Eus eige leedsjes
This presentation is the property of its rightful owner.
Sponsored Links
1 / 12

Eus eige leedsjes PowerPoint PPT Presentation


  • 63 Views
  • Uploaded on
  • Presentation posted in: General

Eus eige leedsjes. Deil 13. Aprèl 2011. Klikke um wijjer te goon. En boeveur zouwe veer treure Kalvarie is zoe groet. Vaan achter mèt twie deure Vaan väöre mèt 'n poort. En boeveur zouwe veer treure Kalvarie is zoe groet. Vaan väöre mèt twie deure Vaan achtere mèt 'n poort.

Download Presentation

Eus eige leedsjes

An Image/Link below is provided (as is) to download presentation

Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author.While downloading, if for some reason you are not able to download a presentation, the publisher may have deleted the file from their server.


- - - - - - - - - - - - - - - - - - - - - - - - - - E N D - - - - - - - - - - - - - - - - - - - - - - - - - -

Presentation Transcript


Eus eige leedsjes

Eus eige leedsjes

Deil 13

Aprèl 2011

Klikke um wijjer te goon


Eus eige leedsjes

En boeveur zouwe veer treure

Kalvarie is zoe groet.

Vaan achter mèt twie deure

Vaan väöre mèt 'n poort.

En boeveur zouwe veer treure

Kalvarie is zoe groet.

Vaan väöre mèt twie deure

Vaan achtere mèt 'n poort.

En boeveur zouw iech treure

Iech höb nog geine maan.

Deen tied dee kin nog kómme

Dat iech treure kaan.

Op de Zabstraot laog Kalvarie of Klevarie wie

me ouch zag. In ’t kómpleks laog ónder aandere

e kraankehoes. ‘t Had ‘n apaarte aofdeiling veur kraanke mèt ‘n besmettelike krenkde en veur

kraanke die geistelik neet in orde waore.

Ouch waor dao e gestiech boe aw mennekes en

aw vruikes verzörreg woorte. Die luijkes zaote es

bezeuk kaom (es ze neet bèdlegerig waore) in

‘ne zedeleer op ‘n rijj nevenein.

Manne en vrouwe woorte op Klevarie strik

gesjeije gehawwe, de manne op de mannezaole,

de vrouwe op de vrouwezaole.


Eus eige leedsjes

Me zuster heet 'n nylon bloes

Dao zit vaan alles in

En dee 't neet geluive wèlt

Dee knip dao mer ins in.

Falderie-faldera

Falderie-faldera-ha-ha-ha-ha-ha

Falderie-faldera

Dee knip dao mer ins in.

Perresjuuts woorte vreuger gemaak vaan perresjuutzijj. Mer in 1938 vónt Charles Stine (dirrekteur vaan Dupont) nylon oet. Dat woort vaanaof deen tied in Amerika gebruuk um perresjuuts te make. De Amerikaonse piejotte, die hijj bijj de bevrijjing landde, lete hunne perresjuut achter op de plaots boe ze neer gekómme waore. De bevolleking vónt dat mer wat fijn want noe kóste zie die dinger mètnumme en ziech vaan alles devaan make ! Klèdsjes, pijamaas, bloeze, kemuniekleijer, jao, zellefs broedskleijer woorte devaan gemaak. Vermoedelik is die nylon bloes oet 't leedsje ouch oets ins e stök vaan ‘ne perresjuut gewees !


Eus eige leedsjes

Nog e leedsje euver ‘nen danszaol:

Miene leefste heet gezag

iech maag neet mèt goon.

En noe is heer

mèt 'n aander

nao DeSjattoo.

Miene leefste heet gezag

iech maag neet mèt goon.

En noe is heer

mèt 'n aander

nao DeSjattoo.

DeSjattoo laog achter de Barakke. Deen danszaol woort zoe geneump nao de vrouw vaan d 'n eigeneer, Pie Lardinoij. Die hètde “Duchateau”.In 't Mestreechs woort dat oetgesproke es ”DeSjattoo”. Geine zag: "Veer goon danse bijj Pie Lardinoij”, ederein had 't euver danse bijj DeSjattoo. D'n ölleger vaan die zaak waos geweldig groet en gaof e flink geluid. De meziek huurde me boete zoe good tot hiel get luij neet allein binne mer ouch boete op de stóp dansde *). Miene pa zaoliger, gebore in 1910, heet miech vertèld tot gans Mestreech vreuger góng danse bijj "DeSjattoo”.

*) Dit weurt aongehaold in ”De Limburger” vaan6 aprèl 1966


Eus eige leedsjes

Wee in jannewarie gebore is,

steit op.

Wee in jannewarie gebore is,

steit op.

Wee in jannewarie gebore is,

dee krijg vaan miech 'n gedachtenis. Staank op, staank op, staank op.

Staank op, staank op, staank op.

E leedsje dat väöl op fieste gezónge woort. Me begós

mèt jannewarie en vervolleges kaome alle maonde aon

de beurt, tot ederein rech stónt. Nao “desember” zóng

me ‘t lèste koeplèt :

Wee noe nog neet gebore is,

steit op.

