ᐃᖏᕐᕋᔫᓕᕆᔨᒃᑯᑦ ᑲᓇᑕᒥ

1. ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑭᖑᓪᓕᖅᐹᖅᓯᐅᒻᒥᒃ ᑐᓵᔭᐅᑎᑦᓯᓂᖅ ᐋᒡᓂᑰ ᐄᒍᓪ ᒪᐃᓐᔅ ᓕᒥᑎᑦ – ᒥᓕᐊᑕᐃᓐᑯᑦ ᒎᓗᓯᐅᕐᓂᖏᑦ ᐊᐅᒡᒍᓯ 21 – 27, 2014 ᑲᖏᖅᓯᓂᖅ, ᓄᓇᕗᑦ

2. ᖃᓄᐃᑦᑑᓂᖏᑦ ᐅᖃᐅᓯᐅᓛᖅᑐᑦ ᐃᖏᕐᕋᔫᓕᕆᔨᒃᑯᑦ ᑲᓇᑕᒥ (TC) ᐱᓕᕆᓂᖏᑦ ᐊᒻᒪᓗ ᐃᓚᐅᖃᑕᐅᓂᖏᑦ ᑕᒪᑐᒧᖓ ᕿᒥᕐᕈᓂᕐᒧᑦ ᐱᓕᕆᔪᖃᖅᑎᓪᓗᒍ ᐃᖏᕐᕋᔫᓕᕆᔨᒃᑯᑦ ᑲᒪᒋᔭᕆᐊᓕᖏᑦ ᐊᒻᒪᓗ ᓇᐅᒃᑯᑦ ᖃᐅᔨᒪᒻᒪᕆᑦᑐᖁᑎᖃᕐᓂᖏᑦ • ᐃᒫᓃᑦᑐᓄᑦ ᐃᖏᕐᕋᔫᓄᑦ ᐊᑦᑕᓇᖅᑐᒦᑎᑦᓯᑦᑕᐃᓕᒪᓂᖅ ᐱᕋᔭᑕᐅᑦᑕᐃᓕᒪᔪᓕᕆᓂᖅ • ᓇᐅᑦᑰᕕᑦᓴᐃᑦ ᓴᐳᔾᔭᐅᓯᒪᖃᑦᑕᕐᓂᖏᑦ • ᐃᖏᕐᕋᔫᒃᑰᖅᑎᑕᐅᓂᖏᑦ ᐊᑦᑕᓇᖅᑐᖃᖅᑐᑦ ᐱᓗᐊᕐᓂᖏᓐᓂᒃ ᐅᖃᐅᓯᖃᕐᓂᖅ ᐊᑐᓕᖁᔭᐅᔪᓂᒃ ᒪᑐᓯᕙᓪᓕᐊ ᐅᖃᐅᓯᑦᓴᐃᑦ

3. ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᐱᓕᕆᒍᒫᕐᓂᐊᖅᑕᖏᑦ ᒥᓂᔅᑕᕆᔭᐅᔪᖅ ᐃᖏᕐᕋᔫᓕᕆᔨᒃᑯᓐᓄᑦ ᑲᓇᑕᒥ ᑲᒪᒋᔭᖃᖅᑯᖅ ᒥᓂᔅᑕᐅᓂᕐᒧᑦ ᐊᕙᑎᓕᕆᓂᕐᒧᑦ ᖃᐅᔨᓴᖅᑕᐅᑎᑦᓯᓂᕐᒧᑦ ᑕᐃᑯᖓ ᐋᒡᓂᑰ ᐄᒍᓪ ᒪᐃᓐᔅ−ᑯᓐᓄᑦ (ᐋᒡᓂᑰ ᐄᒍᓪ ᒪᐃᓐᔅ−ᑯᑦ) ᒥᓕᐊᑕᐃᓐ ᒎᓗᑦᓯᐅᓂᕐᒧᑦ. ᐱᑕᖃᖅᑎᑦᓯᓂᖅ ᒐᕙᒪᑐᖃᒃᑯᑦ ᖃᐅᔨᒪᒻᒪᕆᑦᑐᖁᑎᖏᓐᓂᒃ ᐊᒻᒪᓗ ᐃᖅᑲᓇᐃᔭᖅᑎᒻᒪᕆᓐᓂᒃ ᑕᐃᒃᑯᓄᖓ ᓄᓇᕗᒻᒥ ᐊᕙᑎᓕᕆᔨᒃᑯᓐᓄᑦ ᐊᒥᓱᓂᒃ ᐱᒻᒪᕆᐅᔪᓂᒃ ᐱᓕᕆᐊᑦᓴᒧᑦ ᐊᑦᑐᐊᔪᓂᒃ ᑐᕌᖓᓂᖃᖅᑐᓄᑦ ᑲᓇᑕᒥ ᐅᒥᐊᕐᔪᐊᒃᑰᑎᑦᓯᓂᕐᒧᑦ ᒪᓕᒐᕐᓄᑦ, 2001 (CSA, 2001), ᓇᐅᒃᑰᕕᑦᓴᐃᑦ ᓴᐳᔾᔭᐅᓯᒪᓂᖏᓐᓄᑦ ᒪᓕᒐᖅ (NPA), ᐃᒪᕕᒻᒥ ᐃᖏᕐᕋᔫᒃᑯᑎᑦᓯᓂᕐᒧᑦ ᓴᐳᔾᔨᓯᒪᓂᕐᒧᑦ ᒪᓕᒐᖅ (MTSA), ᐊᒻᒪᓗ ᐃᖏᕐᕋᔫᒃᑰᑎᑦᓯᓂᕐᒧᑦ ᐊᑦᑕᓇᖅᑐᓂᒃ ᒪᓕᒐᖅ, 1992 (TDGA).

4. ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᑲᒪᒋᒍᒫᕐᓂᐊᖅᑕᖏᑦ ᓴᖅᑭᔮᖅᑎᑦᓯᓂᕐᒥᒃ ᐋᖅᑭᑦᓯᒪᑦᓯᐊᖅᑐᒥᒃ ᐃᖏᕐᕋᔫᓕᕆᓂᕐᒥᒃ ᐊᑦᑕᓇᓐᖏᑦᑐᒥᒃ, ᓴᐳᔾᔭᐅᓯᒪᓇᖅᑐᒥᒃ, ᐃᖏᕐᕋᓯᐊᖅᑐᒥᒃ, ᐊᒻᒪᓗ ᐊᕙᑎᑦᑎᓐᓂᒃ ᐃᑉᐱᒍᓱᑦᓯᐊᖅᑐᒥᒃ. ᑲᒪᒋᔭᖃᖅᑐᖅ ᐃᖏᕐᕋᔫᓕᕆᓂᕐᒧᑦ ᒪᓕᒐᓕᐊᖑᓯᒪᔪᓂᒃ, ᐱᖁᔭᓂᒃ ᐊᒻᒪᓗ ᐱᓕᕆᐊᑦᓴᓕᐊᖑᓯᒪᔪᓂᒃ ᓴᓇᒪᔪᓂᒃ ᐱᑕᖃᑦᓯᐊᖁᓪᓗᒍ ᐊᑦᑕᓇᓐᖏᑦᑐᓂᒃ ᐊᐅᓚᓂᖏᓐᓂᒃ ᑕᒪᒃᑯᓄᖓ ᖃᖓᑕᔫᓄᑦ, ᓄᓇᓯᐅᑎᑯᑖᓄᑦ, ᐅᒥᐊᕐᔪᐊᓄᑦ ᐊᒻᒪᓗ ᐅᓯᖃᑦᑕᕈᑎᓄᑦ ᑲᓕᒐᕐᓄᑦ.

