仔要煮齟兩人相打弄破鍋　伊喲灰都啷噹嗟噹槍　哈哈哈 阿公仔要煮鹹　阿媽仔要煮齟 兩人相打弄破鍋 弄破鍋 伊喲灰都啷噹嗟噹槍　　哈哈哈 哈哈哈 哈哈哈

22. 編號20334 《草螟弄雞公》恆春民謠 男：人生六十伊都像古樹無疑食老伊都愈健丟， 看著小娘伊都面肉幼， 害我學人伊都老風流伊都那噯唷仔伊都老風流， 草螟弄雞公，雞公披搏跳。 女：老人食老伊都性愛守不可變相伊都老不修， 那是愛我伊都做朋友， 可惜你是伊都長嘴鬚伊都那噯唷仔伊都老長鬚， 草螟弄雞公　雞公披搏跳。 男： 嫌我嘴鬚伊都歹看樣我就來剃伊都光溜溜， 你著交我伊都恰永久， 少年僥雄伊都無尾鰍伊都那噯唷仔伊都無尾鰍， 草螟弄雞公　雞公披摶跳。 女： 少年阿兄伊都人清秀做陣一對伊都像鴛鴦， 講話散步伊都好遊賞， 配著老兄伊都心帶憂伊都那噯唷仔伊都心帶憂， 草螟弄雞公　雞公披搏跳。 男：老兄正是伊都老選手相招海邊伊都來去遊， 免驚落海伊都著化救， 少年落水伊都命快休伊都那噯唷仔伊都命快休， 草螟弄雞公　雞公披搏跳。 女：看你這款咿都憨憨想自做聰明依都憨主張， 若是愛我伊都做牽手。 請你後世伊都即來求伊都那噯唷仔伊都即來求 草螟弄雞公　雞公披搏跳

23. 《烏面祖師公》 傳統歌謠曲/林福裕 烏面祖師公，白目眉，無人請，家己來， 一個面仔笑咳咳，笑嘎喙仔裂獅獅。

24. 編號21303 西北雨直直落 台灣童謠 西北雨直直落 鯽仔魚欲娶某 鮕鮐兄拍鑼鼓 媒人婆仔土虱嫂 日頭暗尋無路 趕緊來火金菇 做好心來照路 西北雨直直落 西北雨直直落 白鷺鷥來趕路 翻山嶺過溪河 找無巢跌一倒 日頭暗怎樣好 土地婆土地公做好心來帶路 西北雨直直落 西北雨直直落 鯽仔魚欲娶某 鮕鮐兄拍鑼鼓 媒人婆仔土虱嫂 日頭暗尋無路 趕緊來火金菇 做好心來照路 西北雨直直落

25. 編號23087 白鷺鷥 台灣童謠 白翎鷥 車畚箕 車到港仔墘 跋一倒撿到兩仙錢 ㄧ仙買大餅送大姨 ㄧ仙留起來好過年 白翎鷥 車畚箕 車到港仔墘 跋一倒撿到兩仙錢 ㄧ仙買大餅送大姨 ㄧ仙留起來好過年 白翎鷥 車畚箕 車到港仔墘 跋一倒撿到兩仙錢 ㄧ仙買大餅送大姨 ㄧ仙留起來好過年

26. 火金姑來食茶 台灣童謠 火金姑來食菜，菜燒燒來食ˍ蕉， 菜冷冷，配龍眼， 龍眼愛撥殼，換來食藍菝仔，藍菝仔全全籽， 害阮食一下落喙齒，害阮食一下落喙齒。

27. 桃花泣血記 創作民謠 詞/詹天馬 曲/王雲峰 人生就像桃花枝，有時開花有時死，花有春天再開期，人若死去無活時。 戀愛無分階級性，第一要緊是真情，琳姑出世歹環境，親像桃花彼薄命。 禮教束縛非現代，最好自由的世界，德恩老母無理解，雖然有錢也真害。 德恩無想是富戶，專心實意愛琳姑，免驚日後來相誤，我是男子無糊塗。 琳姑本正也愛伊，信用德恩無懷疑，每日作陣真歡喜，望要作伊的妻兒。 愛情愈好事愈濟，頑固老母真囉嗦，富男貧女蓋不好，強制平地起風波。 紅顏自本多薄命，拆散兩人的真情，運命作孽真僥倖，失意斷送過一生。 離別愛人蓋艱苦，親像鈍刀割腸肚，心啼哭病倒鋪，悽慘生意行無路。 壓迫子兒過無理，家庭革命隨時起，德恩走去欲見伊，可憐見面已經死。 文明社會新時代，戀愛自由才應該，階級約束是有害，婚姻制度著大改。 做人父母愛注意，舊式禮教著拋棄，結果發生啥代誌，請看桃花泣血記。

