1 / 248

Bijbel Baptist Kerk Advanced Bijbel Instituut Module 9 Les 4

Bijbel Baptist Kerk Advanced Bijbel Instituut Module 9 Les 4. Samengesteld door R. Patton. Mi no sa meki misrefi tron slafoe. I Kor. 6:12. Mi abi leti foe alasani, ma a no de dati alasani de boen foe mi; mi abi leti foe alasani, ma mi no sa gi pasi foe iniwan sani foe dwingi mi.

jam
Download Presentation

Bijbel Baptist Kerk Advanced Bijbel Instituut Module 9 Les 4

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Bijbel Baptist KerkAdvanced Bijbel InstituutModule 9 Les 4 Samengesteld door R. Patton Les 4 - I Korintiers II

  2. Mi no sa meki misrefi tron slafoe • I Kor. 6:12. Mi abi leti foe alasani, ma a no de dati alasani de boen foe mi; mi abi leti foe alasani, ma mi no sa gi pasi foe iniwan sani foe dwingi mi. • Mi moesoe doe sani disi de boen gi mi, en no sani disi da pori mi libi • Mi no moesoe doe sani disi meki mi tron slafoe – drugs, sopi, sex, pornografie, enz. Les 4 - I Korintiers II

  3. Dem Grieki filosoof • Foeroe ben denki dati da sieli nanga da skin de apart. Da skin sa pori te joe dede, en a no man doe noti na da sieli. • Dus joe kan misbruiki joe skin na ala sortoe fasi sondro foe broko hede. • Disi de fout. MI de fri, ma no foe doe verkeerti sani nanga mi skin efoe sieli Les 4 - I Korintiers II

  4. Da skin no meki gi hoeroedoe • 13. Njanjan de foe da bere, en da bere de foe njanjan; ma Gado sa figi ala toe poeroe. Now da skin no ben meki foe hoeroedoe, ma a ben meki foe Masra, en Masra foe da skin. 14. En Gado ben opo Masra baka, en so srefi A sa opo wi baka nanga Hem egi krakti. • Gado ben gi wi wan skin disi A kan kenki foe opo go na hemel – no misbruik hem Les 4 - I Korintiers II

  5. Wi skin de wan pisi foe Kristus • I Kor. 6:15. Oen no sabi dati oen skin de dem pisi foe Kristus? Dan mi sa teki dem pisi foe Kristus, en meki dem tron pisi foe wan hoeroe-oema? Gado moe kibri mi! 16. San? Oen no sabi dati da soema disi kom wan nanga wan hoeroe-oema de wan skin nanga hem? Bikasi A ben taki: Dem toe sa de wan skin. 17. Ma da soema disi de wan nanga Masra de wan jeje. Les 4 - I Korintiers II

  6. No hoeroe • No moksi da jeje disi de wan nanga Kristus go miti wan heiden soema en tai joesrefi nanga da skin foe so wan soema • Man nanga oema kom wan skin na fesi foe Jezus Kristus te dem didon makandra Les 4 - I Korintiers II

  7. No hoeroe… • I Kor. 6:18. Lowe go kibri gi hoeroedoe! Ibri sondoe dati wan soema de doe de na dorosei foe hem skin; ma da soema disi hoeroe doe sondoe agensi hem egi skin. 19. San? Oen no sabi dati oen skin de da tempel foe da Santa Jeje disi de na oen ini, disi oen abi foe Gado, en oen no de foe oensrefi? 20. Bikasi A ben pai wan prijs foe oen kaba; foe dat'ede gi Gado glori ini oen skin, en ini oen jeje, disi de foe Gado. Les 4 - I Korintiers II

  8. No hoeroe… • Lowe foe hoeroedoe • Joe skin de da tempel foe da Santa Jeje (si I Kor. 3:16) • Oen no de foe oensrefi • Jezus ben bai joe skin nanga Hem diri broedoe • Gi Gado glori na ini joe skin nanga joe jeje Les 4 - I Korintiers II

  9. No hoeroe – trow • I Kor. 7:1. Now foe taki abra dem sani disi oenoe ben skrifi na mi taki: A de boen efoe wan man-soema no meri wan oema. 2. Tokoe, foe hoeroedoe no sa pasa, meki ibri man abi hem egi wefi, en meki ibri oema abi hem egi masra. • Meri – no fasi wan oema… • Normaal – moro foeroe soema moesoe trow Les 4 - I Korintiers II