5. ᐃᒪᕕᒻᒥ ᐃᖏᕐᕋᔫᒃᑰᑎᑦᓯᓂᕐᒧᑦ ᐊᑦᑕᓇᓐᖏᑦᑐᒃᑯᑦ ᐊᒻᒪᓗ ᓴᐳᔾᔭᐅᓯᒪᓇᖅᑐᒃᑯᑦ ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᓇᓗᓇᐃᖅᓯᓯᒪᕗᑦ ᐃᒪᕕᒻᒥ ᐃᖏᕐᕋᔫᒃᑰᑎᑦᓯᓂᕐᒧᑦ ᒪᓕᒐᓕᐊᖑᓯᒪᔪᓂᒃ ᐱᓕᕆᐊᑦᓴᓕᐊᖑᓯᒪᔪᓄᑦ ᐊᑦᑐᐊᓂᖃᖅᑐᓂᒃ ᑕᒪᑐᒧᖓ ᐱᓕᕆᐊᕆᔭᐅᒍᒪᔪᒧᑦ, ᐊᒻᒪᓗ ᓇᓗᓇᐃᖅᓯᓪᓗᑎᒃ ᓴᐳᔾᔨᒐᓱᐊᖅᑎᐅᔪᑦ ᑲᒪᒋᔭᕆᐊᓕᖏᓐᓂᒃ ᑎᑭᑕᖃᕈᓐᓇᖁᓪᓗᒋᑦ ᑕᒪᒃᑯᓂᖓ ᒪᓕᒐᐃᑦ ᐱᔭᐅᖁᔭᖏᓐᓂᒃ. ᑕᒪᒃᑯᐊ ᐃᓚᒍᑦᓯᐅᓯᒪᕗᑦ ᐱᓕᕆᐊᑦᓴᓕᐊᖑᓯᒪᔪᑦ ᐊᑦᑐᐊᓂᖃᖅᑐᑦ ᐅᓯᓚᖓᔪᖅ ᐊᑦᑕᓇᖅᑐᒦᖁᓇᒍ, ᓴᐳᔾᔭᐅᖁᓪᓗᒍ, ᓴᓗᒪᐃᓪᓕᖅᑎᕆᖁᓇᒍ, ᓴᓗᒪᐃᑦᑐᒥᒃ ᑲᒪᒐᓱᐊᕐᓂᕐᒧᑦ, ᐃᒪᕕᒻᒥ ᐱᓂᕐᓗᑦᑐᖃᖅᑲᑦ ᓇᓪᓕᐅᒃᑯᒫᕈᑎᓄᑦ ᐊᒻᒪᓗ ᐊᑭᓖᑎᑕᐅᓂᕐᒧᑦ, ᐊᒻᒪᓗ ᓇᐅᒃᑰᕕᑦᓴᐃᑦ ᓴᐳᔾᔭᐅᓯᒪᓂᖏᓐᓄᑦ.

6. ᓇᐅᒃᑰᕕᑦᓴᐃᑦ ᓴᐳᔾᔭᐅᓯᒪᓂᖏᑦ ᓇᐅᒃᑰᕕᑦᓴᐃᑦ ᓴᐳᔾᔭᐅᓯᒪᓂᖏᓐᓄᑦ ᒪᓕᒐᖅ ᒐᕙᒪᑐᖃᒃᑯᓐᓄᑦ ᒪᓕᒐᖁᑎᐅᕗᖅ ᓴᓇᒪᔪᖅ ᓈᒻᒪᒋᔭᐅᖃᑦᑕᖁᓪᓗᒋᑦ ᐃᖅᑲᓇᐃᔮᖑᒋᐊᓖᑦ ᑲᓇᑕᐅᑉ ᐊᑐᖅᑕᐅᒐᔪᑦᑐᒻᒪᕆᖏᓐᓂ ᐃᒫᒍᑦ ᐊᖅᑯᑎᐅᔪᓂ ᐊᑕᐅᑦᓯᒃᑯᑦ ᓴᐳᔾᔨᓯᒪᒐᓱᐊᕐᓗᓂ ᐊᔾᔨᒌᒥᒃ ᒪᓕᒐᕐᒥᒃ ᑭᓇᒃᑯᓕᒫᓄᑦ ᐱᒍᓐᓇᐅᑎᐅᔪᖅ ᓇᐅᒃᑯᕋᓱᐊᕈᓐᓇᓂᕐᒧᑦ. ᓇᐅᒃᑰᕕᑦᓴᐃᑦ ᓴᐳᔾᔭᐅᓯᒪᓂᖏᓐᓄᑦ ᒪᓕᒐᖅ ᐊᑐᖅᑎᑕᐅᓂᐊᖅᑐᖅ ᑕᒪᒃᑯᓄᖓ ᐃᖅᑲᓇᐃᔮᖑᒋᐊᓕᓐᓄᑦ ᓴᓇᓂᕐᒧᑦ ᐅᕝᕙᓘᓐᓃᑦ ᐃᓕᔭᐅᔪᖃᕆᐊᖃᖅᐸᑦ ᐃᓗᐊᓄᑦ, ᖄᖓᓄᑦ, ᖁᓛᓄᑦ, ᐊᑖᓄᑦ, ᐊᖅᑯᑖᓄᑦ, ᐅᕝᕙᓗ ᐃᑳᖅᑐᒥᒃ ᐊᑐᖅᑕᐅᓂᖃᖅᐸᑦᑑᑉ ᓇᓗᓇᐃᖅᑕᐅᓯᒪᔫᑉ ᐃᒪᐅᑉ ᐊᖅᑯᑎᐅᕙᑦᑑᑉ.

