Topic: Fingx Jiex Daaih

1. Topic: Fingx Jiex Daaih Text: Hipv^lu Sou 6:7-12 Hebrews 6:7-12 Please turn off your cell phone February 26, 2006

2. 7 Haaix nzong ndeic zanc-zanc duqv mbiungc-wuom longx, gaeng-zuangx ziouc cuotv longx weic tengx zoux ndeic nyei mienh, wuov nzong ndeic duqv Tin-Hungh ceix fuqv. 8 Mv baac haaix nzong ndeic kungx cuotv njimv cuotv miev se maiv lamh longc, aav lamh deix zuqc zioux aqv.Nqa'haav ziouc zuqc douz buov qui nzengc. 9 Hnamv haic nyei gorx-youz aac, maiv gunv yie mbuo hnangv naaiv nor gorngv, yie mbuo sienx dingc weic meih mbuo duqv njoux meih mbuo oix duqv gauh longx nyei sic.

3. 10 Tin-Hungh se baengh fim nyei. Ninh maiv haih la'kuqv meih mbuo zoux nyei gong, yaac maiv la'kuqv meih mbuo bun cing meih mbuo hnamv ninh, dongh meih mbuo tengx ninh nyei mienh yaac zanc-zanc tengx jienv mingh. 11 Yie mbuo oix meih mbuo mouz dauh fih hnangv nyei jorm hnyouv taux setv mueiz weic bun meih mbuo za'gengh duqv dongh meih mbuo maaih lamh hnamv oix duqv nyei.12 Yie mbuo maiv oix meih mbuo lueic, mv baac oix meih mbuo zuotc dongh maaih sienx fim yaac longc noic zuov wuov deix nyei nyungc zeiv ziouc duqv siouc Tin-Hungh laengz bun nyei.

4. Biux Mengh Waac Naaiv douc Ging-Sou se gorngv taux i nyungc longc jienv nyei jauv taux mbuo Giduc Mienh nyei maengc: (1) Mbuo nyei maengc haih nyiemc se oix zuqc maaih Tin-Hungh nyei waac yungz. (2) Mbuo oix zuqc jorm hnyouv fuh sux taux setv mueiz nyei hnoi.

5. I. Hnyouv Nyiemz Fai Fingv Jiex DaaihHnyouv haih duqv nyiemz fingv jiex daaih nyei mienh se oix zuqc buatc Tin-Hungh se Tin-Hungh. Se maiv zeiz buatc Tin-Hungh benx zienh fai mbuo nyei zunc nzuih mienh. Loz-hnoi nyei mienh buatc Tin-Hungh se hnangv naaiv, “Yie buatcZiouv zueiz jienv liepc faaux hlang nyei weic.” (I^saa^yaa 6:1)

6. Fin mbuo nyei hnyouv haih duqv nyiemz fingv jiez daaih, mbuo oix zuqc hiuv duqv ganh se nqaai (hiuv duqv ganh se zuiz mienh cingx qiemx zuqc njoux Ziouv). Ziouv bun mbuo nyei hnyouv nyiemz fingv jiez daaih se gorngv mbuo buatc Tin-Hungh se Tin-Hungh, mbuo yaac laengz bun Ninh zoux Ziouv gunv mbuo nyei maengz. Laengz muangx Ninh nyei waac, yaac zoux ei Ninh mbuox mbuo nyei jauv yiem Ging-Sou.

7. Se gorngv mbuo buatc Tin-Hungh hnangv mbuo horpc zuqc buatc nyei, Tin-Hungh se cing-nzengc, Nernh jiex nyei Ziouv, maiv zeiz mbuo zunc nzuih nyei mienh, mbuo sienx Tin-Hungh nyei mienh nyei sienx fim gengh oix goiv yienc nzengc, mbuo nyei hnyouv yaac duqv fingv jiex daaih.

