Chista notti di Natali

1. Chista notti di Natali Chista notti di Natali                                                                          è la stessa puru st’annu                                                                                   e perpetua l’amuri                                                                                  di dumila anni fa.                                                                                      E quant’anchi su passati                                                                          L’angarìi di li patruna,                                                                          la bistecca, u pani biancu,                                                                        l’atomobili, la luna,                                                                                  ‘un suddisfanu stu cori                    chi anzi servu d’iddu stessu                    ogni jornu chiù chi mai                    a tantuni va circannu.                Chista notti di Natali                è la stessa puru st’annu                     Chista notti di Natali                    chi nascìu lu Bammineddu,                    c’è cu canta, c’è cu arridi                    c’è cu l’odiu si teni.                     c’è cu preia nta li chiesi                    c’è cu mori di lu friddu                    c’è cu mancia gucciddati                    c’è cu è sulu e abbannunatu.                Chista notti di Natali               è la stessa puru st’annu                     Chista notti di Natali                    quannu sonanu i campani                    fussi bellu s’ognedunu                    si vutassi cu nemicu,                     e strincennucci la manu                    cci dicissi cu lu cori:                    è la notti di Natali,                    semmu amici cchiù di prima!                Chista notti di Natali               è la stessa puru st’annu Piero Leone, ‘70