  10. Man nanga frow moesoe miti da nowtoe foe da echtgenoot • I Kor. 7:3. Meki da man doe hem plikti na hem wefi, en so srefi da wefi na hem masra. 4. Da wefi no abi makti na tapoe hem egi skin, ma hem masra abi dati; en so srefi da man no abi makti na tapoe hem egi skin, ma hem wefi. 5. No hori oensrefi aparti da wan foe da trawan, boiti te oenoe miti mofo foe wan pisi tem nomo, foe oenoe kan gi oensrefi abra foe faste en begi; dan kom makandra agen, so dati satan no man tesi oen foe di oen no man dwingi oensrefi. Les 4 - I Korintiers II

  11. Te joe trow • Joe gi joe skin abra na joe echtenoot/te • Joe abi wan plikti foe miti san a abi fanowdoe leki wan normaal relatie • No hori joesrefi aparti • Toemoesi langa • Sondro ala toe de eens • Foe faste en begi • Dan kom baka so dati Satan no wini joe Les 4 - I Korintiers II

  12. Paulus ben hori hemsrefi, ma fa foe joe nanga mi… • I Kor. 7:6. Ma mi taki disi foe gi oen pasi, en no leki wan komanderi. 7. Bikasi mi ben sa wani dati ala soema sa de leki misrefi. Ma ibri soema abi hem egi presenti foe Gado, wan foe da fasi disi, en da trawan foe da fasi dati. 8. Foe dat'ede mi taki gi dem soema disi no trow ete, nanga dem weduwe taki: A de boen gi dem efoe dem sa tan so leki mi de. 9. Ma efoe dem no man hori demsrefi, meki dem trow; bikasi a de moro boen foe trow leki foe bron. Les 4 - I Korintiers II

  13. No bron nanga lostoe • Paulus ben de wan spesroetoe soema nanga wan spesroetoe wroko • Ma moro hipi soema no man hori demsrefi • Dem abi pasi foe prati even, ma no opdrakti dati dem moesoe hori demsrefi aparti • Loekoe na dem problemen nanga dem priester disi dem taki dem no man trow… Les 4 - I Korintiers II

  14. Gado doel – wan man + wan oema te dede wawan prati dem • I Kor. 7:10. En na dem soema disi de trow kaba, mi komanderi, tokoe a no de mi, ma Masra taki: Meki da wefi no libi hem masra; 11. Ma efoe a gowe libi hem, dan meki hem tan sondro foe trow agen, efoe foe kom boen baka nanga hem masra; en no meki da masra poti hem wefi na doro. • Na ini Kristus wi kan wroko doro dem problemen… Les 4 - I Korintiers II

  15. Toe bribiwan • Prati no moesoe de • Ma efoe a no man libi samen, meki hem wakti da soema en no trow baka na da tem a libi hem wawan Les 4 - I Korintiers II

  16. No prati efoe da trawan wani tan • I Kor. 7:12. Ma na dem tra soema mi taki, a no de Masra disi taki: Efoe wan brada abi wan wefi disi no de bribi, en a sa wani tan nanga hem, meki hem no poti hem (da wefi) na doro. 13. En da oema disi abi wan masra disi no bribi, en efoe a sa wani tan nanga hem, no meki a libi hem masra. Les 4 - I Korintiers II

  17. Som kerki taki: • Efoe joe masra (efoe frow) no wani drai hem libi, fika hem, en soekoe wan brada (efoe sisa) disi de bribi na ini da gemeente • Gado no taki disi kwet’kweti – foe dwingi da partner foe prati. Efoe a wani tan, meki hem tan Les 4 - I Korintiers II

  18. Ma efoe a wani gowe… • I Kor. 7:14. Bikasi da masra disi no bribi de kom santa doro da wefi, en da wefi disi no bribi de kom santa doro hem masra; noso oen pikin no ben sa de krin; ma now dem de santa. 15. Ma efoe da soema disi no bribi sa gowe, gi hem pasi foe gowe. Wan brada efoe sisa no de tai te disi pasa, ma Gado ben kari wi foe abi vrede. Les 4 - I Korintiers II

  19. Gado kari wi foe vrede • Gado loekoe na da pikin leki a de santa en aparti bikasi foe da bribi mama efoe tata • Ma efoe da soema disi no bribi no wani tan moro, dan joe no moesoe dwingi hem foe tan. Joe no de verplikt foe tan makandra. Ma dan wakti hem… Les 4 - I Korintiers II

  20. Poti da situatie na ini da anoe foe Gado • I Kor. 7:16. Bikasi fa joe sabi, O wefi, efoe joe sa verloesoe joe masra? Efoe fa joe sabi, O mansoema, efoe joe sa verloesoe joe wefi? 17. Ma so leki Gado ben prati gi na ibri soema, en so leki Gado ben kari ibriwan, so a moe waka. En mi taki so na ini ala dem kerki. Les 4 - I Korintiers II