8. Mbuo yaac buatc mbuo ganh nyei zuiz yaac hiuv duqv mbuo ganh ndongc haaix nyei maiv cing-nzengc. Dongh mienh maiv goiv hnyouv nzuonx daaih lorz Tin-Hungh, bun Tin-Hungh sortv guangc ninh mbuo nyei zuiz nyei mienh se, weic zuqc mbuo nyei hnyouv maiv nyiemz fingv jiez daaih. Ninh mbuo maiv duqv buatc Tin-Hungh se benx cing-nzengc nyei Tin-Hungh.

9. Mbuo sienx Tin-Hungh nyei mienh maaih camv nyei dorh Tin-Hungh daaih zoux mbuo nyei zunc nzuih mienh. Naaiv nyungc mienh, mbuo muangx ninh mbuo daux gaux gauh kungx se “tov naaiv tov wuov”, yaac gorngv mbuox Tin-Hungh “bun naaiv bun wuov… zorc naaiv dauh zorc wuov dauh longx…tengx naaiv tengx wuov” maiv hnamv taux dongh ninh tov nyei se Tin-Hungh nyei eix nyei fai. Longx henv nyei ziangh hoc, maiv jangx taux Tin-Hungh nyei en nziex mbuo, maiv hnamv taux laengz zingh Tin-Hungh nyei jauv. Maaih sic cingx daaih, daaih lorz Tin-Hungh zunc Ninh tengx mbuo hnangv.

10. (1) Ging-Sou gorngv, “…weic zuqc mbuo hiuv duqv mbuo ei jienv ninh nyei eix tov haaix nyungc, ninh oix muangx mbuo.” (1 Yo^han 5:14) (2) Gengh zien nyei, se gorngv mbuo maiv ei Ziouv nyei za’eix tov. Mbuo maiv haih zipv mbuo qiemx zuqc nyei jauv. Mbuo oix zuqc zaah mangc gaax mbuo tov nyei se Tin-Hungh nyei eix nyei fai. Doic Ging-Sou tov nyei fai? (mangc gaax Baulo nyei daux gaux; E^fe^so 1:16-19; Fi^lipv^poi 1:3-9; Ko^lo^si 1:9-11)

11. Oix zuqc gengh faix fim nyei tov ei Ziouv nyei eix (Ziouv nyei eix se yiem Ging-Sou gu’nyuoz). Mbuo oix Ziouv eix, mbuo oix zuqc muangx Ging-Sou njaaux mbuo. • Zeix daaih nyei mienh (“creation”) maiv haih zunc zeix wuov dauh Ziouv (“Creator”).

12. II. Fingx Jiex Daaih Nyei Nyungc Zeiv I^saa^yaa gorngv, dongh “Utc^si^yaa Hungh jiex seix wuov hnyangx, yie buatc Ziouv zueiz jienv liepc faaux hlang nyei weic. Ninh nyei lui-siaam-jieqv buangv zangc Ziouv nyei biauv. Yiem ninh gu’nguaaic maaih Se^laa^fim souv jienv. Dauh dauh maaih juqv kuaaiv ndaatv, longc i kuaaiv ndaatv buang hmien, i kuaaiv buang zaux, i kuaaiv longc ndaix. (I^saa^yaa 6:1-2)

13. Ninh mbuo naaiv dauh heuc wuov dauh gorngv, “Cing-nzengc, Cing-nzengc, Cing-nzengc, se Nernh Jiex nyei Ziouv. Ninh nyei njang-laangc buangv lungh ndiev.” Weic ninh heuc nyei qiex mbui, gaengh nyei gorn-ndoqv dongz. Sioux yaac buangv zangc Ziouv nyei biauv. (I^saa^yaa 6:3-4)

14. Wuov zanc yie gorngv, “Yie Zuqc kouv aqv. Yie zungv zuqc mietc. Yie se nzuih meix maiv cing-nzengc nyei mienh. Yie yaac yiem nzuih meix maiv cing-nzengc nyei baeqc fingx mbu’ndongx. Weic zuqc yie nyei m’zing duqv buatc Hungh Diex. Se Nern Jiex nyei Ziouv.” Maaih dauh wuov deix Se^laa^fim ndaix daaih lorz yie. Yiem ninh nyei buoz maaih zieqc jienv nyei douz-taanx. Se longc hlieqv-njapv yiem ziec-dorngh njapv daaih nyei douz-taanx. (I^saa^yaa 6: 5-6)