28. 編號20157 望春風 日據時期創作歌謠 詞/李臨秋 曲/鄧雨賢 獨夜無伴守燈下 春風對面吹十七八歲未出嫁 看著少年家果然漂緻面肉白 誰家人子弟想要問伊驚呆勢 心內彈琵琶 想要郎君做尪婿 意愛在心內等待何時君來採 青春花當開聽見外面有人來 開門甲看覓月娘笑阮憨大呆 被風騙不知 想要郎君做尪婿 意愛在心內等待何時君來採 青春花當開聽見外面有人來 開門甲看覓月娘笑阮憨大呆 被風騙不知 月娘笑阮憨大呆 被風騙不知

29. 編號20438 四季紅 創作歌謠 詞/李臨秋 曲/鄧雨賢 春天花當清香，雙人心頭齊震動，有話想要對你講，不知通也不通。 都這項，敢也有別項，肉呅笑，目睭降，你我戀花朱朱紅。 夏天風正輕鬆，雙人坐船要遊江，有話想要對你講，不知通也不通。 都這項，敢也有別項，肉呅笑，目睭降，水底日頭朱朱紅。 秋天月照紗窗，雙人相好有所望，有話想要對你講，不知通也不通。 都這項，敢也有別項，肉呅笑，目睭降，嘴唇胭脂朱朱紅。 冬天風真難當，雙人相好不驚凍，有話想要對你講，不知通也不通。 都這項，敢也有別項，肉呅笑，目睭降，愛情熱度朱朱紅。

30. 編號20447 雨夜花 日據時期創作歌謠 詞/周添旺 曲/鄧雨賢 雨夜花 雨夜花 受風雨吹落地 無人看見 每日怨嗟 花謝落土不再回 雨無情 雨無情 無想阮的前程 並無看顧 軟弱心性 乎阮前途失光明 雨水滴 雨水滴 引阮入受難池 怎樣乎阮 離葉離枝 永遠無人可看見 花落土 花落土 有誰人倘看顧 無情風雨 誤阮前途 花蕊那落欲如何 雨夜花 雨夜花 受風雨吹落地 無人看見 每日怨嗟 花謝落土不再回 雨無情 雨無情 無想阮的前程 並無看顧 軟弱心性 乎阮前途失光明

31. 編號20144 青春嶺 （詞/陳達儒 曲/蘇桐） （1）雙人行到青春嶺 鳥隻唸歌送人行 溪水清清照人影 天然合奏音樂聲 啊 青春嶺 青春嶺頂自由行 （2）嶺頂春花紅白蕊 歡喜春天放心開 蝴蝶春花開得美 花蜂自由亂亂飛 啊 青春嶺 青春嶺頂自由行 （3）春風微微吹嶺頂 四邊無雲天青青 青春歡喜青春走 春色加添咱愛情 啊 青春嶺 青春嶺頂自由行

32. 編號20136 白牡丹 （詞/陳達儒 曲/陳秋霖） （1）白牡丹 笑紋紋 妖嬌含蕊等親君 無憂愁 無怨恨 單守花園一枝春 啊 單守花園一枝春 （2）白牡丹 白花蕊 春風無來花無開 無亂開 無亂美 不願旋藤出牆圍 啊 不願旋藤出牆圍 （3）白牡丹 等君挽 希望惜花頭一層 無嫌早 無嫌慢 甘願給君插花瓶 啊 甘願給君插花瓶