7. ᐃᖏᕐᕋᔫᒃᑰᑎᑦᓯᓂᖅ ᐊᑦᑕᓇᖅᑐᓕᓐᓂᒃ ᓱᓇᖁᑎᒋᔭᐅᔪᓂᒃ ᐃᖏᕐᕋᔫᒃᑰᑎᑦᓯᓂᕐᒧᑦ ᐊᑦᑕᓇᖅᑐᓕᓐᓂᒃ ᓱᓇᖁᑎᒋᔭᐅᔪᓂᒃ ᒪᓕᒐᖅ ᐊᒻᒪᓗ ᑕᒪᒃᑯᐊ ᒪᓕᒐᖁᑎᖏᑦ ᓴᖅᑭᔮᖅᑎᑦᓯᕗᑦ ᑭᓇᒃᑯᓕᒫᓄᑦ ᐊᑦᑕᓇᖅᑐᒦᑎᑦᓯᑦᑕᐃᓕᒪᓂᕐᒥᒃ ᑕᒪᒃᑯᐊ ᐊᑦᑕᓇᖅᑐᓖᑦ ᓱᓇᖁᑎᒋᔭᐅᔪᑦ ᑎᑭᑎᑕᐅᖃᑦᑕᕐᓂᖏᓐᓄᑦ, ᐊᐅᓚᑕᐅᖃᑦᑕᕐᓂᖏᓐᓄᑦ, ᐊᑐᐃᓐᓇᐅᑎᑕᐅᖃᑦᑕᕐᓂᖏᓐᓄᑦ ᐃᖏᕐᕋᔫᒃᑰᖅᑎᒐᑦᓴᐅᓂᖏᓐᓄᑦ ᐅᕝᕙᓗᓐᓃᑦ ᐊᐅᓪᓚᖅᑎᑕᐅᓂᖏᓐᓄᑦ. ᑖᓐᓇ ᐱᓕᕆᐊᑦᓴᓕᐊᖑᓯᒪᔪᖅ ᐃᖅᑲᓇᐃᔮᖃᖅᑐᖅ ᓴᖅᑭᖅᑐᖃᖁᓇᒍ ᐱᓂᕐᓗᑲᓪᓚᓐᓂᐅᔪᓂᒃ ᐊᒻᒪᓗ ᐊᑐᐃᓐᓇᐅᑎᑦᓯᓂᕐᒥᒃ ᓴᓐᖏᔪᒥᒃ ᓴᐳᔾᔨᒍᑎᐅᔪᓂᒃ ᑐᐊᕕᕐᓇᖅᑐᖃᓕᖅᑲᑦ ᑲᒪᒐᓱᕈᑎᑦᓴᓂᒃ.

8. ᐱᓗᐊᕐᓃᓐᓇᖏᓐᓅᖓᔪᑦ ᑭᖑᓪᓕᕐᐹᖅᓯᐅᑏᑦ ᑎᑎᕋᖅᓯᒪᔪᑦ ᐱᔾᔪᑎᐅᔪᓅᖓᔪᑦ ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᕿᒥᕐᕈᓯᒪᓕᖅᑐᑦ ᑭᖑᓪᓕᐹᖅᓯᐅᒻᒥᒃ ᐊᕙᑎᓕᕆᓂᕐᒧᑦ ᐊᑦᑐᐃᓂᐅᓴᔪᓄᑦ ᐅᖃᐅᓯᕆᔭᐅᓯᒪᔪᑦ ᐊᒻᒪᓗ ᐊᑐᐃᓐᓇᐅᑎᑦᓯᓪᓗᑎᒃ ᖃᐅᔨᒋᐊᕐᕕᐅᓯᒪᔪᓂᒃ ᐅᕝᕙᓘᓐᓂᑦ ᐱᔾᔪᑎᐅᓪᓚᕆᑦᑐᓂᒃ ᑐᕌᖓᓂᖃᖅᑐᓂᒃ ᐊᕝᕕᐊᕈᑎᐅᔪᓄᑦ ᓇᓗᓇᐃᕆᐊᖅᑕᐅᓯᒪᔪᓄᑦ, ᐊᒻᒪᓗ ᐊᑐᓕᖅᑎᑕᐅᖁᔭᒥᓐᓂᒃ. • ᐃᒪᕕᐅᑉ ᐊᕙᑎᖓ • ᐅᖅᓱᐊᓗᒻᒧᑦ ᓴᓗᒪᐃᓪᓕᖅᑎᑕᐅᓂᕐᒧᑦ ᐸᕐᓇᐅᑎ (OPEP) • ᓇᐅᒃᑰᖃᑦᑕᕕᑦᓴᐅᔪᑦ ᓴᐳᔾᔭᐅᓯᒪᓂᖏᑦ • ᐃᖏᕐᕋᔫᒃᑰᖅᑎᑕᐅᓂᖏᑦ ᐊᑦᑕᓇᖅᑐᓖᑦ ᓱᓇᖁᑎᒋᔭᐅᔪᑦ