15. Ninh bun naaiv norm douz-taanx zuqc yie nyei nzuih meix ziouc gorngv, “Maangc maah! Naaiv norm douz-taanx zuqc meih nyei nzuih meix, meih zoux dorngc nyei sic ziouc duqv zorqv nqoi mi’aqv. Meih nyei zuiz yaac duqv guangc liuz aqv.” Yie aengx haiz Ziouv nyei qiex gorngv, “Yie oix zuqc paaiv haaix dauh mingh? Haaix dauh oix weic yie mbuo mingh?” Yie ziouc gorngv, “Yie yiem naaiv. Tov paaiv yie mingh.” (I^saa^yaa 6:7-8)

16. Mangc Yopv 42:1-6 Yopv ziouc dau Ziouv, Yie hiuv duqv maanc sic meih haih zoux nyei. Meih nyei yietc zungv za’eix maiv maaih haaix nyungc haih dangv jienv. Meih naaic yie, “Naaiv haaix dauh longc maiv maaih cong-mengh nyei mienh gem jienv yie nyei za’eix? Weic naaiv yie gorngv yie maiv mengh baeqc nyei sic, se mbuoqc horngh haic nyei sic, zungv jiex ndaangc yie haih hiuv nyei.” (vs.1-3)

17. Meih gorngv, ‘Muangx yie maah! Yie oix gorngv. Yie oix naaic meih, tov meih dau yie. Zinh ndaangc yie nyei m’normh haiz mienh gorngv taux meih, mv baac ih zanc yie nyei m’zing duqv buatc meih. Weic naaiv yie youx yie ganh, goiv hnyouv zueiz jienv nie-mbung caux saaiv-ndui.” (vs.4-6)

18. Mangc Cuotv^I^yipv 3:3-6 Mose yiem hnyouv hnamv, “Aa, yie mingh fatv deix mangc gaax naaiv deix mbuoqc horngh nyei sic. Douz weic haaix diuc maiv zieqc ndiangx-dorn-fomv?” Tin-Hungh ziouc yiem wuov ndiangx-dorn-fomv heuc, “Mose aah, Mose!” Mose dau, “Yie yiem naaiv oc.” (vs.3-4)

19. Tin-Hungh gorngv mbuox ninh, “Meih maiv dungx daaih gauh fatv aqv. Oix zuqc tutv nqoi heh. Meih ih zanc souv jienv naaiv deix dorngx se cing-nzengc nyei ndau. Yie zoux meih nyei ong-taaix nyei Tin-Hungh, se Apc^laa^ham, Isakc, caux Yaakopv nyei Tin-Hungh.” Mose ziouc buang jienv hmien, gamh nziex maiv mangc Tin-Hungh. (vs. 5-6)

20. Mangc Gong-Zoh 9:1-16 Sau^lo mingh, aav lamh deix taux Ndaa^matv^gatc Zingh. Liemh zeih yiem wuov lungh cuotv norm domh njang ziux njiec gormx Sau^lo nyei sin. Ninh Ziouc king njiec ndau, yaac haiz gorngv, “Sau^lo aah! Sau^lo! Meih weic haaix diuc zoux doqc bun yie?”(vs. 3-4)

21. Sau^lo ziouc naaic gaax, “Ziouv aah, meih dongh haaix dauh?” Sau^lo aengx haiz waac dau ninh, “Yie se Yesu, dongh meih zoux doqc wuov dauh. Ninh sin jinx nzengc yaac mbuoqc horngh, naaic gaax Ziouv, Meih oix yie zoux haaix nyungc? Ziouv gorng mbuox ninh, jiez sin daaih bieqc zingh aqv. Meih oix zuqc zoux nyei ziouc maaih mienh mbuox meih. (vs. 5-6)