Wee noe nog neet gebore is,

steit op.

Wee noe nog neet gebore is

dee nump ze glaas al vaan d'n dis.

Drink oet, drink oet, drink oet.

Drink oet, drink oet, drink oet.

Later höbbe väöl femilies veur dit soort fieste ‘nen eige

teks gemaak. E bitteke in d’n trant vaan ”Wee noe nog geine kletskop heet, steit op” of d’r woort ‘t geboortejaor geneump um op te stoon. Miejer oetlèk euver dit leedsje volleg hijjnao.


Eus eige leedsjes

Wee in jannewarie geboren is

Wie al gezag is dit e leedsje, dat vreuger väöl op broelofte en kemuniefieste gezónge woort. ’t Waor neet allein in Mestreech mer in gans Nederland bekind. Me zóng ’t in ’t eige dialek of in ’t Nederlands.

Noe de historie vaan dit leedsje ! De oersprunkelike wijs kaom vaan e Frans leedsje dat weer gebruukis veur ’n Oranjeleedsje. Wat waor ‘t geval ? Ach daog nao d’n doed vaan ziene pa Stadhawwer PrinsWillem II (6 November 1650) woort Stadhawwer Willem III gebore. Toen is dit leedsje gemaak.Me zóng in deen tied neet “Wee in jannewarie gebore is” mer

Al is ons Prinsje nog zoo kleyn ---- hoezee ! Klikke op ‘t luidsprekerke

Al evel sal ie stadhouder sijn ---- hoezee !

En al is ons Prinsje nog so kleyn,

Al evel sal ‘t Oranje sijn !

Vivat Oranje! Hoezee.

Vivat Oranje! Hoezee.

‘t Waor in deen tied naomelik neet zeker of dee bebie oets ‘t amb vaan ziene pa, dus Stadhawwer,zouw bekleije gezeen de polletieke situasie.

Volleges ‘t “Meertensinstituut”, dat ziech bezig hèlt mèt ‘t vaslègke vaan eus taol en kultuur zien opdees wijs in de loup vaan d’n tied zoe ’n 350 versjèllende tekste bekind.

In 1813 bijjveurbeeld, toen de Franse tróppe vaan Napoleóng weer oet eus land móste vertrèkke,zónge de luij op dees milledie: 

Bonaparte is op de vlucht gegaan ------- hoezee ! Kikke op ‘t luidsprekerke

Al met zijn twaalfhonderd man -------- hoezee !

Kinners¹) vaan aw Nederlandse leedsjes meine tot ‘t woord “Hoezee” in de 18e iew vaanoet Pole viaIngeland in Nederland beland is. In Pole zagte ze naomelik “Hussa”. Ónderweeg veraanderde ‘t woordvaan Hussa→Huzza→Huzzee→Houzee→ in .... Hoezee.

Diezellefde kinners zègke ouch tot ‘t leedsje oet 1650 oersprunkelik allein oet de 2 ierste regelkes bestónt ! ²)

Bronne: ¹) In ‘t blaad “Den Navorser” deel X (1860) aongehaold door J. ter Gouw.

²) J. ter Gouw in “Volksvermaken” oet 1871


Eus eige leedsjes

En op de Amsterdamse brök

Dao ligke de meidskes

op hunne rök

En dao kinne veer fietse

En dao kinne veer fietse

Wat e gelök.

En wee de pes in heet

stik z'ne vinger mer ins op.

En wee de pes in heet

stik z'ne vinger mer ins op.

Meer haw d'n hónd vas,

tot 'r miech neet bit.

Bit 'r miech, iech zèk 't diech

doezend gölle kos 't diech.

Meer haw d'n hónd vas

tot 'r miech neet bit !

Es ‘n hermenie trommelentere door de straote

leep mèt ‘n struip luij d’r achteraon woort dit

leedsje dèks gezónge. Wee d’n hónd mós vashawwe wisselde, sóms waor peer de klos mer Sjang en meer höbbe ‘m ouch al vas mote hawwe.


Eus eige leedsjes

De milledie vaan dit leedsje is gekómponeerd door Gustave

Goublier in ‘t begin vaan de 20e iew. Oersprunkelik hètde ‘t : ”Le credo du paysan” en ‘t waor e zier reliezjeus leed.

Tinus had ‘nen hoege nómmer getrokke,

heer mós goon dene noe es seldaot.

't Ganse hoes dat laog 't underste bove,

't ganse dörrep waor ten einde raod.

D'n awwen os,

dee leet ziech neet mie mèlleke,

De roejen haon,

dee lag gein eijer mie.

En Triene stónt in 'nen hook te beuke:

“M'ne leve Tinus, zeen iech diech daan noets mie ?”

Refrein : Triene mie keend,

iech zal diech noets vergete.

Diech blijfs veur miech op eerd

altied 't mieste weerd !

Wied vaan diech weg

heet miech 't lot gesmete.