9. ᐱᓗᐊᕐᓃᓐᓇᖏᑦ ᐊᑐᓕᖅᑎᑕᐅᖁᔭᐃᑦ ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᐊᑐᓕᖁᔨᕗᑦ ᐋᒡᓂᑰ ᐄᒍᓪ ᒪᐃᓐᔅ−ᑯᑦ ᐃᑉᐱᒋᔭᖃᑦᓯᐊᖁᓪᓗᒋᑦ ᑕᒪᒃᑯᐊ ᐊᑐᕈᒫᕐᓂᐊᖅᑕᐅᔪᑦ ᓴᓗᒻᒪᖅᓴᐃᓂᕐᒧᑦ ᐱᓕᕆᒍᒫᕐᓂᐊᕐᓂᐅᔪᑦ ᐊᑐᖅᑕᐅᒐᔭᖅᑐᑦ ᐅᒥᐊᖅᔪᐊᓄᑦ ᐊᖅᑯᓵᕆᖃᑦᑕᓚᖓᑎᓪᓗᒋᑦ ᐃᒪᕐᒥᐅᑕᓂᒃ ᐃᒪᐃᑦᑑᕗᑦ, ‘ᒪᓕᑦᓯᐊᕐᓗᑎᒃ ᐊᑦᑕᓇᖅᑐᑰᓇᓐᖏᑦᑐᒥᒃ ᐊᖅᑯᑎᖃᑦᓯᐊᕐᓗᑎᒃ ᐃᓱᒪᒋᔭᕆᐊᖃᖅᑐᓂᒃ ᒪᓕᓪᓗᑎᒃ ᓇᓗᓇᐃᖅᑕᐅᓯᒪᔪᓂᒃ ᐊᖏᔪᖅᑲᕆᔭᐅᔪᒧᑦ ᐅᒥᐊᕐᔪᐊᕆᔭᒧᑦ’. ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᐊᑐᓕᖁᔨᕗᑦ ᑖᒃᑯᐊ ᐋᒡᓂᑰ ᐄᒍᓪ ᒪᐃᓐᔅ−ᑯᑦ ᑐᓂᓯᖁᓪᓗᒋᑦ ᐅᓪᓗᒥᒨᓕᖅᑎᓯᒪᔪᓂᒃ ᐊᒻᒪᓗ ᒪᓕᑦᓯᐊᖅᑐᓂᒃ ᐅᖅᓱᐊᓗᒻᒧᑦ ᓴᓗᒪᐃᓪᓕᖅᑎᖅᑕᒥᒃ ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑎᒥᒃ ᑐᓂᓗᒋᑦ ᐃᖏᕐᕋᔫᓕᕆᔨᒃᑯᓐᓄᑦ ᑲᓇᑕᒥ ᓯᕗᓂᐊᒍᑦ ᐱᒋᐊᖅᑎᑕᐅᓂᖓᑕ ᐱᓕᕆᐊᕆᔭᐅᒍᒪᔫᑉ.