22. Mangc Laauc Yaangh 1:10-18 Maaih norm Ziouv nyei hnoi, singx lingx gunv jienv yie, yie ziouc haiz yiem yie nqa’haav maengx maaih qiex gorngv waac hnangv nzatc nor mbui. Haiz gorngv, “Meih buatc nyei sic oix zuqc fiev jienv sou-njunc, jiux mingh bun naaiv deix siec norm zingh nyei jiu-baang…(Vs. 10-11)

23. Yie huin nzuonx mangc gaax haaix dauh caux yie gorngv waac ziouc buatc siec norm don dang nyei jiem-jaax. Yiem wuov deix jaax mbu’ndongx maaih dauh hnangv baamh mienh nor, zuqv jienv liu-ndaauv suoh taux zaux mingh. Yie yietv buatc ninh, Yie ziouc king njiec ninh nyei zaux-hlen hnangv daic mi’aqv nor. Ninh ziouc longc ninh nyei mbiaauc jieqv buoz maan jienv yie yaac gorngv, “Maiv dungx gamh nziex. Yie zoux Gorn yaac zoux Setv Mueiz. (vs. 12-17)

24. Yaac zoux Ziangh Jienv Wuov Dauh. Yie daic mingh mv baac mangc gaax, ih zanc yie yietc liuz ziangh jienv taux maanc gouv maanc doic. Yie yaac maaih lingc gunv daic nyei jauv yaac gunv yiemh gen. 19. “ Meih oix zuqc fiev jienv meih buatc jiex nyei, caux ih zanc buatc nyei, caux nqa’haav hingv oix cuotv daaih nyei sic. (vs. 18-19)

25. Mbuo horpc buatc Tin-Hungh hnangv naaiv

26. Yesu gorngv taux ninh nyei domh qaqv (Matv^taai 24:30-31)

27. Se gorngv mbuo buatc Tin-Hungh hnangv naaiv deix mienh yiem Ging-Sou buatc Tin-Hungh nor: Mbuo yaac zieqv duqv gorngv hnangv I^saa^yaa nor zuqc kouv aqv cuotv liuz Ziouv korh lienh mbuo, Zingx nyei zieqv duqv ganh nyei zuiz.

28. (1) Mbuo yaac hnangv Yopv gorngv nor, “yie nyei m’zing duqv buatc liuz meih” mbuo yaac youx mbuo ganh, yaac goiv hnyouv guangc mbuo nyei zuiz. (2) Mbuo yaac hnangv Mose nor “buang jienv hmien, gamh nziex maiv mangc Tin-Hungh.” (3) Yaac hnangv Sau^lo nor, king njiec ndau mingh yaac naaic gaax Ziouv oix mbuo zoux haaix nyungc.

29. Yaac hnangv Yo^han nor “king njiec ninh nyei zaux-hlen hnangv daic mi’aqv nor” (2)Naaiv deix mienh buatc Tin-Hungh se Tin-Hungh. Se gorngv mbuo buatc ninh se Tin-Hungh nor mbuo nyei maengc yaac fih hnangv nyei, maiv hnangv loz wuov nor aqv.

30. III. Hnyouv Nyiemc Fingv Jiex Nyei Mienh • Zieqv duqv mbuo ganh se zuiz-mienh (Isaiah 6:5) • Nyiemc mbuo zoux dorngc nyei sic (Lugaa 19:1-10). • Maiv aengx zoux jienv zuiz mingh (1 Yo^han 3:6) • A’hneiv jorm hnyouv fuh sux Tin-Hungh (Acts 3:1-10) • Maaih hnyouv laengz zingh Tin-Hungh (Lugaa 17:11-19) • Ngorc oix hlo yiem Tin-Hungh nyei jauv (1 Bide 2:2) • Jorm hnyouv hoqc Ging-Sou (Gong-Zoh 2:44-47)

31. Nzutv Norz Waac Yiem naaiv mingh bun mbuo hnangv naaiv deix mienh nor, nyiemc mbuo zoux dorngc nyei sic bun Tin-Hungh, tov ninh guangc mbuo nyei zuiz, yaac bun mbuo jorm hnyouv nyei fuh sux Tin-Hungh, laengz zingh Ninh nyei en. Tov Tin-Hungh tengx mbuo nyei hnyouv haih nyiemc daaih.