  21. No broko hede abra joe positie • I Kor. 7:18. Gado kari wan soema disi ben besnijde kaba? Meki hem tan besnijde. Gado kari wan soema, en a no ben besnijde? Meki hem tan sondro besnijde. 19. Foe de besnijde no de noti, en foe no de besnijde, dati no de noti, ma foe hori dem komanderi foe Gado. 20. Meki ibri soema tan nanga da srefi fasi leki Gado ben kari hem kaba. Les 4 - I Korintiers II

  22. Besnijdenis no de noti • Dem Djoe ben loekoe na besnijdenis leki a ben de fanowdoe foe de wan pikin foe Abraham en na ondro da akkorderi foe Gado • So srefi wi si som soema loekoe na dopoe tide, ma Paulus sori dati a no de belangrijk • Disi klop nanga Tori 15 Les 4 - I Korintiers II

  23. Fa efoe prati ben de fosi joe ben drai libi • Libi na ini da situatie pe joe de now. Joe no man go baka pe joe ben de fosi. Loekoe na disi leki na ondro da broedoe foe Jezus Kristus • Now libi 100% foe Gado Les 4 - I Korintiers II

  24. Dini Gado pe joe de • I Kor. 7:21. Joe ben de wan slafoe di A ben kari joe? No ke foe dati, ma efoe joe kan kom fri, doe dati. 22. Bikasi da soema disi A ben kari na ini Masra di a ben de wan slafoe de wan friman na ini Masra; so srefi, da soema disi ben de wan friman di A ben kari hem de da slafoe foe Kristus. 23. A ben bai oen nanga wan prijs; no de slafoe foe libisoema. 24. Brada, meki ibri man tan nanga Gado leki fa a ben de di Gado ben kari hem. Les 4 - I Korintiers II

  25. Foeroe slafoe ben de na da tem dati • Efoe joe feni fri, doe dati • Ma efoe joe man feni fri, no broko hede, ma dini Gado • Da slafoe de wan friman na ini Kristus • Da friman de wan slafoe foe Kristus Les 4 - I Korintiers II

  26. A boen foe tan so… • I Kor. 7:25. Now abra dem krin wendje, mi no ben kisi wan komanderi foe Masra; tokoe mi sa gi mi kroetoe, leki wan soema disi ben kisi da sari-hati foe Masra foe de wan vertrouw soema. 26. Foe dat'ede na ini da tem foe nowtoe disi, mi taki dati a de boen foe wan man foe de so. 27. Joe ben trow nanga wan wefi? No soekoe foe broko trow. Joe ben kom loesoe foe wan wefi? No soekoe wan wefi. Les 4 - I Korintiers II

  27. San a wani taki: no komanderi • Disi no wani taki dati san Paulus skrifi ben de soso hem egi idee, ma dati Jezus no ben gi leri tapoe disi di A ben de na grontapoe • Paulus loekoe na da nowtoe situatie foe da tem dati pe joe kan abi foe lowe foe kibri joe libi, en kande a de moro boen efoe joe no trow Les 4 - I Korintiers II

  28. Paulus si da tem foe vervolgoe • I Kor. 7:28. Ma efoe joe trow, joe no ben doe sondoe, en efoe wan krin wendje trow, a no ben doe sondoe. Tokoe, dem sa abi trobi na ini skin-fasi, ma mi wani kibri oen foe dati. 29. Ma disi mi taki, brada, taki: Da tem de sjatoe; foe dat'ede, dem disi abi dem wefi sa de leki dem soema disi no abi wan, • Trow no de sondoe, en da soema disi no trow no de moro geestelijk leki da wan disi no trow Les 4 - I Korintiers II

  29. Grontapoe de foe wan pisi tem nomo • I Kor. 7:30. En dem soema disi de krei sa de leki dem disi no krei; en dem disi prisiri sa de leki dem disi no prisiri; en dem soema disi bai sani sa de leki dem disi no abi sani; 31. En dem soema disi wroko nanga grontapoe sa de leki dem soema disi no pori hem; bikasi da fasi foe grontapoe de pasa gowe. Les 4 - I Korintiers II

  30. Voordeel efoe joe no trow – joe kan poti joe heri prakseri tapoe Masra • I Kor. 7:32. Ma mi no wani foe oen moesoe broko oen hede. Da soema disi no trow denki foe dem sani foe Masra, en fa a kan gi Masra prisiri; 33. Ma da soema disi trow ke foe dem sani foe grontapoe, fa a kan meki hem wefi prisiri.. Les 4 - I Korintiers II

