SAYO SA KAHAMTONGAN (YOUNG ADULTHOOD )

1. SAYO SA KAHAMTONGAN (YOUNG ADULTHOOD ) 20 – 35 anyos Nagsugod na pagtukod og pamilya.

2. Pakigsuod vs. Nag-inusara (intimacy vs isolation) • Ang tahas mao ang pagkab-ot og igo nga Pakigsuod, kontra sa magpabilin nga Nag-inusara. • Importante nga Tahas:Ang pagmugna og patas ug makatagbaw nga relasyon - una diha sa kaminyoon ug diha tali sa mga higala.

3. Ang mga batan-on nga hamtong kinahanglan nga maka-umol og suod ug mahigugmaon nga relasyon tali sa ubang mga tawo. • Ang kalampusan mo-resulta sa lig-on nga mga relasyon, samtang ang kapakyasan mo-resulta sa kamingaw ug pag-inusara.

4. Kini nga ang-ang molangkob sa sayong panahon sa kahamtongan diin sila nag-diskobre sa personal nga mga relasyon. • Si Erikson nagtoo nga importante kaayo nga ang mga tawo makapalambo og suod, malahutayon nga mga relasyon tali sa ubang mga tawo. • Kadtong nagmalampuson niining maong tikang nakapalambo og mga relasyon nga malungtaron ug kasaligan.

5. Atong hinumdoman nga ang matag ang-ang nagsalig sa mga abilidad nga nakat-onan sa niagi’ng ang-ang. Si Erikson nagtoo nga ang lig-on nga pag-angkon sa kaugalingon importante diha sa pagpalambo og suod nga relasyon. • Ang mga pagtuon nagpamatuod nga kadtong huyang ang kaugalingon kasagaran dili maka-angkon sa malahutayong relasyon ug maoy nag-antus sa kamingaw, pag-inusara, ug kahugno sa balatian.

6. Pakig-suod (Intimacy) • Ang Pakig-suod mao ang abilidad nga mahiduol sa uban, isip hinigugma, higala, ug sakop sa katililingban. Tungod kay nagbaton ka na man og klaro nga pag-ila sa kaugalingon, wala ka na’y kahadlok nga mawala ang imong kaugalingon. • Ang uban nga bation sa “kahadlok sa pagtahan” niining panahona nagpadayag lamang sa kakulang pa sa kahamtongan.

7. Daghang mga tawo karon nga kanunay lang nag-”unya-unya” sa pag-uswag sa ang-ang sa ilang relasyon: “Unya na ko magminyo, o mag-pari, mag-madre, o moapil sa katilingbanong kalihukan kung mahuman na ko sa gibuhat nga balay, sa akong negosyo, sa pagpa-eskwela sa mga igsoon, sa pag-atiman sa ginikanan, ubp.. Unsa pa’y imong gidugayan kung nag-uban na mo sulod sa napulo ka tuig?

8. Ang relasyon sa mga batan-ong hamtong kinahanglan nga tali sa duha ka independente nga kaugalingon nga buot magtukod og mas dako pa sa ilang kaugalingon. • Atong giila kini diha sa atong pagtamihid sa relasyon tali sa usa ka batan-ong hamtong ug usa ka batan-on. Makit-an dayon nato ang posibilidad sa pag-maneho sa hamtong sa batan-on.

9. Ang atong katilingban wala kaayo’y nahimo alang sa kalamboan sa mga batan-ong hamtong. Atong gihatagan og dakong pagtagad ang trabaho, ang pag-iyahay sa pagpuyo diha sa mga siyudad, ang panagbulag sa mga relasyon tungod sa atong pagsige og biya, ug ang kakulang sa personalan sa moderno nga kinabuhi mao ang nakapugong sa mga tawo sa ilang natural nga pagpalambo sa suod nga relasyon tali sa usa’g-usa.

10. Tingali lahi ang sitwasyon diha sa mga banikanhon nga lugar, diin anaa pa ang kasinatian nga nakamugna og lawom nga relasyon tali sa usa’g-usa, nga maoy imong naminyoan ang imong hinigugma sa high school, ug anaa ang lawom nga pakiglambigit diha sa katilingban. Apan kini nag-anam na og kahilis o kawala.

11. Importante nga mga Relasyon (Significant relations) • Ang imong kapikas; mga higala (partners, friends ) • Kalig-on: Paghigugma (sa uban) ug Pakig-uban/Pagka-sakop • Buhatonon: Makig-uban - "OK ako, OK pod ka" • Dili maayo nga resulta: elitismo - status symbols, "Yuppies" , makighigala sa mga sikat aron mosikat.

12. Estilo sa Panghuna-huna ug Pakig-relasyon (Psychosocial modalities) • Makahatag ug Makakita sa kaugalingon diha sa uban.

13. Mga Maayong Kalidad (Psychosocial virtues) • GUGMA • Kung magmalampuson sa paglatas niining maong ang-ang, maka-angkon ka sa maayong kalidad nga gitawag ni Erikson og gugma.

14. Ang GUGMA, nagpasabot sa abilidad sa pagbiya sa mga panagbangi ug kalainan tungod ug alang sa “hiniusang pag-inunongay.” • Naglangkob kini, dili lang sa gugma nga nasinati diha sa maanindot nga panagtiayon, kundili sa gugma tali sa managhigala ug isigka-tawo, kauban sa trabaho, ug katagilungsod.

15. Dili Maayong Pagtubo(Maladaptations & malignancies) • Bisa’g kinsa ang ka-relasyon -- Ekslusibo nga relasyon (walay labot ang uban) (promiscuity -- exclusivity ) • Gitawag ni Erikson og “promiscuity”, kanang hilig sa pakig-relasyon kang bisan kinsa lang, apan taphaw ra nga pakigsuod. Mahitabo kini diha sa pakighigala, diha sa katilingban, ug bisan sa pagpanguyab.

16. Exclusivity • Gitawag ni Erikson og “exclusion”, kadtong hilig nga molikay sa paghigugma, pakighigala, o ang pagbaton og kasilag sa ubang mga tawo aron sa paghulip sa iyang kamingaw. • Lain nga kahulogan sa “exclusivity” mao ang pagbaton og higala o hinigugma nga ila-ila lang, ug walay labot ang uban.