33. 編號20166 農村曲 創作歌謠 詞/陳達儒 曲/蘇桐 透早著出門，天色漸漸光，受苦無人問，行到田中央， 行到田中央，為著顧三當，顧三當，不驚田水冷霜霜。 炎日赤日頭，悽慘日中逗，有時踏水車，有時著蘇草， 希望好日後，每日巡田頭，巡田頭，不驚嘴乾汗那流。 日頭那落山，工課即有煞，有時歸身汗，忍著寒甲熱， 希望好年冬，稻仔快快大，快快大，阮的生活著快活。

34. 《三線路》詞/陳達儒 曲/林綿隆 月色照在三線路　風吹微微　等待的人那未來 心內真可疑　想昧出彼個人　啊～怨嘆月暝 更深無伴獨相思　秋蟬哀啼　月光所照的樹影 加添阮傷悲　心頭酸目屎滴　啊～無聊月暝 敢是註定緣份　所愛的伊　因何乎阮放昧離 夢中來相見　斷腸詩唱昧止　啊～憂愁月暝

35. 編號75179 搖嬰仔歌 { 搖籃歌 }詞：盧雲生　曲：呂泉生 嬰仔嬰嬰睏 一暝大一寸 嬰仔嬰嬰惜 一暝大一尺 搖子日落山 抱子金金看 你是我心肝 驚你受風寒 嬰仔嬰嬰睏 一暝大一寸 嬰仔嬰嬰惜 一暝大一尺 搖子日落山 抱子金金看 你是我心肝 驚你受風寒

36. 編號20206 《望你早歸》詞/那卡諾 曲/楊三郎 每日思念你一人　袂得通相見 親像鴛鴦水鴨不時相隨 無疑會來拆分離 牛郎織女伊二人　每年有相會 怎樣你那一去全然無批　放捨阮孤單一個 若是黃昏月娘要出來的時 加添阮心內悲哀　你要甲阮離開彼一日 也是月要出來的時　阮只好來拜託月娘 替阮講給伊知　講阮每日悲傷流目屎　希望你早一日返來 若是黃昏月娘要出來的時 加添阮心內悲哀　你要甲阮離開彼一日 也是月要出來的時　阮只好來拜託月娘 替阮講給伊知　講阮每日悲傷流目屎　希望你早一日返來

37. 編號20165 補破網 創作歌謠 詞/李臨秋 曲/王雲峰 看著網，目眶紅，破甲即大空，想要補，無半項，誰人知阮苦痛， 今日若將這來放，是永遠無希望，為著前途針活縫，尋傢司補破網。 手提網，頭沉重 悽慘阮一人，意中人，走叨藏 針線來逗幫忙， 枯不利終罔珍動 提網針接西東，天河用線做橋板 全精神補破網。 魚入網，好年冬 歌詩滿魚港，阻風雨，駛孤帆 阮努力無了工， 雨過天睛魚滿港 最快樂咱雙人，今日團圓心花香，從今免補破網。

38. 編號20167 燒肉粽 戰後創作歌謠 詞曲/張邱東松 自悲自嘆歹命人　父母本來真痛疼　給我讀書幾多冬　出業頭路無半項暫時來賣燒肉粽　燒肉粽　燒肉粽　賣燒肉粽要做生意真困難　那無本錢做未動不正行為是不可　所以暫時做這款今著認真賣肉粽　燒肉粽　燒肉粽　賣燒肉粽物件一日一日貴　厝內頭嘴這大堆雙腳走甲要鐵腿　遇著無銷真克虧認真再賣燒肉粽　燒肉粽　燒肉粽　賣燒肉粽　要做大來不敢望　要做小來又無空更深風冷腳手凍　誰人知我的苦痛　環境迫我賣肉粽　燒肉粽　燒肉粽　賣燒肉粽

39. 編號95178 杯底不可飼金魚 創作歌謠 詞曲/呂泉生 飲啦！杯底不可飼金魚，好漢剖腹來相見，拼一步，爽快麼值錢， 飲啦！杯底不可飼金魚，興到食酒免揀時，情投意合上歡喜， 杯底不可飼金魚，朋友弟兄無議論，要哭要笑記在伊， 心情鬱卒若無透，等待何時咱的天啊，哈哈哈 醉落去杯底不可飼金魚 飲啦！杯底不可飼金魚，好漢剖腹來相見，拼一步，爽快麼值錢， 飲啦！杯底不可飼金魚，興到食酒免揀時，情投意合上歡喜， 杯底不可飼金魚，朋友弟兄無議論，要哭要笑記在伊， 心情鬱卒若無透，等待何時咱的天啊，哈哈哈 醉落去杯底不可飼金魚