  31. Voordeel efoe joe no trow – joe kan poti joe heri prakseri tapoe Masra • I Kor. 7:34. Wan difrenti de na mindri foe wan wefi nanga wan krin wendje toe. Da krin wendje ke foe dem sani foe Masra, foe a sa de santa na ini hem skin en na ini hem jeje; ma da soema disi de trow ke foe dem sani foe grontapoe, fa a kan meki hem masra prisiri. Les 4 - I Korintiers II

  32. Sortoe presenti Gado gi joe? • I Kor. 7:35. En disi mi taki so dati oensrefi sa wini; no foe mi seti wan trapoe gi oen; ma foe da sani disi de boen, en dati oen kan dini Masra sondro foe prakseri tra sani. 36. Ma efoe iniwan soema denki dati a no tjari hemsrefi boen nanga hem krin wendje, efoe a bigi kaba, en a de fanowdoe, meki hem doe san a wani; a no doe sondoe; meki dem trow. Les 4 - I Korintiers II

  33. Sortoe presenti Gado gi joe? • Som soema kan hori demsrefi • Trawan abi wan frow/masra fanowdoe • Meki wi wroko nanga da presenti disi Gado gi wi • A no de wan sondoe foe trow Les 4 - I Korintiers II

  34. Efoe joe kan tan leki wan krin wendje, a de wan boen sani… • I Kor. 7:37. Tokoe da soema disi tan faste na ini hem hati, en a no feni dati fanowdoe, ma a abi krakti na tapoe hem egi wani, en a ben seti na ini hem hati foe hem sa tan wan krin wendje, a doe boen. 38. Da so da soema disi gi hem foe trow de doe boen, ma da soema disi no gi hem foe trow de doe moro boen. Les 4 - I Korintiers II

  35. Gi dem weduwe… • I Kor. 7:39. Da wefi de tai nanga da wet so langa dati hem masra de libi; ma efoe hem masra dede kaba, a de fri foe trow nanga soema a wani agen, ma a moesoe de na ini Masra. 40. Ma a sa abi moro prisiri foe a tan so; dati mi prakseri, en mi bribi toe dati mi abi da Jeje foe Gado. • Joe kan trow, ma soso nanga wan bribiwan Les 4 - I Korintiers II

  36. Wi de fri na ini Kristus… • I Kor. 8:1. Now foe taki abra dem sani disi de ofrandi gi dem popki, wi sabi dati wi alamala abi koni. Koni de meki bigi-fasi, ma lobi de bouw kom moro tranga. 2. Efoe wan soema denki dati a sabi iniwan sani, a no sabi noti ete leki fa a moesoe sabi hem. 3. Ma efoe iniwan soema lobi Gado, Gado sabi hem. Les 4 - I Korintiers II

  37. Grontapoe koni no bouw op, ma a meki wi abi bigi membre • Wi moesoe bouw op: • Libisoema – wi de da leti foe grontapoe • Famiri – Efesi 5-6 • Ala bribiwan: Efesi 4:29. No gi pasi foe takroe tak'taki komopo foe joe mofo, ma dem sani nomo disi de boen foe bouw trawan kom moro tranga, so dati dem kan wroko gnade gi dem soema disi jere dem. Les 4 - I Korintiers II

  38. Wi moesoe bouw op • Swakiwan: Rom. 14:11. Teki da soema na oen mindri disi de swaki na ini bribi, ma no foe stree abra sani disi oen kan loekoe na toe fasi.2. Bikasi wan soema bribi dati a kan njan alasani, ma trawan, disi de swaki, njan groentoe nomo. 3. Meki da soema disi njan no veragti da soema disi no njan; en no meki da soema disi no njan kroetoe da soema disi njan; bikasi Gado ben teki hem kaba. Les 4 - I Korintiers II

  39. Basis sabi: Wan Gado nomo de • I Kor. 8:4. Foe dat'ede, foe taki abra fa wi kan njan dem sani disi dem meki leki ofrandi gi dem popki, wi sabi dati wan popki no de noti na grontapoe, en dati wan Gado nomo de. 5. Bikasi alwasi foeroe sani de disi dem kari gado, efoe dem de na ini hemel, efoe na grontapoe (bikasi foeroe gado de, en foeroe masra de,) 6. Ma wan Gado da Tata nomo de gi wi, en alasani ben komopo foe Hem, en wi de na Hem ini; en wan Masra Jezus Kristus, disi ben meki alasani, en A ben meki wi. Les 4 - I Korintiers II