Diech blijfs veur miech op eerd

altied 't mieste weerd !

Diech blijfs veur miech op eerd

altied 't mieste weerd !

Wied vaan de bös en vaan de heuvelklinge,

wied vaan de häöf en vaan de modderpeul.

Wied van de weije boe v'r appele gónge stele,

wied vaan dat alles bin iech noe gesjeijd !

Wied vaan mien Triene,

boe iech zoe dèks mèt praotde,

Wied vaan de plaots

boe iech häör 't ierste zaog.

Wied vaan de plek, boe 'ch ‘t levensleech aonsjouwde,

wied vaan dat alles bin iech noe gesjeijd !


Eus eige leedsjes

Kin d'r miech neet zègke boe de wijsvrouw woent

en boe de wijsvrouw woent,

en boe de wijsvrouw *) woent.

Kin d'r miech neet zègke boe de wijsvrouw woent

en boe de wijsvrouw woent.

En de wijsvrouw die woent al in de Hejjestraot,

al in de Heijjestraot,

al in de Heijjestraot.

De wijsvrouw die woent al in de Heijjestraot

al in de Heijjestraot.

*) wijsvrouw = vroedvrouw

Dit leedsje is ‘n ”live-opnaome”. ’t Woort m’ch örreges veurgezónge door ‘ne zier verzörregde hier dee al wiedin de tachetig waor.Op d’n achtergrónd huurt geer ‘ne piano en luij praote.

Heer vertèlde tot zien ma altied nog e koeplètsje in ‘t Hollands debijj zóng. Dat klónk get minder netjes zag heer mer geer hoof uuch neet te versjrikke, hijj kump ‘t :

Ik zou haar niet begeren

met haar gat vol zweren

als ik jonkman was, al als ik jonkman was.

Ik zou haar niet begeren

met haar gat vol zweren

als ik jonkman was.


Eus eige leedsjes

Merie heet gein brook aon

Sjeng heet ze mèt nao de Peel

Merie heet gein brook aon

Sjeng dreijt ze um z'ne sjöppesteel

De jaore tösse 1929 en 1940 woorte de “krisisjaore”

geneump. In 1936 zaot eine op de veer wèrrekluij (zoe 'n 480.000 in gans Nederland) mie es e jaor toes zónder wèrrek. Wee gei wèrrek had kraog wèrrekeloezegeld, steun geneump en es tegeprestasie mós dee persoen dèks in e wèrrekversjaffings-projek goon wèrreke. In Limburg waor dat bijjveurbeeld 't óntginne vaan de Peel. Óngeach wat veur beroop me had woort dao door de wèrrekeloeze mèt sjöp en bikkel gróndwèrrek verriech.

In 't leedsje oet deen tied dreijt Sjeng ziech Merie häör brook um ziene sjöppesteel. Dat deit heer um gein kweerte *) aon zien han te kriege.

*) Kweerte zien eeltplekke


Eus eige leedsjes

Zoe waor ‘t Op de wijs vaan “Lili Marleen”

Saoves es de steerkes aon d'n hiemel stoon

kin iech mèt mie meidske

ins lekker vrijje goon.

En sjijnt 't mäönsje us in 't geziech

daan zèk iech : "Sjat, de bis vaan miech.

Vaan miech biste noe allein

en aanders wèl iech gein".

Es veer daan zoe loupe same nevenein

en avventouw ouch

stèl ins blieve stoon.

Daan striek iech häör ins in 't geziech

en zèk iech : "Sjat, de bis vaan miech.

Vaan miech biste noe allein

en aanders wèl iech gein".

Hure veer 't daan tien, èllef ore sloon

weurt 't langsaam tied

um weer nao hoes te goon.

't Aofsjeid dat vèlt miech lang neet liech

mer daan zèk iech : "Sjat de bis vaan miech.

Vaan miech biste noe allein

en aanders wèl iech gein".

D’n teks vaan “Lili Marleen” is in 1915 gemaak door ‘nen Duitse

seldaot, Hans Leip. Heer sjreef ‘t es gediech veurtot heer nao ‘t

Russies frónt vertrok. Zien vrundin hètde Lili en ‘n verpleegster die heer kós Marleen,vendao. Jaore later heet Norbert Schultze deen teks op meziek gezat. In d’n 2e Wereldoorlog woort ‘t zier bekind en gezónge door Duitsers en Geallieerde.


Eus eige leedsjes

VELDEKE KRINK MESTREECH

stónt miech welwèllend touw

de pleetsjes vaan hun leesplenkske te gebruke.

Hijjveur mienen daank.

Wèlt geer miejer weite euver de achtergrónde vaan de leedsjes?

Gaot daan eve naoww.xs4all.nl/~hfeij

Dao stoon ze ouch op alfabet en kint geer zoe gemekelik eur leedsje vinde.

Es geer dink tot geer nog mattriaol höb, wat iech zouw kinne gebruke,zouwt geer dat daan wèlle sjikke nao

[email protected] uuch !


  • Login