40. 菅芒花詞/許丙丁 曲/鄧雨賢 (1) 菅芒花白沒香，冷風來搖動 無虛華無美夢，誰人相痛疼 世間人錦上添花，無人來探望 只有月娘清白光明，照阮的迷夢 (2) 菅芒花白沒味，生來不著時 無玉葉無金枝，誰人來合意 世間事鏡花水影，花紅有了時 只有風姨溫柔搖擺，顧阮的腰肢 (3) 菅芒花白文文，出世來寒門 無美貌無青春，誰人來溫存 世間事一場幻夢，船過水無痕 多情金姑來來去去，伴阮過黃昏

41. 編號20210 港都夜雨 戰後創作歌謠 詞/呂傳梓 曲/楊三郎 今日又是風雨微微　異鄉的都市路燈青青照著水滴引阮的悲意 青春男兒不知自己要行叨位去啊～漂流萬里港都夜雨寂寞暝想起當時站在船邊　講到糖蜜甜真正稀奇你我情意煞來拆分離不知何時會來相見前情斷半字啊～海風厭味　港都夜雨落袂離海風冷冷吹痛胸前　漂浪的旅行為著女性費了半生海面做家庭我的心情為你犧牲你那無分明啊～茫茫前程　港都夜雨那袂停

42. 編號20824 安平追想曲 創作歌謠 詞/陳達儒 曲/許石 身穿花紅長洋裝，風吹金髮思情郎，情郎船何往，音信全無通， 伊是行船誅風浪，放阮情難忘，心情無地講，相思寄著海邊風。 海風無情笑阮憨，啊～不知初戀心茫茫。 相思情郎想自己，不知爹親二十年，思念想欲見， 只有金十字，乎阮母親做遺記。 放阮私生兒，聽母初講起，愈想不幸愈哀悲， 到底現在生也死，啊～伊是荷蘭的船醫。 想起母子的運命，心肝想爹也怨爹。 別人有爹疼，阮是母親晟，今日青春孤單影。 全望多情兄。望兄的船隻，早日回歸安平港。 安平純情金小姐，啊～等你入港銅鑼聲。

43. 編號28732 阮若打開心內門窗 (詞：王昶雄　曲：呂泉生) (1)阮若打開心內的門，就會看見五彩的春光，雖然春天無久長，總會暫時消阮滿腹辛酸，春光春光今何在，望你永遠在阮心內，阮若打開心內的門，就會看見五彩的春光。 (2)阮若打開心內的窗，就會看見心愛彼個人，雖然人去樓也空，總會暫時予阮心頭輕鬆，所愛的人今何在，望你永遠在阮心內，阮若打開心內的窗，就會看見心愛彼個人。 (3)阮若打開心內的門，就會看見故鄉的田園，雖然路頭千里遠，總會暫時予阮思念想欲返，故鄉故鄉今何在，望你永遠在阮心內，阮若打開心內的門，就會看見故鄉的田園。 (4)阮若打開心內的窗，就會看見青春的美夢，雖然前途無希望， 總會暫時消阮滿腹怨嘆，青春美夢今何在，望你永遠在阮心內，阮若打開心內的窗，就會看見青春的美夢。

44. 編號20207 淡水暮色（詞/葉俊麟 曲/洪一峰） （1）日頭將要沉落西 水面染五彩 男女老幼塊等待 漁船倒返來 桃色樓窗門半開 琴聲訴悲哀 啊 幽怨的心情無人知 （2）朦朧月色白光線 浮出西帽山 河流水影色變換 海風陣陣寒 一隻小鳥找無伴 歇在船頭岸 啊 美妙的啼叫動心肝 （3）淡水黃昏帶詩意 夜霧罩四邊 教堂鐘聲心空虛 嚮對海面去 埔頂燈光真稀微 閃閃像天星 啊 難忘的情景引心悲