  40. Foeroe “gado” de • Ma dem no de da troe libilibi Gado • Gado de da schepper foe alasani • Wi libi na Hem ini • Jezus Kristus de da Schepper • Jezus Kristus ben meki wisrefi… • Ala popki de soso sani disi kisi krakti foe didibri srefi Les 4 - I Korintiers II

  41. Ma fa foe mi brada efoe sisa? • I Kor. 8:7. Ma ala soema no sabi dati; bikasi wantoe foe dem soema konsensi no de fri foe da popki, en dem njan disi te leki tide leki wan njanjan disi ben de wan ofrandi gi wan popki, en dem swaki konsensi kom pori. • Som soema tai nanga dem owroe gwenti nanga dem owroe sondoe ete Les 4 - I Korintiers II

  42. Mi abi frantwoortoe foe mi brada… • I Kor. 8:8. Ma njanjan no meki wi kom moro boen na ini da ai foe Gado; bikasi wi no de moro boen efoe wi njan, en wi no de moro takroe efoe wi no njan. 9. Ma loekoe boen so dati da fri disi oen abi no sa tron wan fasi foe meki dem swaki soema naki foetoe fadon. • Mi no moesoe seti wan trapoe gi trawan Les 4 - I Korintiers II

  43. Da trawan konsensi no de fri… • I Kor. 8:10. Bikasi efoe iniwan soema sa si joe disi abi sabi kaba sidon foe njan na ini wan tempel foe wan popki, dati no sa meki da konsensi foe wan swaki soema kisi dek'ati foe njan dem sani disi dem meki leki ofrandi gi dem popki? 11. Dan doro da sabi foe joe, joe sa meki da moro swaki brada pori, foe di Masra Jezus ben dede kaba. Les 4 - I Korintiers II

  44. San pasa? • Da swaki wan bribi dati dem falsi gado de ete, en now a bribi dati a kan njan nanga dem – dati wani taki, leki foe doe mee nanga trowe njanjan… • Dan te mi wroko tapoe da fri foe mi, mi meki trawan fadon Les 4 - I Korintiers II

  45. Mi poti mi frantwoortoe foe mi brada moro hei leki mi leti… • I Kor. 8:12. Ma te joe doe so wan sondoe agensi dem brada, en gi dem swaki konsensi mankeri, dan joe doe sondoe agensi Kristus srefi. 13. Foe dat'ede, efoe meti sa meki mi brada naki foetoe fadon, dan mi no sa njan meti so langa grontapoe de; noso mi sa meki mi brada naki foetoe fadon. Les 4 - I Korintiers II

  46. Wi de wan skin na ini Kristus • Ibri soema de wan pisi foe da skin • Te mi meki mi brada fadon, dan mi gi da skin foe Kristus mankeri • En mi toe de wan pisi foe da skin dati! Les 4 - I Korintiers II

  47. So lobiwan… • Som sani de sondoe alatem bikasi foe da karakter foe hem – lei, soeta, kiri, foefoeroe, enz. • Som sani kan de sondoe efoe a meki trawan fadon… Les 4 - I Korintiers II

  48. Ma fa foe mi leti? • Paulus abi leti leki wan apostel: • I Kor. 9:1. Mi no de wan apostel? Mi no de fri? Mi no ben si Jezus Kristus wi Masra? Oen no de mi wroko na ini Masra? 2. Alwasi mi no de wan apostel gi tra soema, tokoe foe troe mi de wan gi oen; bikasi oen de da stampoe foe mi apostel-wroko na ini Masra. Les 4 - I Korintiers II

  49. Bewijs foe wan apostel: • A ben si Jezus Kristus di ben opo baka • Foe dat’ede a ben de fanowdoe foe Paulus si Kristus Jezus baka Hem opo baka, alwasi a no si Jezus fosi dati • So srefi hem wroko moesoe sori. A ben doe wondroewroko, en a ben si foeroe soema drai dem libi Les 4 - I Korintiers II

  50. Sortoe leti Paulus ben abi? • I Kor. 9:3. Mi piki dem soema disi wani ondrosoekoe mi taki: 4. Wi no abi leti foe njan en dringi? 5. Wi no abi leti foe tjari wan sisa, wan wefi foe go nanga wi so leki dem tra apostel nanga dem brada foe Masra nanga Kefas? 6. Efoe mi nanga Barnabas nomo no abi leti foe tapoe foe wroko nanga wi anoe? Les 4 - I Korintiers II

More Related