10. ᐱᓗᐊᕐᓃᓐᓇᖏᓐᓄᑦ ᐊᑐᓕᖅᑎᑕᐅᒍᒪᔪᑦ ᐃᒪᕕᒻᒥ ᐃᖏᕐᕋᔫᒃᑰᑎᑦᓯᓂᕐᒧᑦ ᓴᐳᔾᔭᐅᓯᒪᓂᕐᒧᑦ ᒪᓕᒐᓕᐊᖑᓯᒪᔪᑦ ᐱᔭᕆᐊᖃᖅᑎᑦᓯᕗᑦ ᐋᒡᓂᑰ ᐄᒍᓪ ᒪᐃᓐᔅ−ᑯᓐᓂᒃ ᖃᐅᔨᒃᑲᐃᒐᔭᖁᓪᓗᒋᑦ ᐃᖏᕐᕋᔫᓕᕆᔨᒃᑯᓐᓂᒃ ᑲᓇᑕᒥ ᑭᓇᒃᑯᑦ ᓵᓚᖃᖅᑎᑕᐅᓂᖏᓐᓄᑦ ᑳᓐᑐᕌᒥᒃ ᐅᒥᐊᕐᔪᐊᑰᖅᑎᑦᓯᖃᑦᑕᓂᕐᒧᑦ ᐊᑦᑐᐊᓂᖃᖅᑐᓂᒃ ᐱᓕᕆᐊᕆᒍᒪᔭᖏᓐᓄᑦ. ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᐊᑐᓕᖅᑎᑕᐅᖁᔨᕗᑦ ᑖᒃᑯᐊ ᐋᒡᓂᑰ ᐄᒍᓪ ᒪᐃᓐᔅ−ᑯᑦ ᒪᓕᑦᓯᐊᖃᑦᑕᖁᓪᓗᒋᑦ ᐃᖏᕐᕋᔫᒃᑰᑎᑦᓯᓂᕐᒧᑦ ᐊᑦᑕᓇᖅᑐᓕᓐᓂᒃ ᓱᓇᖁᑎᐅᔪᓄᑦ ᒪᓕᒐᕐᒥᒃ ᒪᓕᒐᖁᑎᖏᓐᓂᓪᓗ ᑕᒪᒃᑯᓄᖓ ᐊᑦᑐᐊᓂᖃᖅᑐᓄᑦ ᐱᓕᕆᐊᕆᒍᒪᔭᖏᑕ ᐊᐅᓚᓂᖏᓐᓄᑦ.

11. ᒪᑐᓯᕙᓪᓕᐊ ᐅᖃᐅᓯᑦᓴᐃᑦ ᑕᒪᒃᑯᐊ ᐅᖃᐅᓯᕆᔭᐅᔪᑦ ᐊᒻᒪᓗ ᐊᑐᓕᖅᑎᑕᐅᖁᔭᐅᔪᑦ ᑐᓂᔭᐅᔪᑦ ᐃᖏᕐᕋᔫᓕᕆᔨᒃᑯᓐᓄᑦ ᑲᓇᑕᒥ ᑕᑯᑦᓴᐅᑎᑦᓯᕗᑦ ᑲᒪᒋᒍᒫᕐᓂᐊᑕᖅᑎᓐᓂᒃ ᑕᒪᒃᑯᓇᓂ ᓇᓗᓇᐃᔭᖅᑕᐅᓯᒪᔪᓂ ᐊᑦᑐᐊᓂᖃᖅᑐᓂ ᒪᓕᒐᓕᐊᖑᓯᒪᔪᓂᒃ ᐊᐅᓚᑕᐅᓂᖃᑦᑐᓂᒃ ᐃᖏᕐᕋᔫᓕᕆᔨᒃᑯᓐᓄᑦ ᑲᓇᑕᒥ. ᐃᖏᕐᕋᔫᓕᕆᔨᒃᑯᑦ ᑲᓇᑕᒥ ᐊᖏᖃᑎᖃᑦᑐᑦ ᑕᒪᒃᑯᐊ ᖃᐅᔨᔭᐅᒍᑎᐅᓯᒪᔪᑦ ᐃᓗᓕᖏᓐᓃᑦᑐᑦ ᑖᒃᑯᐊ ᑭᖑᓪᓕᖅᐹᒥᒃ ᐊᕙᑎᓕᕆᓂᕐᒧᑦ ᐊᑦᑐᖅᑕᐅᒍᑎᐅᔪᓄᑦ ᐅᖃᐅᓯᕆᔭᐅᔪᓂ ᓴᐳᔾᔭᐅᓯᒪᕗᑦ ᖃᐅᔨᒐᓱᐊᕈᑎᐅᓯᒪᔪᓄᑦ, ᑕᒪᒃᑯᐊ ᑎᑎᖅᑲᓕᐊᖑᓯᒪᔪᑦ ᑐᓂᔭᐅᓂᑯᐃᑦ ᕿᒥᕐᕈᔪᖃᖅᑎᓪᓗᒍ ᑕᑯᑎᑦᓯᕗᑦ ᑖᒃᑯᐊ ᐋᒡᓂᑰ ᐄᒍᓪ ᒪᐃᓐᔅ−ᑯᑦ ᓇᓗᓇᐃᖅᓯᓯᒪᒋᐊᖏᑦ ᒪᓕᑦᓯᐊᕆᐊᖃᕐᓂᕐᒥᒃ ᑕᒪᒃᑯᓄᖓ ᐊᑦᑐᐊᓂᖃᖅᑐᓄᑦ ᒪᓕᒐᓕᐊᖑᓯᒪᔪᓄᑦ.