45. 編號20229 《舊情綿綿》詞/葉俊麟 曲/洪一峰 一言說出就要放乎忘記哩 舊情綿綿暝日恰想也是你 明知你是楊花水性　因何偏偏對你鍾情 啊～不想你　不想你　不想你 怎樣我又擱想起　昔日談戀的港邊 青春夢斷你我已經是無望 舊情綿綿心內只想你一人 明知你是有刺野花　因何怎樣我不反悔 啊～不想你　不想你　不想你 怎樣我又每暗夢　彼日談情的樓窗 男子立誓甘願看破來避走 舊情綿綿猶原對你情意厚 明知你是輕薄無情　因何偏偏為你犧牲 啊～不想你　不想你　不想你 怎樣那看黃昏到　著來想你目屎流

46. 編號20945 《思慕的人》詞/葉俊麟 曲/洪一峰 我心內思慕的人　你怎樣離開阮的身邊 叫我為著你　暝日心稀微　深深思慕你 心愛的　緊返來　緊返來阮身邊 有看見思慕的人　站在阮夢中難分難離 引我對著你　更加心綿綿　茫茫過日子 心愛的　緊返來　緊返來阮身邊 好親像思慕的人　優美的歌聲擾亂阮耳 動我想著你　溫柔好情意　聲聲叫著你 心愛的　緊返來　緊返來阮身邊

47. 編號20486 三聲無奈 (作詞：林金池　作曲：黃國隆) (1)一時貪著阿君仔美，痴情目睭格眛眛 為君仔假愛來吃虧，害阮目屎四喃垂(2)二更過了月斜西　想阮那會命即呆 花開全望阿君仔採　無疑僥倖不應該(3)三聲無奈哭悲哀　月娘敢知阮心內 失戀心傷心流目屎　好花變成相思栽

48. 編號20233 生蚵仔嫂（恆春民謠：平埔調、台東調或恆春調 詞/郭大誠 曲/台東調） （1）別人的阿君仔是穿西米囉 阮的阿君仔喂是賣青蚵 人人叫阮是青蚵仔嫂 要吃青蚵仔喂是免驚無 （2）別人的阿君仔是緣投仔送 阮的阿君仔喂是目睭拖窗 生做美醜是免怨嘆 人講歹尪仔喂是吃诀空 （3）別人的阿君仔是住西洋樓 阮的阿君仔喂是睏土腳兜 運命好歹是無計較 若有認真仔喂是會出頭

49. 編號21785 安童哥買菜 戰後創作歌謠 詞曲/劉福助 安童哥仔囉　一時有仔主意　匆匆行利都匆匆去上街到菜市　彼囉菜籃珍仔噹耳噢 安童哥仔囉　雙腳行人到菜市　擱開嘴叫一聲（頭家）目睭喳睨　東平看過來又擱西平看過去　舉一目　噯唷看一見　彼囉肥豬肉肥志志　噯唷瘦的紅記記　我安童開嘴就問起　這囉一斤是要外多錢　殺豬仔兄就應伊　肥的一斤五角二　彼囉瘦的一斤六角四噢　安童哥仔囉　實在有束打　擱順煞買螺肉　返來去煮瘦肉　錢甲伊用給伊乾　順煞買豬腳　買鴨腳　買雞腳安童哥仔囉　水雞善魚虌　恰達項嗎甲意　又擱背未去　煞結帶掩捲仔津噹耳　噯唷東平撞過來又擱西平撞過去　安童哥仔囉　安童買菜真正賢　味素買返來滲湯頭　罐頭酒彼囉五加皮　麥仔酒是要吃熱天　趕緊買買背背返來去噢，安童哥仔囉

50. 《飛快車小姐》 盧雲生詞 呂泉生曲 (1)小姐隨著飛快車，透風落雨暝日行； 無閒可上戀愛嶺，天天為客費心情。 飛快車小姐，飛快車小姐，阮要下車再會啦！(2) 親切給人對號碼，無論老幼少年家； 大家攏有可好坐，走來走去伊一個。 飛快車小姐，飛快車小姐，阮要下車再會啦！ (3)前車後車不時巡，收了新聞提面巾；為著服務惜本分，無嫌車內過青春。 飛快車小姐，飛快車小姐，阮要下車再會啦！ (4)車內天天看人客，看盡天下少年家； 不知小姐心肝底，意中人是叨一個。 飛快車小姐，飛快車小姐，阮要下車再會啦！